କନକ ବ୍ୟୁରୋ: ଆଜି ଉପରାଷ୍ଟ୍ରପତି ପ୍ରାର୍ଥୀ ଘୋଷଣା କରିପାରେ ଏନଡିଏ । ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା, ଗୃହମନ୍ତ୍ରୀ ଅମିତ ଶାହ ଏବଂ ଏନଡିଏର ମନ୍ତ୍ରୀମାନଙ୍କ ନେଇ ଉଚ୍ଚସ୍ତରୀୟ ବୈଠକ ହେବାର ଅଛି । ଏଥିରେ ଉପରାଷ୍ଟ୍ରପତି ପ୍ରାର୍ଥୀ ନେଇ ଚୂଡାନ୍ତ ନିଷ୍ପତ୍ତି ନିଆଯିବ ।  ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ଏନଡିଏର ବୈଠକ ବସିବାର ଅଛି । ବୈଠକରେ ପରେ ଉପରାଷ୍ଟ୍ରପତି ପ୍ରାର୍ଥୀ ନେଇ ସଂସଦୀୟ ବ୍ୟାପର ମନ୍ତ୍ରୀ କିରଣ ରିଜିଜୁ ଗଣମାଧ୍ୟମକୁ ସୂଚନା ଦେବେ ।

Advertisment

ଉପରାଷ୍ଟ୍ରପତି ପ୍ରାର୍ଥୀ ବିଜେପିରୁ ହିଁ ହେବେ ବୋଲି ପୂର୍ବରୁ ସୂଚନା ମଳିଥିଲା । ତେବେ କିଏ ପ୍ରାର୍ଥୀ ହେବେ, ତାହା ଆଜି ସ୍ପଷ୍ଟ ହୋଇଯିବ । ସେପ୍ଟେମ୍ବର ୯ ତାରିଖରେ ଉପରାଷ୍ଟ୍ରପତି ନିର୍ବାଚନ ହେବାର ଅଛି। ଅଗଷ୍ଟ ୨୧ ରହିଛି ଉପରାଷ୍ଟ୍ରପତି ନିର୍ବାଚନ ପାଇଁ ନାମାଙ୍କନ ଦାଖଲର ଶେଷ ତାରିଖ । ଉଭୟ ଲୋକସଭା ଏବଂ ରାଜ୍ୟସଭାର ସଦସ୍ୟଙ୍କୁ ନେଇ ଗଠିତ ଇଲେକ୍ଟୋରାଲ କଲେଜ ଦ୍ବାରା ଉପରାଷ୍ଟ୍ରପତି ନିର୍ବାଚିତ ହେବେ । ସ୍ବାସ୍ଥ୍ୟଗତ ସମସ୍ୟା ଦର୍ଶାଇ ପୂର୍ବତନ ଉପରାଷ୍ଟ୍ରପତି ଜଗଦୀପ ଧନଖଡ଼ ଏହି ପଦବିରୁ ଇସ୍ତଫା ଦେଇଥିଲେ । ଉପରାଷ୍ଟ୍ରପତି ଦୌଡ଼ରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ସବୁଠୁ ଆଗରେ ଥିବା ଚର୍ଚ୍ଚା ହେଉଛି । ନୀତୀଶଙ୍କ ବ୍ୟତୀତ ପଛୁଆ ବର୍ଗର ରାମନାଥ ଠାକୁର, ଜେଡିୟୁର ହରିବଂଶ ସିଂ, ଦିଲ୍ଲୀ ଉପରାଜ୍ୟପାଳ ଭି.କେ ସକ୍ସେନା, ଜମ୍ମୁ କାଶ୍ମୀର ଉପରାଜ୍ୟପାଳ ମନୋଜ ସିହ୍ନାଙ୍କ ନାମକୁ ନେଇ ମଧ୍ୟ ଚର୍ଚ୍ଚା ହେଉଛି ।

 କିଏ ହେବେ ଉପରାଷ୍ଟ୍ରପତି?
ଉପରାଷ୍ଟ୍ରପତି ଦୌଡ଼ରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ସବୁଠୁ ଆଗରେ
ନୀତୀଶଙ୍କ ସ୍ଥାନରେ ଉପେନ୍ଦ୍ର କୁଶୱା ବିହାରର ମୁଖ୍ୟମନ୍ତ୍ରୀ ପ୍ରାର୍ଥୀ ହୋଇପାରନ୍ତି
ଏନଡିଏ ନୀତୀଶଙ୍କୁ ଉପରାଷ୍ଟ୍ରପତି ପ୍ରାର୍ଥୀ କରି ଅନ୍ୟମାନଙ୍କୁ ସୁଯୋଗ ଦେବାକୁ ଚାହୁଛି
ଉପରାଷ୍ଟ୍ରପତି ଦୌଡ଼ରେ ଅଛନ୍ତି ଜେଡିୟୁ ନେତା ହରିବଂଶ ସିଂହ
ରାଜ୍ୟସଭା ଉପାଧ୍ୟକ୍ଷ ହରିବଂଶ ସିଂ ସରକାରଙ୍କ ଘନିଷ୍ଠ ସହଯୋଗୀ 
ଜେଡିୟୁରୁ ନୀତୀଶ କୁମାର କିମ୍ବା ହରିବଂଶ ସିଂହଙ୍କୁ ପ୍ରାର୍ଥୀ କରିପାରେ ଏନଡିଏ
ଉପରାଷ୍ଟ୍ରପତି ଦୌଡ଼ରେ ଅଛନ୍ତି ପଛୁଆ ବର୍ଗର ରାମନାଥ ଠାକୁର
ରାମନାଥ ହେଉଛନ୍ତି ବିହାରର ପୂର୍ବତନ ଉପମୁଖ୍ୟମନ୍ତ୍ରୀ କର୍ପୂରୀ ଠାକୁରଙ୍କ ପୁଅ
କର୍ପୂରୀ ଠାକୁରଙ୍କୁ ଭାରତରତ୍ନ ଉପାଧି ମିଳିଛି
ତାଙ୍କ ପୁଅ ରାମନାଥ ଠାକୁରଙ୍କୁ ଦଳ ପ୍ରାର୍ଥୀ କରିପାରେ  
ଏମାନଙ୍କ ବ୍ୟତୀତ ଦିଲ୍ଲୀ ଉପରାଜ୍ୟପାଳ ଭି.କେ ସକ୍ସେନା ଦୌଡ଼ରେ ଅଛନ୍ତି
ଦିଲ୍ଲୀରେ ଆପ୍ ସରକାରକୁ ଚେକ୍ ଦେବାରେ ପ୍ରମୁଖ ଭୂମିକା ନେଇଥିଲେ ସାକ୍ସେନା
ଏହି ଦୌଡ଼ରେ ଅଛନ୍ତି ଜମ୍ମୁ- କାଶ୍ମୀର ଉପରାଜ୍ୟପାଳ ମନୋଜ ସିହ୍ନା
ମନୋଜ ସିହ୍ନାଙ୍କ କାର୍ଯ୍ୟକାଳ ଗତ ଅଗଷ୍ଟ ୬ରେ ଶେଷ ହୋଇଛି
ଜମ୍ମୁ- କାଶ୍ମୀରରୁ ଧାରା ୩୭୦ ହଟାଇବାରେ ମନୋଜ ସିହ୍ନାଙ୍କ ଗୁରୁତ୍ବପୂର୍ଣ୍ଣ ଭୂମିକା ଥିଲା