ପୁଣି ଯାଜପୁରରୁ ଲଢିବେ କି ପ୍ରଣବ ?  ବବିଙ୍କ ମନ୍ତବ୍ୟ ବଢାଇଲା ସସପେନ୍ସ

କନକ ବ୍ୟୁରୋ: ଯାଜପୁରରୁ ଲଢିବେ କି ପ୍ରଣବ ପ୍ରକାଶ ଦାସ । ଆଜି ଯାଜପୁରରେ ଏଭଳି କିଛି ସଙ୍କେତ ଦେଇଛନ୍ତି  ବିଜେଡି ନେତା ପ୍ରଣବ ପ୍ରକାଶ ଦାସ । ଆଜି ଯାଜପୁର ନିର୍ବାଚନମଣ୍ଡଳୀ କୁଆଶ ମଙ୍ଗଳା ପୀଠରେ ଏକ ବିଜେଡି ସଭାର ଆୟୋଜନ କରାଯାଇଥିଲା । ଏଥିରେ ପ୍ରଣବ ପ୍ରକାଶ ଦାସ କହିଛନ୍ତି, ନବୀନ ପଟ୍ଟନାୟକ ତାଙ୍କୁ ସମ୍ବଲପୁର ପଠାଇଥିଲେ ଲଢିବା ପାଇଁ । ଏହି ୪ ମାସ ଭିତରେ ସେ ଯାଜପୁର ଆସି ପାରିନାହାନ୍ତି । କିନ୍ତୁ ଯାଜପୁର ବାସୀ ତାଙ୍କ ସମ୍ମାନ ରଖିଛନ୍ତି । ଯାଜପୁରରୁ ସେ ପୁଣି ଲଢିବା ପାଇଁ ପ୍ରସ୍ତୁତ ଅଛି ବୋଲି କହିଛନ୍ତି । ଏହାପରେ ସେ ଯାଜପୁରରୁ ଲଢିବା ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି ।  ଗତ ନିର୍ବାଚନରେ  ପ୍ରଣବ ପ୍ରକାଶ ଦାସ ତାଙ୍କ ପରମ୍ପରାଗତ ଯାଜପୁର ବିଧାନସଭା ଆସନ ଛାଡି ସମ୍ବଲପୁର ଲୋକସଭା ଆସନରୁ ଲଢିଥିଲେ । ଯାଜପୁରରୁ ପ୍ରଣବଙ୍କ ଅନୁଗତ ସୁଜାତା ସାହୁଙ୍କୁ ଟିକେଟ ଦେଇଥିଲା ବିଜେଡି । ସେ ବି ଏଠାରୁ ଜିତିଥିଲେ ।