ଝାରସୁଗୁଡ଼ା ବିମାନବନ୍ଦର ନିର୍ଦ୍ଦେଶକଙ୍କ ମାଡ଼ରେ କର୍ମଚାରୀ ଆହତ, ମାଡ଼ ମାରିବା ସହ ଜାତିଆଣ ଆକ୍ଷେପ କରିଥିବା ଥାନାରେ ଅଭିଯୋଗ

କନକ ବ୍ୟୁରୋ :  ବିବାଦରେ ଝାରସୁଗୁଡା ବିମାନ ବନ୍ଦର ନିର୍ଦ୍ଦେଶକ । ବିମାନ ବନ୍ଦର ନିର୍ଦ୍ଦେଶକଙ୍କ ମାଡ଼ରେ କର୍ମଚାରୀ ଆହତ । କର୍ମଚାରୀଙ୍କ ସହିତ ପ୍ରାଶାସନିକ ଅଧିକାରୀଙ୍କୁ ଦୁର୍ବ୍ୟବହାର ଭଳି ଘଟଣାକୁ ନେଇ ବିବାଦ ଘେରରେ ରହି ଆସିଥିବା ନିର୍ଦ୍ଦେଶକ ସନ୍ଦୀପ ତିୱାରୀ ବିମାନ ବନ୍ଦରର ବରିଷ୍ଠ ସହାୟକ ସନ୍ଦୀପ ମିଞ୍ଜଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ମାଡ଼ ମାରିଥିବା ଓ ଜାତିଆଣ ଆକ୍ଷେପ କରିଥିବା ଅଭିଯୋଗ ହୋଇଛି । ଏନେଇ ସନ୍ଦୀପ ମିଞ୍ଜଙ୍କ ସମେତ ବିମାନ ବନ୍ଦର କର୍ମଚାରୀମାନେ ବିମାନ ବନ୍ଦର ଥାନାରେ ଲିଖିତ ଏତଲା ଦେଇଛନ୍ତି । ଅଭିଯୋଗ ଅନୁସାରେ, ସନ୍ଦୀପ ମିଞ୍ଜ ଏୟାରପୋର୍ଟ ଅଥରିଟି କର୍ମଚାରୀ ସଂଘର ସଭାପତି ଭାବେ କାର୍ଯ୍ୟରତ ଅଛନ୍ତି ।  ସନ୍ଦୀପ ମିଞ୍ଜ ସଙ୍ଘ ସମ୍ପର୍କିତ ବିଭିନ୍ନ ଦାବି ସମ୍ପର୍କରେ ଆଲୋଚନା କରିବାକୁ ନିର୍ଦ୍ଦେଶକ ସନ୍ଦୀପ ତିୱାରୀଙ୍କ କାର୍ଯ୍ୟାଳୟକୁ  ଯାଇଥିଲେ । ଆଲୋଚନା ସମୟରେ ତିୱାରୀ ତାଙ୍କୁ ଜାତିଆଣ ଆକ୍ଷେପ କରିବା ସହ ଗାଳି ଗୁଲଜ କରି ତାଙ୍କ ମୁହଁକୁ ୨ ମୁଥ ଓ ଗୋଇଠା ମାରିଥିଲେ ବୋଲି ଅଭିଯୋଗ ହୋଇଛି ।