ନିର୍ବାଚନ ପ୍ରଚାର ପାଇଁ ଯାଇଥିବା ବେଳେ ଅଧାବାଟରେ ଜରୁରୀ ଅବତରଣ କଲା ପ୍ରଧାନମନ୍ତ୍ରୀଙ୍କ ବିମାନ, ଜାଣନ୍ତୁ କାରଣ

କନକ ବ୍ୟୁରୋ : ଦୁଇ ରାଜ୍ୟର ବିଧାନସଭା ନିର୍ବାଚନକୁ ନେଇ ଦେଶର ବଡ଼ ବଡ଼ ନେତାମାନେ ଜୋରଦାର ପ୍ରଚାର ଅଭିଯାନ ଜାରି ରଖିଛନ୍ତି । ଏହି କ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିମାନ ଶୁକ୍ରବାର ଦିନ ଦେଉଘର ବିମାନବନ୍ଦରରେ ଜରୁରୀ ଅବତରଣ କରିଛି । ଟେକନିକ ଖରାପ କାରଣରୁ ଏଭଳି ଜରୁରୀ ଅବତରଣ କରାଯାଇଥିବା କଥା କୁହାଯାଇଛି । ଏହି କାରଣରୁ ପ୍ରଧାନମନ୍ତ୍ରୀ ଦିଲ୍ଲୀ ଫେରିବା କାର୍ଯ୍ୟକ୍ରମ ବିଳମ୍ବ ହୋଇଛି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜନଜାତି ଦିବସ ପାଳନ କରିବା ଅବସରରେ ଆଜି ବିହାରର ଜମୋଇ ପହଂଚିଥିଲେ । ସେଠାରେ ସେ ଜନଜାତି ଗୌରବ ଦିବସ ଅବସର ଓ ସହିଦ ବିର୍ସା ମୁଣ୍ଡାଙ୍କ ୧୫୦ ତମ ଜୟନ୍ତୀ ଅବସରରେ ଆୟୋଜିତ କାର୍ଯ୍ୟକ୍ରମରେ ଭାଗ ନେଇଥିଲେ । ଏହି କ୍ରମରେ ସେ ୬,୬୪୦ କୋଟି ଟଙ୍କାର ବିକାଶ ପରିଯୋଜନାର ମଧ୍ୟ ଶିଳାନ୍ୟାସ କରିଥିଲେ । ହେଲେ କାର୍ଯ୍ୟକ୍ରମ ସାରି ଦିଲ୍ଲୀ ଫେରବା ବେଳେ ବିମାନରେ ବୈଷୟୀକ ତ୍ରୁଟି ଦେଖିବାକୁ ମିଳିଥିଲା । ଏଥିପାଇଁ ଦେଉଘର ବିମାନବନ୍ଦରରେ ଜରୁରୀ ଅବତରଣ କରାଯାଇଥିଲା ।