ପୁଲିସ ବାପାର ଅପରାଧୀ ପୁଅ ; ବ୍ରାଉନସୁଗାର କାରବାରରେ ଗିରଫ କଲା ପୁଲିସ

କନକ ବ୍ୟୁରୋ : ବାପା ପୁଲିସ, ପୁଅ ବ୍ରାଉନସୁଗାର ବେପାରୀ ।  ଧଳା ଜହର କାରବାରରେ ସମ୍ପୃକ୍ତି ଅଭିଯୋଗରେ ଓଡ଼ିଶା ପୁଲିସରେ କାର୍ଯ୍ୟରତ ପୁଲିସ ଏସ୍ ଆଇଙ୍କ ପୁଅ ଗିରଫ । ଅଭିଯୁକ୍ତ ଚନ୍ଦନ ବେହେରାକୁ ଅବକାରୀ ବିଭାଗ ବାନ୍ଧି କୋର୍ଟ ଚାଲାଣ କରିଛି । ତାଙ୍କ ଠାରୁ ୧୧୨ ଗ୍ରାମର ବ୍ରାଉନସୁଗାର  ଜବତ୍ ହୋଇଛି । ଯାହାର ମୂଲ୍ୟ ୧୨ ଲକ୍ଷ ଟଙ୍କାରୁ ଉର୍ଦ୍ଧ୍ବ ବୋଲି ଜଣାପଡିଛି। ଗତକାଲି କଟକ ଦେଉଳି ସାହି ଛକ ନିକଟରେ ବ୍ରାଉନସୁଗାର ବିକିବାକୁ ଆସୁଥିବା ଖବର ପାଇ ଅବକାରୀ ମୋବାଇଲ ୟୁନିଟ  ଚଢାଉ ଚନ୍ଦନଙ୍କୁ ଗିରଫ କରିଥିଲା । ଚନ୍ଦନକୁ ଜେରା କରିବା ସହ  ପୁଲିସ ବିଭାଗର ୱର୍ଲେସ ୟୁନିଟରେ କାମ କରୁଥିବା ବାପା ତଥା  ଏସ ଆଇଙ୍କୁ ମଧ୍ୟ  ବ୍ରାଉନସୁଗାର୍ କାରବାର ଲିଙ୍କ୍ ରେ ପଚରା ଉଚରା କରିଛି ।  ଯଦିଓ  ପୁଅ ଚନ୍ଦନର ଏପରି କାରବାର ସମ୍ପର୍କରେ ସେ ଜାଣିନଥିବା କହିଛନ୍ତି ।  ତେବେ  ବ୍ରାଉନ ସୁଗାର କାରବାର ପୁଲିସ ପୁଅ ଧରାପଡ଼ିବା ପରେ ତାକୁ ନେଇ ଚର୍ଚ୍ଚା ଜୋର ଧରିଛି ।

ବାପା ପୁଲିସ ହୋଇଥିବା ବେଳେ ପୁଅ କପରି ଧଳା ଜହର ସାମ୍ରାଜ୍ୟ ଚଳାଇଥିଲା ତାକୁ ନେଇ ଅବକାରୀ ବିଭାଗ ଅଧିକ  ତନାଘନା ଆରମ୍ଭ କରିଛି । ପୁରା ସିଣ୍ଡିକେଟ ପଛରେ କିଏ ତାକୁ ନେଇ ଅବକାରୀ ବିଭାଗ  ଖୋଳତାଡ ଜାରିରଖିଚି । ଗତକାଲି  ଜଗତପୁର ନିମପୂର୍ ରୋଡ ନିକଟରେ ଆଉ ଜଣେ ଅଭିଯୁକ୍ତ ବିଶ୍ବରଂଜନକୁ  ବ୍ରାଉନସୁଗାର ଲିଙ୍କ୍‌ରେ ଗିରଫ କରିଛି । ତା ଠାରୁ ମଧ୍ୟ ୧୩ ଲକ୍ଷ ଟଙ୍କାର ଧଳା ଯାହାର  ଜବତ୍ ହୋଇଛି ।