କନକ ବ୍ୟୁରୋ: ୨୦୨୬ ନୂତନ ବର୍ଷର ଆରମ୍ଭ ହୋଇଯାଇଛି ଏବଂ ପ୍ରଥମ ଦିନରେ ହିଁ ମହଙ୍ଗା ମାଡ଼ର ଏକ ବଡ଼ ଝଟକା ଲାଗିଛି । କାରଣ ଅଏଲ୍ ମାର୍କେଟିଂ କମ୍ପାନିଗୁଡ଼ିକ ଏଲପିଜି ସିଲିଣ୍ଡର ମୂଲ୍ୟରେ ବଡ଼ ଧରଣର ବୃଦ୍ଧି କରିଛନ୍ତି । ଦିଲ୍ଲୀରୁ ମୁମ୍ବାଇ ଏବଂ କୋଲକାତାରୁ ଚେନ୍ନାଇ ପରି ବଡ଼ ବଡ଼ ସହର ସହିତ ସାରା ଦେଶରେ ଏହା ୧ ଜାନୁଆରି ୨୦୨୬ରୁ ମହଙ୍ଗା ହୋଇଛି । ସୂଚନାଯୋଗ୍ୟ ଯେ, ଅଏଲ୍ କମ୍ପାନିଗୁଡ଼ିକ ୧୯ କିଲୋଗ୍ରାମ ବିଶିଷ୍ଟ କମର୍ସିଆଲ୍ ଏଲପିଜି ସିଲିଣ୍ଡର ଉପରେ ଏହି ଦର ବୃଦ୍ଧି କରିଛନ୍ତି ଏବଂ ପ୍ରତି ସିଲିଣ୍ଡର ପିଛା ୧୧୧ ଟଙ୍କା ପର୍ଯ୍ୟନ୍ତ ବଢ଼ାଯାଇଛି । ତେବେ ୧୪ କିଲୋ ବିଶିଷ୍ଟ ଘରୋଇ ଏଲପିଜି ଗ୍ୟାସ୍ ସିଲିଣ୍ଡର ମୂଲ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ ।

Advertisment

ଜାନୁଆରୀ ୧ରୁ ନୂଆ ଦର ଲାଗୁ
ଏଲପିଜି ସିଲିଣ୍ଡରର ନୂଆ ଦର ୧ ଜାନୁଆରୀ ୨୦୨୬ରୁ ଲାଗୁ କରାଯାଇଛି । ଦିଲ୍ଲୀରେ ଏପର୍ଯ୍ୟନ୍ତ ୧୫୮୦.୫୦ ଟଙ୍କାରେ ମିଳୁଥିବା ୧୯ କିଲୋର କମର୍ସିଆଲ୍ ସିଲିଣ୍ଡର ଏବେ ୧୬୯୧.୫୦ ଟଙ୍କାରେ ମିଳିବ । ସେହିଭଳି କୋଲକାତାରେ ଏହାର ମୂଲ୍ୟ ୧୬୮୪ ଟଙ୍କାରୁ ବୃଦ୍ଧି ପାଇ ଏବେ ୧୭୯୫ ଟଙ୍କା ହୋଇଛି । ଏହା ବ୍ୟତୀତ ମୁମ୍ବାଇରେ ୧୫୩୧.୫୦ ଟଙ୍କାରେ ମିଳୁଥିବା LPG ସିଲିଣ୍ଡର ଏବେ ୧୬୪୨.୫୦ ଟଙ୍କା ହୋଇଯାଇଛି ଏବଂ ଚେନ୍ନାଇରେ ଏହାର ମୂଲ୍ୟ ୧୭୩୯.୫୦ ଟଙ୍କା ବଦଳରେ ବୃଦ୍ଧି ପାଇ ୧୮୪୯.୫୦ ଟଙ୍କା କରାଯାଇଛି ।

ଆହୁରି ପଢ଼ନ୍ତୁ... ଖଲିଦା ଜିଆଙ୍କ ଅନ୍ତିମ ଯାତ୍ରାରେ ସାମିଲ ହେଲେ ଭାରତୀୟ ବୈଦେଶିକ ମନ୍ତ୍ରୀ: ଖଲିଦାଙ୍କ ପୁଅ ତାରିକ ରହମାନଙ୍କୁ ଦେଲେ ପ୍ରଧାନମନ୍ତ୍ରୀଙ୍କ ଶୋକବାର୍ତ୍ତା ଚିଠି

