କନକ ବ୍ୟୁରୋ:ଆନ୍ତର୍ଜାତୀୟ ସାନ୍ତାଳ ସମ୍ମିଳନୀର ସ୍ଥାନ ପରିବର୍ତ୍ତନକୁ ନେଇ ତେଜୁଛି ବିବାଦ। ରାଷ୍ଟ୍ରପତିଙ୍କ କାର୍ଯ୍ୟକ୍ରମ ପରିବର୍ତ୍ତନ କରିବାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟିଏମସିକୁ ତୀବ୍ର ସମାଲୋଚନା ଆକ୍ରମଣ କରିଛନ୍ତି । ପ୍ରଧାନମନ୍ତ୍ରୀ ଏହି ପରିସ୍ଥିତିକୁ ଲଜ୍ଜାଜନକ ଏବଂ ଅଭୂତପୂର୍ବ ବୋଲି ବର୍ଣ୍ଣନା କରିଛନ୍ତି। ଶନିବାର ରାଷ୍ଟ୍ରପତି ମୁର୍ମୁ କାର୍ଯ୍ୟକ୍ରମରେ ମୁଖ୍ୟ ଅତିଥି ଯୋଗଦେଇଥିଲେ। ସ୍ଥାନ କାହିଁକି ବିଧାନନଗରରୁ ଗୋଶାଇପୁରକୁ ପରିବର୍ତ୍ତନ କରାଯାଇଥିଲା ବୋଲି ରାଷ୍ଟ୍ରପତି ପ୍ରଶ୍ନ କରିଥିଲେ, ଯେଉଁଠାରେ ଲୋକଙ୍କ ଉପସ୍ଥିତି କମ୍ ଥିବା ରିପୋର୍ଟ ହୋଇଥିଲା। 

Advertisment

ରାଷ୍ଟ୍ରପତିଙ୍କ କିଛି ମନ୍ତବ୍ୟର ଭିଡିଓ ପୋଷ୍ଟ କରି ପ୍ରଧାନମନ୍ତ୍ରୀ ମୋଦୀ ଟିମସିକୁ ସାନ୍ତାଳ ସଂସ୍କୃତିକୁ ହାଲୁକା ଭାବରେ ଗ୍ରହଣ କରିବା ଅଭିଯୋଗ କରିଛନ୍ତି ଏବଂ ଉଲ୍ଲେଖ କରିଛନ୍ତି ଯେ ରାଷ୍ଟ୍ରପତି ନିଜେ ଏକ ଆଦିବାସୀ ସମ୍ପ୍ରଦାୟର ସଦସ୍ୟା। ମୋଦୀ କହିଛନ୍ତି ଏହା ଲଜ୍ଜାଜନକ ଏବଂ ଅଭୂତପୂର୍ବ। ଗଣତନ୍ତ୍ର ଓ ଆଦିବାସୀ ସମ୍ପ୍ରଦାୟର ସଶକ୍ତିକରଣରେ ବିଶ୍ୱାସ ରଖୁଥିବା ସମସ୍ତେ ହତାଶ ହୋଇଛନ୍ତି। ପଶ୍ଚିମବଙ୍ଗର ଟିଏମସି ସରକାର ସତରେ ସମସ୍ତ ସୀମା ଅତିକ୍ରମ କରିଛନ୍ତି। ସେମାନଙ୍କ ପ୍ରଶାସନ ଏହି ରାଷ୍ଟ୍ରପତିଙ୍କୁ ଅପମାନ କରିବାର ଦାୟୀ । ଏହା ସମାନ ଭାବରେ ଦୁଃଖଦ ଯେ ସାନ୍ତାଳ ସଂସ୍କୃତି ଭଳି ଗୁରୁତ୍ୱପୂର୍ଣ୍ଣ ବିଷୟକୁ ପଶ୍ଚିମବଙ୍ଗ ସରକାର ଏତେ ହାଲୁକା ଭାବରେ ଗ୍ରହଣ କରୁଛନ୍ତି । 

 ଆହୁରି ପଢ଼ନ୍ତୁ: ଏଫ୍‌ଆଇଭିବି ବିଚ୍‌ ପ୍ରୋ ଟୁର୍‌ ଭଲିବଲ୍‌; ସେମିଫାଇନାଲ୍‌ ଲାଇନ୍‌ ଅପ୍‌ ଚୂଡ଼ାନ୍ତ


ମୋହନ ମାଝି ମଧ୍ୟ ଏହି ଘଟଣାକୁ ନେଇ ମମତା ସରକାରକୁ କଡା ସମାଲୋଚନା କରିଛନ୍ତି।  ବିଜେପିର କଡା ସମାଲୋଚନା ପରେ ମମତା ଦୁଃଖ ପ୍ରକାଶ କରି କହିଛନ୍ତି, ଆମେ ଭାରତର ମାନ୍ୟବର ରାଷ୍ଟ୍ରପତିଙ୍କୁ ସମ୍ମାନ କରୁ। କିନ୍ତୁ ରାଷ୍ଟ୍ରପତିଙ୍କୁ ବିଜେପିର ଏଜେଣ୍ଡା ବିକ୍ରି କରିବାକୁ ପଶ୍ଚିମବଙ୍ଗ ପଠାଯାଇଛି। ମୁଁ ଦୁଃଖିତ ମାଡ଼ାମ। କିନ୍ତୁ ଆପଣଙ୍କୁ ବିଜେପି ଦ୍ୱାରା ଫସାଯାଇଛି। ଆମେ ଆପଣଙ୍କୁ ସମ୍ମାନ କରୁ। କିନ୍ତୁ ନିର୍ବାଚନ ସମୟରେ ବିଜେପିର ପରାମର୍ଶରେ ରାଜନୀତି କରନ୍ତୁ ନାହିଁ। ଆପଣ SIR ବିଷୟରେ କିଛି କହିଲେ ନାହିଁ। ଭୋଟର ତାଲିକାରୁ କେତେ ଆଦିବାସୀଙ୍କ ନାମ ହଟାଯାଇଛି? ଦୟାକରି ଖୋଜି ଦେଖନ୍ତୁ, ବୋଲି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ କହିଛନ୍ତି ।