ଫିଲ୍ମ ଷ୍ଟାଇଲରେ ଚୋରକୁ କାବୁ କଲା ପୋଲିସ : ମାହାଙ୍ଗା ବଡ ପୋଲ ନିକଟରେ ଦେଖିବାକୁ ମିଳିଛି ଦୃଶ୍ୟ

କନକବ୍ୟୁରୋ : ବାଇକରେ ଆସି ବନ୍ଧୁକ ଦେଖାଇ ବିଚ ରାସ୍ତାରେ ଲୁଟ କରୁଥିଲେ ୩ ଦୃବୁର୍ତ୍ତ । ସଂଯୋଗବଶତଃ ସେହି ସମୟରେ ପହଂଚିଗଲା ପୋଲିସ   ଆଉ ତାପରେ ଫିଲ୍ମ ଷ୍ଟାଇଲରେ ହେଲା ଗୋଡ଼ାଗୋଡି । ବାଇକକୁ ଧକ୍କା ଦେବାରୁ ଜଣକୁ ରାସ୍ତା ଉପରୁ ହିଁ କାବୁକଲା ପୋଲିସ  । ଆଉ ଦୁଇଜଣ ଗହିର ବିଲରେ ଦଉଡି ପଳାଇବାକୁ ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ମଧ୍ୟ କାବୁ କରିଛି ପୋଲିସ ।

ଘଟଣାଟି କଟକ ଜିଲ୍ଲା ମାହାଙ୍ଗା ଥାନା କୁଣ୍ଡି ବଡପୋଲ ନିକଟରେ ଦେଖିବାକୁ ମିଳିଛି  । ମାହାଙ୍ଗା ପୋଲିସକୁ ମିଳିଛି ଏଭଳି ସଫଳତା । ଧରାପଡିଥିବା ୩ ଲୁଟେରାଙ୍କ ଠାରୁ ବାଇକ ସହ ଗୋଟିଏ ବନ୍ଧୁକ, ଗୋଟିଏ ଛୁରୀ ଓ ଗୋଟିଏ କଟୁରି ଜବତ ହୋଇଛି  । ସେମାନଙ୍କ ନାଁରେ ପୂର୍ବରୁ ଲୁଟ  ମାମଲା ରହିଛି ।  ସୂଚନା ଅନୁସାରେ ସ୍ଥାନୀୟ ଅଞ୍ଚଳର ଦୁଇଜଣ ଛାତ୍ର ବାଇକ ଯୋଗେ ଘରକୁ ଫେରୁଥିବା ବେଳେ ସେମାନଙ୍କୁ ବାଟରେ ଅଟକାଇ ବନ୍ଧୁକ ଦେଖାଇ ଲୁଟପାଟ କରୁଥିଲେ ଦୁବୃତ  । ସେହି ସମୟରେ ପୋଲିସ ହଠାତ ପହଂଚି ଯିବାରୁ ସମସ୍ତ ୩ ଜଣ ଲୁଟେରା ଧରାପଡିଛନ୍ତି । ସ୍ଥାନୀୟ ଅଞ୍ଚଳ ଲୋକ ମଧ୍ୟ ଲୁଟେରାଙ୍କୁ ଧରିବାରେ ପୋଲିସକୁ ବେଶ ସହଯୋଗ କରିଛନ୍ତି ।