ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଅନ୍ଧାରୀ ଚିକିତ୍ସା, ଲାଇନ ଚାଲିଯିବାରୁ ଟର୍ଚ୍ଚ ଲାଇଟରେ ରୋଗୀ ଦେଖିଲେ ଡାକ୍ତର

କନକ ବ୍ୟୁରୋ :  ଅନ୍ଧାରରେ ଚାଲିଛି ଜରୁରୀ ଚିକିତ୍ସା। ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖିବାକୁ ମିଳିଛି ଏପରି ଅଭାବନୀୟ ଦୃଶ୍ୟ। ସନ୍ଧ୍ୟା ୫ଟା ୧୫ରେ ହଠାତ୍ ଜିଲ୍ଲା ମୁଖ୍ୟ ଚିକିତ୍ସାଳୟରେ କଟିଗଲା ଲାଇନ୍। କାଜୁଆଲିଟି ବିଭାଗରେ ଲାଗିଥିଲା ଲମ୍ବା ଲାଇନ୍। ଛୋଟ ପିଲାଠାରୁ ଆରମ୍ଭ କରି ଥିଲେ ବୟସ୍କ ରୋଗୀ। ହଠାତ୍ ଅନ୍ଧାର ହେବାରୁ ଯିଏ ଯୁଆଡେ ପାଇଲେ ମୋବାଇଲ୍ ଟର୍ଚ୍ଚ ଅନ୍ କଲେ। ଆଉ ସେଇ ଝାପସା ଆଲୁଅରେ ପ୍ରେସକ୍ରିପସନ୍ ଲେଖି ଚାଲିଥିଲେ ଉପସ୍ଥିତ ଡାକ୍ତର । ଉପସ୍ଥିତ ଦୁଇ ଡାକ୍ତର ଅବଶ୍ୟ ତାଙ୍କ କର୍ତ୍ତବ୍ୟ କରି ଚାଲିଥିଲେ। ହେଲେ ପ୍ରାୟ ଦଶ ମିନିଟ ଏଭଳି ଲାଇନ୍ କଟି ଆସିନଥିଲା। ୫ଟା ୨୫ ମିନିଟ ବେଳକୁ ଆସିଥିଲା ଲାଇନ୍। ଗୋଟିଏ ପଟେ ଟାଟାର ମନମାନି। ଅନ୍ୟପଟେ ବଡ ପ୍ରଶ୍ନ ହସ୍ପିଟାଲର ପାୱାର ବ୍ୟାକଅପ୍ କୋଉଠି ଥିଲା। ଗୋଟିଏ ପଟେ କାଜୁଆଲିଟିରେ ଲମ୍ବା ଲାଇନ୍ ଅନ୍ୟପଟରେ ବିଦ୍ୟୁତ୍ ବିଭ୍ରାଟ। ଏମର୍ଜେନ୍ସିରେ କେମିତି ରୋଗୀ ପାଇବେ ଚିକିତ୍ସା, ତାକୁ ନେଇ ପ୍ରଶ୍ନ ଉଠିଛି ।