ବୁର୍ଜ ଖଲିଫା : ଗୋଟିଏ ଆପାର୍ଟମେଣ୍ଟ ଦାମ୍‌ କେତେ ?

କନକ ବ୍ୟୁରୋ:  ବୁର୍ଜ ଖଲିଫା। ବିଶ୍ବ ମାନଚିତ୍ରରେ ସ୍ବତନ୍ତ୍ର ସ୍ଥାନ ଅଧିକାର କରିଛି । ପ୍ରତିଦିନ ଲକ୍ଷାଧିକ ଲୋକ ଏହି ଟାୱାରକୁ ବୁଲିବାକୁ ଆସନ୍ତି । କାରଣ ଏହାର ଉଚ୍ଚତା ଏତେ ଅଧିକ ଯେ ବିଶ୍ବର କୌଣସି ଦେଶରେ ତାହାଠୁ ଅଧିକ ଉଚ୍ଚତାର ଘର ନାହିଁ । ସେଇଥି ଲାଗି ତ ଏହାକୁ ନେଇ ଚର୍ଚ୍ଚା ଜୋର । ତେବେ ସେଠାରେ ଗୋଟିଏ ଗୋଟିଏ ଫ୍ଲାଟ୍‌ରେ ରହିବାକୁ ହେଲେ କେତେ ଟଙ୍କା ଦେବାକୁ ପଡ଼େ ତାହା ଆପଣ ଜାଣିଛନ୍ତି କି । ଯଦି ଜାଣିନାହାନ୍ତି ତେବେ ଏବେ ହିଁ ଜାଣନ୍ତୁ । 

୮୨୮ ମିଟର ଉଚ୍ଚର କୋଠା
ବିଶ୍ବର ପର୍ଯ୍ୟଟକଙ୍କ ଭାରି ପସନ୍ଦ

ଦୁବାଇକୁ ନେଇ ସବୁବେଳେ ଚର୍ଚ୍ଚା ଲାଗି ରହେ । କାରଣ ସେଠାରେ ସୁନା ଖଣି ଥିବାରୁ ସେଠାରେ ଅନ୍ୟ ଦେଶ ତୁଳନାରେ ସୁନାର ଦାମ କମ । ଖାଲି କମ୍‌ କାହିଁକି ବରଂ ସେଠାରେ ରହୁଥିବା ପ୍ରତ୍ୟେକ ବ୍ୟକ୍ତି ଭରି ଭରି ସୁନାରେ ନିଜକୁ ସଜେଇ ରଖନ୍ତି । ଏବେ କିନ୍ତୁ ସୁନା ଅପେକ୍ଷା  ବୁର୍ଜ ଖଲିଫାକୁ ନେଇ ଭାରି ଚର୍ଚ୍ଚା ଲାଗିଛି । ଅନେକଙ୍କ ମନରେ ଗୋଟିଏ ପ୍ରଶ୍ନ ଉଙ୍କି ମାରେ କି, ସେଠାରେ ଥିବା ଗୋଟିଏ ଗୋଟିଏ ରୁମ୍‌ରେ ରହିବାକୁ ହେଲେ କେତେ ଟଙ୍କା ଦେବାକୁ ପଡ଼େ ?  ବୁର୍ଜ ଖଲିଫାରେ ମୋଟ୍‌ ୧୬୩ଟି ମହଲା ରହିଥିବା ବେଳେ ୫୮ ଲିଫ୍ଟ, ୨୯୫୭ଟି ପାର୍କିଂ ସ୍ଥାନ, ୩୦୪ ହୋଟେଲ ରୁମ୍, ୩୭ଟି ଅଫିସ୍‌ ଓ ୯୦୦ରୁ ଉର୍ଦ୍ଧ୍ବ ବିଳାଶପୂର୍ଣ୍ଣ ଫ୍ଲାଟ୍‌ ରହିଛି । ଏହି ଟାୱାରର ୮, ୩୮ ଓ ୩୯ ମହଲାରେ ଦୁବାଇର ପ୍ରସିଦ୍ଧ ଅରମାନୀ ହୋଟେଲ ରହିଛି । ଖାଲି ଏତିକି ନୁହେଁ ବରଂ ଟାୱାରର ୯ରୁ ୧୬ ମହଲାରେ ଅରମାନି ରେସିଡେନ୍ସର ବିଳାସପୂର୍ଣ୍ଣ ଆପର୍ଟମେଣ୍ଟ ରହିଛି । ଠିକ୍‌ ସେହିପରି ୪୫ରୁ ୧୦୮ ମହଲାରେ ୪ ବିଏଚ୍‌କେ ରୁମ୍‌ ଥିବା ଜଣାପଡ଼ିଛି ।

