ଶାହରୁଖଙ୍କ ଫ୍ୟାନ୍ ହେଲେ ପ୍ରକୃତି, ହାତ ମିଳାଇ କହିଲେ ହାତ ଧୋଇବିନି

କନକ ବ୍ୟୁରୋ: ବଲିଉଡର ବାଦଶାହ ଶାହରୁଖ ଖାନଙ୍କୁ ତାଙ୍କ ଫିଲ୍ମ "ଜୱାନ" ପାଇଁ ଜାତୀୟ ପୁରସ୍କାର ମିଳିଛି । ଏହା କିଙ୍ଗ ଖାନଙ୍କ ୩୩ ବର୍ଷର କ୍ୟାରିଅରରେ ପ୍ରଥମ ଜାତୀୟ ପୁରସ୍କାର । ଏହି କାର୍ୟ୍ୟକ୍ରମର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ସମାରୋହ ପରେ କିଙ୍ଗ ଖାନ ଜୁରି ସଦସ୍ୟଙ୍କ ସହ ଏକ ଫଟୋ ଉଠାଇଥିଲେ, ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି । 

୭୧ତମ ଜାତୀୟ ପୁରସ୍କାରର ଜୁରି ସଦସ୍ୟା ଅଭିନେତ୍ରୀ ପ୍ରକୃତି ମିଶ୍ର, ଇନଷ୍ଟାଗ୍ରାମରେ ଶାହରୁଖ ଖାନଙ୍କ ସହ ଫଟୋ ପୋଷ୍ଟ କରିଛନ୍ତି । ଏହି ଫଟୋଗୁଡ଼ିକରେ ଶାହରୁଖ ଖାନ, ପ୍ରକୃତି ଏବଂ ଜୁରି ଅଧ୍ୟକ୍ଷ ଚଳଚ୍ଚିତ୍ର ନିର୍ମାତା ଆଶୁତୋଷ ଗୋୱାରିକରଙ୍କୁ ଦେଖାଯାଇଛି । ପ୍ରକୃତି ବଲିଉଡର ବାଦଶାହାଙ୍କ ସହ ଏହି ମୁହୂର୍ତ୍ତକୁ ସେୟାର କରି ବହୁତ ଖୁସି ବ୍ୟକ୍ତ କରିଛନ୍ତି । ଫଟୋରେ ସେ ବେଶ ଖୁସି ଦେଖାଯାଉଛନ୍ତି । 

ଏହାପରେ ପ୍ରକୃତି ଇନଷ୍ଟାଗ୍ରାମରେ ଏକ ପୋଷ୍ଟ କରିଥିଲେ । କ୍ୟାପସନରେ ଲେଖିଛନ୍ତି, "ଯେତେବେଳେ ମୁଁ ୭୧ତମ ଜାତୀୟ ଚଳଚ୍ଚିତ୍ର ପୁରସ୍କାରର କେନ୍ଦ୍ରୀୟ ଜୁରି ପାଇଁ ମନୋନୀତ ହୋଇଥିଲି, ମୁଁ କଳ୍ପନା କରି ନଥିଲି ଯେ ମୁଁ ଶାହରୁଖ ସାରଙ୍କୁ ତାଙ୍କର ବହୁ ପ୍ରତୀକ୍ଷିତ ଏବଂ ପ୍ରଥମ ଜାତୀୟ ପୁରସ୍କାର ଦେବା ପାଇଁ ୧୧ ଜଣିଆ ଦଳର ଅଂଶ ହେବି । 

ତାଙ୍କ ପୋଷ୍ଟର ଶେଷରେ, ପ୍ରକୃତି ମଜାରେ ଉଲ୍ଲେଖ କରିଛନ୍ତି ଯେ ସେ ଜାତୀୟ ପୁରସ୍କାରରେ ଶାହରୁଖ ଖାନଙ୍କ ସହ ହାତ ମିଳାଇବା ପରେ ମୁଁ ହାତ ଧୋଇ ନାହିଁ । ଅଭିନେତ୍ରୀ ଏହାକୁ ତାଙ୍କ ଜୀବନର ସବୁଠାରୁ ସ୍ୱତନ୍ତ୍ର ହାତ ମିଳାଇବା ବୋଲି ବର୍ଣ୍ଣନା କରିଛନ୍ତି । ଶେଷରେ, ପ୍ରକୃତି କିଙ୍ଗ୍ ଖାନଙ୍କୁ ତାଙ୍କର ପ୍ରଥମ ଜାତୀୟ ପୁରସ୍କାର ପାଇଁ ଅଭିନନ୍ଦନ ଜଣାଇଛନ୍ତି । ସେ ଲେଖିଛନ୍ତି, "ଏହି ପ୍ୟାନେଲରେ ରହିବା ଏବଂ ଆପଣଙ୍କ ଅଧିକାର ପାଇଁ ଲଢ଼ିବା ଏକ ସମ୍ମାନର କଥା ।"