ଟଙ୍କାର ଲୋଭ କେବେ ମରେ ନାହିଁ :  ପ୍ରେମାନନ୍ଦ ମହାରାଜ କହିଲେ ସଂସାରରେ ସବୁଠାରୁ କିଏ  ଧନୀ ଲୋକ

କନକ ବ୍ୟୁରୋ: ଟଙ୍କାର ଲୋଭ କେବେ ମରେ ନାହିଁ । ପ୍ରେମାନନ୍ଦ ମହାରାଜ କହିଲେ ସଂସାରର ସବୁଠାରୁ କିଏ  ଧନୀ ଲୋକ  ? ପ୍ରେମାନନ୍ଦ ମହାରାଜ ନିଜର ଅମୂଲ୍ୟ ବଚନରେ  ଲକ୍ଷ ଲକ୍ଷ ଲୋକଙ୍କ ମାର୍ଗଦଶନ କରିଥାନ୍ତି । ପ୍ରତ୍ୟେକ ଦିନ ହଜାର ହଜାର, ଲକ୍ଷ ଲକ୍ଷ ଶ୍ରଦ୍ଧାଳୁ  ନିଜ ସମସ୍ୟା ଏବଂ ପ୍ରଶ୍ନ ନେଇ ମହାରାଜଙ୍କ ନିକଟକୁ ଆସିଥାନ୍ତି । ନିକଟରେ ଜଣେ ଭକ୍ତ  ମହାରାଜଙ୍କୁ ପ୍ରଶ୍ନ ପଚାରିଥିଲେ ଯେ, ମହାରାଜ ମୁଁ ଖୁସି ରହିବାକୁ ଚାହୁଁଛି, ମୁଁ ଅଧିକ ଟଙ୍କା ରୋଜଗାର କରି ବଡ଼  ଲୋକ ହେବାକୁ ଚାହୁଁଛି।  କାରଣ  ଆଜିର ସମୟରେ ଟଙ୍କା ହିଁ ସବୁ କିଛି । ଭକ୍ତ ଜଣଙ୍କର କଥା ଶୁଣି  ପ୍ରେମାନନ୍ଦ ମହାରାଜ କହିଲେ, ତୁମେ କେତେ ବଡ଼ ହେବାକୁ ଚାହୁଁଛ ?  ଭକ୍ତ ଜଣଙ୍କ କହିଥିଲେ ଏତେ ବଡ଼ ହେବି ଯେ ତାହାର ଅନ୍ତ ନଥିବ ।  

ଏହି ଉତ୍ତରରେ ମହାରାଜ ଅତି ସରଳ ଏବଂ ଗମ୍ଭୀର  ପୂର୍ଣ୍ଣ ଉତ୍ତର ଦେଇଥିଲେ, ଏହା ବିବେକର କଥା, ଯେଉଁ ଲୋଭର  ଅନ୍ତ ନାହିଁ କିନ୍ତୁ ଆମ ପାଖରେ ଯେତିକି ଅଛି ସେଥିରେ ସନ୍ତୁଷ୍ଟ କାହିଁକି ହୁଅନ୍ତିନି ।  ମହାରାଜ କହିଥିଲେ ଆମକୁ ସନ୍ତୁଷ୍ଟ ହେବାର ଅଛି ।  କରଣ ଆପଣ ଯେତେ. ଧନୀ ହୁଅନ୍ତୁ ନା କାହିଁକି  ଯଦି ଲୋଭର ଅନ୍ତ ନ ଘଟୁଛି  ମନକୁ  କେବେ ଶାନ୍ତି ମିଳିବନି ।  ସେଥିପାଇଁ ଏହି ଲୋଭକୁ ଆଜି ହିଁ ମାରି ଦିଅନ୍ତୁ । ମହାରାଜ ଆହୁରି ମଧ୍ୟ କହିଛନ୍ତି, ଯାହା ପାଖରେ ଯେତିକି ଅଛି ସେତିକିରେ ସନ୍ତୁଷ୍ଟ ରୁହ ।  

ସେଥିରେ ଖୁସି ରୁହ । ଆଉ ଭଗବାନଙ୍କୁ କୁହ ମୁଁ ଏହି ଚିନ୍ତନରେ ରାଜି କାରଣ ଏହା ହେଉଛି ପ୍ରକୃତ  ଧନୀ ହେବାର ପରିଚୟ । ମହାରାଜ ଉଦାହରଣ  ଦେଇ କହିଥିଲେ ଯଦି ତୁମେ ଭାରତର ସବୁଠାରୁ ଧନୀ ବ୍ୟକ୍ତି ହେଇଯାଉଛ ତଥାପି ସନ୍ତୁଷ୍ଟ ନଥିବ ତୁମେ ଲାଳସା ଥିବ ବିଶ୍ବର ଏକ ନମ୍ବର ଧନୀ ତାଲିକାରେ ରହିବାର । କାରଣ ଟଙ୍କାର ଏହି ଭୋକ କେବେ ଶାନ୍ତ ହେବ ନାହିଁ ।  ପ୍ରେମାନନ୍ଦ ମହାରାଜ କହିଛନ୍ତି  ନାମ ରୂପୀ  ଧନ ଅର୍ଜନ କର । ଇଶ୍ବରଙ୍କ ନାମ  ନିଅ । ପ୍ରତ୍ୟେକ ସଙ୍କଟରୁ  ଇଶ୍ବର ହିଁ  ରକ୍ଷା କରିବେ  ଏବଂ ପ୍ରକୃତ ଶୁଖକୁ ପ୍ରାପ୍ତି କରିପାରିବ ।