ବ୍ରୁଜ୍‌ ଖଲ୍ଲିପାର ଆପାର୍ଟମେଣ୍ଟର ଦାମ୍‌ କେତେ

ଦୁବାଇର ଏକ ହାଉସିଂ ୱେବସାଇଟ୍‌ର ରିପୋର୍ଟ ଅନୁସାରେ, ଟାୱାରରେ ଥିବା ଆପାର୍ଟମେଣ୍ଟର ମୂଲ୍ୟ ନିର୍ଦ୍ଧାରଣ କରାଯାଇଛି । ଯେଉଁଠାରେ ୧ ବିଏଚ୍‌କେ ରୁମକୁ ଭାରତୀୟ ମୁଦ୍ରାରେ ୩ କୋଟି ୭୩ ଲକ୍ଷ ରଖାଯାଇଥିବା ବେଳେ ୨ ବିଏଚ୍‌କେ ରୁମକୁ ୫ କୋଟି ୮୩ ଲକ୍ଷ ଟଙ୍କା ଧାର୍ଯ୍ୟ କରାଯାଇଛି । ଠିକ୍‌ ସେମିତି, ୩ ବିଏଚ୍‌କେ ରୁମର ଦାମ୍‌ ୧୪ କୋଟି ଟଙ୍କା ରଖାଯାଇଛି । 

ବୁର୍ଜ ଖଲିଫାରେ ଥିବା ସବୁଠୁ ବଡ଼ ପେଣ୍ଟହାଉସ୍‌ର ଦାମ୍‌ ଶୁଣିଲେ ଆପଣଙ୍କର ବି ହୋସ୍‌ ଉଡ଼ିଯିବ । କାରଣ ପେଣ୍ଟ ହାଉସ୍‌ର ଦାମ ୨୪୦ କୋଟି ଟଙ୍କା ରଖାଯାଇଛି । କୁହାଯାଉଛି ଏହି ହାଉସ୍‌ରେ ସମସ୍ତ ପ୍ରକାର ବିଳାସପୂର୍ଣ୍ଣ ସୁବିଧା ଉପଲବ୍ଧ ରହିଛି । କାରଣ ବିଶ୍ବର ପ୍ରତିଟି ଧନୀ ବ୍ୟକ୍ତି ଏହି ଘରେ ରହିବାକୁ କୁଆଡ଼େ ସ୍ବପ୍ନ ଦେଖନ୍ତି । 

ବୁର୍ଜ ଖଲିଫା ଘରଠୁ ଭାରତୀୟ ଘର ଅଧିକ ଦାମ୍‌

ବିଶ୍ବର ସବୁଠୁ ଉଚ୍ଚ କୋଠା ବ୍ରୁଜ୍‌ ଖଲ୍ଲିପା ଏ କଥା ଆମେ ସମସ୍ତେ ଜାଣନ୍ତି । ହେଲେ ଭାରତରେ ବି  ବୁର୍ଜ ଖଲିଫା କୋଠାଠାରୁ ଅଧିକ ବିଳାଶପୂର୍ଣ୍ଣ କୋଠା ରହିଥିବା ଏବେ ଜଣାପଡ଼ିଛି । ବିଳାସପୂର୍ଣ୍ଣ ଘର କରୁଥିବା ନେଇ ଡୁପ୍ଲେକ୍ସ ସବୁବେଳେ ଚର୍ଚ୍ଚାରେ ରହିଥାଏ । ଗୁରୁଗ୍ରାମରେ କମ୍ପାନୀ ପକ୍ଷରୁ ତିଆରି କରାଯାଇଥିବା ଏକ ଘର ଏବେ  ବୁର୍ଜ ଖଲିଫାକୁ ଖର୍ଚ୍ଚରେ ପଛରେ ପକାଇଥିବା ଜଣାପଡ଼ିଛି । ସୂଚନା ଅନୁସାରେ, ଗୁରୁଗ୍ରାମର ଗଲ୍ଫ କୋର୍ସ ରୋଡ୍‌ରେ ତିଆରି ହୋଇଥିବା ଘର ନିଜର ଲକ୍ସଜୁରୀ ପାଇଁ ଚର୍ଚ୍ଚା ସାଉଣ୍ଟିଛି । କୁହାଯାଉଛି କି, ଘରେ ମୋଟ୍‌ ୨୯ ମହଲା ରହିବ ଏବଂ ପ୍ରତି ବର୍ଗଫୁଟ୍‌ର ଦାମ ୮୦ ହଜାର ଟଙ୍କା ରହିବ । ଠିକ୍‌ ସେହିପରି ଗୋଟିଏ ଗୋଟିଏ ଆପାର୍ଟମେଣ୍ଟର ଦାମ୍‌ ୧୦୦ କୋଟି ରହିବ ବୋଲି ଜଣାପଡ଼ିବା ପରେ  ବୁର୍ଜ ଖଲିଫାରୁ ଏହାର ଦାମ ଅଧିକ ହେବ ବୋଲି କୁହାଯାଉଛି ।