କନକ ବ୍ୟୁରୋ : କଟକରେ ପୋଲିସ ଗାଡ଼ିର ମଦ୍ୟପ ଚାଳକଙ୍କ ଉନ୍ମତ କାଣ୍ଡ । ନିଶାସକ୍ତ ଅବସ୍ଥାରେ ଗାଡ଼ି ଚଳାଇ ଘଟାଇଲେ ଦୁର୍ଘଟଣା । ଦୁର୍ଘଟଣାରେ ଜୋତା ମରାମତି ଦୋକାନୀ ଓ ସାଇକେଲ ଆରୋହୀ ଆହତ ହୋଇଥିବା ସୂଚନା ମିଳିଛି ।

ସୂଚନା ମୁତାବକ କଟକ ବିଜୁ ପଟ୍ଟନାୟକ ଛକ ନିକଟରେ ପୋଲିସ ଗାଡ଼ିଟି ଦୁର୍ଘଟଣା ଘଟାଇଛି । ୨ ଜଣଙ୍କୁ ଧକ୍କା ଦେବା ପରେ ଗାଡ଼ିଟି ଭାରସାମ୍ୟ ହରାଇ ଗଛରେ ପିଟି ହୋଇଯାଇଥିଲା । ନିଶାସକ୍ତ ଅବସ୍ଥାରେ ଡ୍ରାଇଭର ଓ ଦୁର୍ଘଟଣା ଘଟାଇଥିବା ଗାଡ଼ିକୁ ଉଦ୍ଧାର କରିଛି ପୁଲିସ । ଦୁର୍ଘଟଣାରେ ଆହତ ହୋଇଥିବା ଦୁଇଜଣ ବ୍ୟକ୍ତି ଏନେଇ ଥାନାରେ ଅଭିଯୋଗ କରିବେ ବୋଲି କହିଛନ୍ତି ।