ବ୍ରିଟେନ୍ ରାଜା ଚାଲର୍ସ ତୃତୀୟଙ୍କୁ ଭେଟିଲେ ମୋଦୀ, ଗଛ ଚାରା ଉପହାର ଦେଲେ

କନକ ବ୍ୟୁରୋ: ବ୍ରିଟେନ୍ ରାଜା ଚାଲର୍ସ ତୃତୀୟଙ୍କୁ ଭେଟିଲେ ପ୍ରଧାନମନ୍ତ୍ରୀ ମୋଦୀ । ବ୍ରିଟେନ୍ ରାଜାଙ୍କୁ ଭେଟି ପ୍ରଧାନମନ୍ତ୍ରୀ ଏକ ଗଛ ଚାରା ଉପହାର ଦେଇଛନ୍ତି । ଦୁଇ ଦେଶର ସମ୍ପର୍କ ନେଇ ଚାଲର୍ସ ଓ ମୋଦୀ ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବ୍ରିଟେନ୍ ଗସ୍ତ ସାରି ମାଲି ଅଭିମୁଖେ ଗସ୍ତ କରିଛନ୍ତି । ବ୍ରିଟେନ୍ ଗସ୍ତ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ବ୍ରିଟେନ ପ୍ରତିପକ୍ଷ ଷ୍ଟାରମରଙ୍କୁ ମଧ୍ୟ ଭେଟି ଦ୍ୱିପାକ୍ଷିକ ଆଲୋଚନା କରିଥିଲେ । ଉଭୟ ଦେଶ ମଧ୍ୟରେ ମୁକ୍ତ ବାଣିଜ୍ୟ ଚୁକ୍ତି ସ୍ୱାକ୍ଷରିତ ହୋଇଛି ।  

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଷ୍ଟାରମର ବାଣିଜ୍ୟ ଚୁକ୍ତି ସହିତ ପ୍ରତ୍ୟର୍ପଣ, ଗଣତନ୍ତ୍ରର ସୁରକ୍ଷା, ଏବଂ ବିଶ୍ୱ ସମସ୍ୟା ଉପରେ ସହଯୋଗ ବିଷୟରେ ଆଲୋଚନା କରାଯାଇଛି । ବ୍ରିଟିଶ ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ ଲଣ୍ଡନରେ ମୋଦୀ ଓ ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଭେଟିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ଐତିହାସିକ ବ୍ରିଟେନ ଗସ୍ତ । ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ମୋଦୀ । ଦୁଇ ନେତା ଐତିହାସିକ ୟୁକେ-ଭାରତ ବାଣିଜ୍ୟ ଚୁକ୍ତିନାମା ଉପର ସ୍ୱାକ୍ଷର କରିଛନ୍ତି । ଏହି ମୁକ୍ତ ବାଣିଜ୍ୟ ଚୁକ୍ତିନାମା ଦ୍ୱାରା ବାର୍ଷିକ ଦ୍ୱିପାକ୍ଷିକ ବାଣିଜ୍ୟ ୨୫.୫ ବିଲିୟନ ପାଉଣ୍ଡ ବୃଦ୍ଧି ପାଇବାର ଆଶା କରାଯାଉଛି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତ ଏବଂ ୟୁକେ ମଧ୍ୟରେ ହୋଇଥିବା ବ୍ୟାପକ ମୁକ୍ତ ବାଣିଜ୍ୟ ଚୁକ୍ତିନାମାକୁ ଏକ ଐତିହାସିକ ସଫଳତା ବୋଲି ବର୍ଣ୍ଣନା କରିଛନ୍ତି । ମୋଦୀ କହିଛନ୍ତି, ଏହି ଚୁକ୍ତି ଦୁଇ ଦେଶ ମଧ୍ୟରେ ବାଣିଜ୍ୟ ଏବଂ ସହଯୋଗକୁ ନୂତନ ଶିଖରରେ ପହଞ୍ଚାଇବ । ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଏହି ଚୁକ୍ତିନାମା କେବଳ ଏକ ଆର୍ଥିକ ଚୁକ୍ତି ନୁହେଁ, ବରଂ ଏକ ସହଭାଗୀ ସମୃଦ୍ଧି ପାଇଁ ଏକ ଯୋଜନା । ଗୋଟିଏ ପଟେ, ଭାରତୀୟ ବୟନଶିଳ୍ପ, ଜୋତା, ରତ୍ନ ଏବଂ ଅଳଙ୍କାର, ସାମୁଦ୍ରିକ ଖାଦ୍ୟ ଏବଂ ଇଞ୍ଜିନିୟରିଂ ସାମଗ୍ରୀ ବ୍ରିଟେନ ବଜାର ପ୍ରବେଶ ପାଇବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ୟୁକେ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କୁ ଭାରତ ଗସ୍ତ ପାଇଁ ମଧ୍ୟ ନିମନ୍ତ୍ରଣ କରିଛନ୍ତି । ଆତଙ୍କବାଦ ବିରୋଧରେ ଦୋମୁହାଁ ନୀତିର ସ୍ଥାନ ନାହିଁ ବୋଲି ପ୍ରଧାନମନ୍ତ୍ରୀ କହିଛନ୍ତି । ଜମ୍ମୁ ଓ କାଶ୍ମୀରର ପହଲଗାମ ଆତଙ୍କବାଦୀ ଆକ୍ରମଣକୁ ବ୍ରିଟେନ ଦୃଢ଼ ଭାବେ ନିନ୍ଦା କରିଥିବାରୁ କୃତଜ୍ଞତା ଜଣାଇଛନ୍ତି ପ୍ରଧାନମନ୍ତ୍ରୀ । ମୋଦୀ କହିଛନ୍ତି, ଆତଙ୍କବାଦ ମାନବସମାଜ ପାଇଁ ଏକ ବଡ଼ ବିପଦ । ଏହାର ମୁକାବିଲା ପାଇଁ ବିଶ୍ୱ ଏକଜୁଟ ହେବା ଆବଶ୍ୟକ ।