କନକ ବ୍ୟୁରୋ: ମାଓବାଦୀ ମୁକାବିଲା ପାଇଁ କନ୍ଧମାଳରେ ପୋଲିସର ବଡ଼ ବୈଠକ । ମାଓବାଦୀ ଏବଂ ନକ୍ସଲ ମୁକାବିଲା ପାଇଁ ରାଜ୍ୟ ପୋଲିସ ପକ୍ଷରୁ ଆଜି କନ୍ଧମାଳ ଜିଲ୍ଲା ଫୁଲବାଣୀରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେଉଛି । ଏହି ବୈଠକରେ ଡିଜିପି ୱାଇବି ଖୁରାନିଆଙ୍କ ସମେତ ବହୁ ବରିଷ୍ଠ ପୋଲିସ ଅଧିକାରୀମାନେ ଏବଂ ସିଆରପିଏଫ, ବିଏସଏଫ, ଗୁଇନ୍ଦା ବିଭାଗର ବହୁ ଅଧିକାରୀ ଉପସ୍ଥିତ ଅଛନ୍ତି । ଏଥିସହ କଳାହାଣ୍ଡି, ରାୟଗଡା, ନୂଆପଡ଼ା, ବୌଦ୍ଧ ଏବଂ କନ୍ଧମାଳ ଜିଲ୍ଲାର ଏସପିମାନେ ମଧ୍ୟ ଯୋଗ ଦେଇଛନ୍ତି । ରାଜ୍ୟକୁ ମାଓବାଦୀ ମୁକ୍ତ କରିବାକୁ ରଣନୀତି ପ୍ରସ୍ତୁତ ପାଇଁ ଏହି ବୈଠକ ହେଉଥିବା ଅନୁମାନ କରାଯାଉଛି ।