ଡିସେମ୍ବରରେ କମିଥିଲା ସିଲିଣ୍ଡର ଦର
ଏହା ପୂର୍ବରୁ ବର୍ଷର ଶେଷ ମାସ ଡିସେମ୍ବର ପହିଲାରେ ମଧ୍ୟ ୧୯ କିଲୋ କମର୍ସିଆଲ୍ ଗ୍ୟାସ୍ ସିଲିଣ୍ଡର ମୂଲ୍ୟରେ ସଂଶୋଧନ କରାଯାଇଥିଲା ଏବଂ ଏହାର ଦର ହ୍ରାସ କରାଯାଇଥିଲା । ୧ ଡିସେମ୍ବର ୨୦୨୫ରୁ ସାରା ଦେଶରେ କମର୍ସିଆଲ୍ ଏଲପିଜି ସିଲିଣ୍ଡର ଦର କମାଯାଇଥିଲା । ଦିଲ୍ଲୀ ଏବଂ କୋଲକାତାରେ ୧୦ ଟଙ୍କା, ଯେବେକି ମୁମ୍ବାଇ ଏବଂ ଚେନ୍ନାଇରେ ୧୧ ଟଙ୍କା ଶସ୍ତା ହୋଇଥିଲା । କେବଳ ଡିସେମ୍ବର ୨୦୨୫ ନୁହେଁ, ବରଂ ଏହା ପୂର୍ବରୁ ନଭେମ୍ବର ମାସ ପହିଲାରେ ମଧ୍ୟ କମର୍ସିଆଲ୍ ସିଲିଣ୍ଡର ମୂଲ୍ୟରେ ହ୍ରାସ କରାଯାଇଥିଲା ଏବଂ ସମସ୍ତ ସହରରେ ଏହା ଶସ୍ତା ହୋଇଥିଲା । ତଥାପି, ୧ ନଭେମ୍ବରରେ ଦିଲ୍ଲୀରେ ୧୯ କିଲୋ ସିଲିଣ୍ଡର ୧୫୯୫.୫୦ ଟଙ୍କାରୁ କମି ୧୫୯୦ ଟଙ୍କା, କୋଲକାତାରେ ୧୭୦୦.୫୦ ଟଙ୍କାରୁ କମି ୧୬୯୪ ଟଙ୍କା, ମୁମ୍ବାଇରେ ୧୫୪୭ ଟଙ୍କାରୁ କମି ୧୫୪୨ ଟଙ୍କା ଏବଂ ଚେନ୍ନାଇରେ ୧୭୫୪.୫୦ ଟଙ୍କାରୁ କମି ୧୭୫୦ ଟଙ୍କା କରାଯାଇଥିଲା।

ଘରୋଇ ସିଲିଣ୍ଡର ଦରରେ ଏବେବି କୌଣସି ପରିବର୍ତ୍ତନ ହୋଇନାହିଁ
ଗୋଟିଏ ପଟେ ଗତ କିଛି ମାସ ହେବ କମର୍ସିଆଲ୍ ଗ୍ୟାସ୍ ସିଲିଣ୍ଡର ମୂଲ୍ୟରେ କ୍ରମାଗତ ଭାବେ ପରିବର୍ତ୍ତନ କରାଯାଉଛି । କେତେବେଳେ ଏହାର ଦର ବୃଦ୍ଧି କରାଯାଇଛି ତ କେତେବେଳେ ହ୍ରାସ କରାଯାଇଛି । ଅନ୍ୟପଟେ ଘରୋଇ ଗ୍ୟାସ୍ ସିଲିଣ୍ଡର କଥା କହିଲେ, ଏହାର ମୂଲ୍ୟ ଏପ୍ରିଲ୍ ମାସର ସ୍ତରରେ ହିଁ ଅପରିବର୍ତ୍ତିତ ରହିଛି । ୧୪ କିଲୋଗ୍ରାମ ବିଶିଷ୍ଟ ଏଲପିଜି ସିଲିଣ୍ଡରର ମୂଲ୍ୟ ୧ ଡିସେମ୍ବରରେ ମଧ୍ୟ ଦିଲ୍ଲୀରେ ୮୫୩ ଟଙ୍କା, କୋଲକାତାରେ ୮୭୯ ଟଙ୍କା, ମୁମ୍ବାଇରେ ୮୫୨ ଟଙ୍କା ଏବଂ ଚେନ୍ନାଇରେ ୮୬୮ ଟଙ୍କା ରହିଛି ।