ଦକ୍ଷିଣଭାରତକୁ ପ୍ରଧାନମନ୍ତ୍ରୀଙ୍କ ବଡ଼ ଭେଟି, ରାମେଶ୍ୱରମ୍-ପାମ୍ବନ ମଧ୍ୟରେ ରେଳ ସେତୁକ ଉଦଘାଟନ କଲେ ମୋଦୀ

କନକ ବ୍ୟୁରୋ : ଦକ୍ଷିଣଭାରତକୁ ପ୍ରଧାନମନ୍ତ୍ରୀଙ୍କ ବଡ଼ ଭେଟି । ରାମେଶ୍ୱରମ୍ -ପାମ୍ବନ  ମଧ୍ୟରେ ରେଳ ସେତୁକୁ ଉଦଘାଟନ କରିଛନ୍ତି ମୋଦୀ । ତାମିଲନାଡୁରେ ୮,୩୦୦ କୋଟି ଟଙ୍କାରୁ ଅଧିକ ମୂଲ୍ୟ ପ୍ରକଳ୍ପର ଶିଳାନ୍ୟାସ ହୋଇଛି । ନୂତନ ଶିକ୍ଷା ନୀତି ଏବଂ ତ୍ରିଭାଷା ନୀତି ବିବାଦ ମଧ୍ୟରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାମିଲନାଡୁର ରାମେଶ୍ୱରମ୍ ଗସ୍ତ କରିଛନ୍ତି । ଏଠାରେ ସେ ଆରବ ସାଗର ଉପରେ ନିର୍ମିତ ନୂତନ ପାମ୍ବନ ସେତୁର ଉଦଘାଟନ କରିଛନ୍ତି।  ଏହାପରେ, ପ୍ରଧାନମନ୍ତ୍ରୀ ରାମେଶ୍ୱରମର ରାମନାଥସ୍ୱାମୀ ମନ୍ଦିର ପରିଦର୍ଶନ କରିବେ ଏବଂ ପୂଜା କରିବେ । ରାମାୟଣ ଅନୁସାରେ, ରାମସେତୁର ନିର୍ମାଣ ରାମେଶ୍ୱରମ୍ ନିକଟସ୍ଥ ଧନୁଷକୋଡିରୁ ଆରମ୍ଭ ହୋଇଥିଲା। ଏହି କାରଣରୁ ଏହା ବିଶ୍ୱାସ ଦୃଷ୍ଟିକୋଣରୁ ମଧ୍ୟ ଗୁରୁତ୍ୱପୂର୍ଣ୍ଣ । ଏହି କାରଣରୁ ପ୍ରଧାନମନ୍ତ୍ରୀ ମୋଦି ରାମନବମୀରେ ଏହାକୁ ଉଦଘାଟନ କରିଛନ୍ତି। ଏହା ବ୍ୟତୀତ, ପ୍ରଧାନମନ୍ତ୍ରୀ ରାଜ୍ୟରେ ୮୩୦୦ କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ରେଳ ଏବଂ ସଡ଼କ ପ୍ରକଳ୍ପର ଶିଳାନ୍ୟାସ ଏବଂ ଉଦଘାଟନ କରିବାର ମଧ୍ୟ କାର୍ଯ୍ୟକ୍ରମ  ରହିଛି । 

ନୂଆ ଟେକ୍ନୋଲୋଜିରେ ପାମ୍ବନ ସେତୁ
ଏସିଆର ପ୍ରଥମ ଭୂଲମ୍ବ ଲିଫ୍ଟ ସ୍ପାନ୍ ରେଳ ସେତୁ
ରାମେଶ୍ୱରମ-ପାମ୍ବନ ମଧ୍ୟରେ ରେଳ ସେତୁ
୨.୦୮ କିଲୋମିଟର ଲମ୍ବ
ଡବଲ୍ ଟ୍ରାକ୍ ଏବଂ ହାଇ-ସ୍ପିଡ୍ ଟ୍ରେନ୍ ପାଇଁ ଡିଜାଇନ୍ 
ଷ୍ଟେନଲେସ୍ ଷ୍ଟିଲରେ ତିଆରି ସେତୁ ଉପରେ ପଲିସିଲୋକ୍ସେନ ଆବରଣ
ଯାହା କଳଙ୍କି ଏବଂ ସମୁଦ୍ରର ଲୁଣି ପାଣିରୁ ରକ୍ଷା କରିବ
ପୁରୁଣା ସେତୁଟି କଳଙ୍କି ଲାଗିବାରୁ ବନ୍ଦ ଥିଲା 
୨୦୨୨ରୁ ରାମେଶ୍ୱରମ୍ ଏବଂ ମଣ୍ଡପମ୍ ମଧ୍ୟରେ ରେଳ ଯୋଗାଯୋଗ ବିଚ୍ଛିନ୍ନ ଥିଲା