ଅନ୍ତର୍ଯ୍ୟାମୀ ନାୟକଙ୍କ ଘରେ ଖିରି ଖାଇଲେ ମୋଦୀ ; ଗୃହ ପ୍ରବେଶ କରିବା କରିବା ସହ ଘର ଠାକୁରଙ୍କୁ ପୂଜା କଲେ

କନକ ବ୍ୟୁରୋ: ଆଜି ଗାଡକଣରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହିତାଧିକାରୀଙ୍କୁ ଘର ମିଳିଛି । ନିଜେ ପ୍ରଧାନମନ୍ତ୍ରୀ ମୋଦୀ ଦିଲ୍ଲୀରୁ ଆସି ସିଧାସଳଖ ସେଠାରେ ପହଞ୍ଚିବା ପରେ ଏହି ଯୋଜନାର ଶୁଭ ଉଦଘାଟନ କରିବା ସହ ହିତାଧିକାରୀଙ୍କୁ ଗୃହ ପ୍ରବେଶ କରାଇଥିଲେ । 

ପ୍ରଥମେ ହିତାଧିକାରୀ ଅନ୍ତର୍ଯ୍ୟାମୀ ନାୟକଙ୍କ ଗୃହକୁ ଉଦଘାଟନ କରି ତାଙ୍କ ସହ ଗୃହ ପ୍ରବେଶ କରିଥିଲେ ମୋଦୀ । ଅନ୍ତର୍ଯ୍ୟାମୀଙ୍କ ଘରେ ତାଙ୍କ ଘର ଠାକୁରଙ୍କୁ ପୂଜା କରିବା ସହ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସହ ମୋଦୀ ମଧ୍ୟ ଖିରି ଖାଇଥିଲେ । ଏହାପରେ ଅନ୍ତର୍ଯ୍ୟାମୀଙ୍କ ସହ ହିତାଧିକାରୀଙ୍କ ପରିବାରକୁ ଭେଟି ତାଙ୍କ ସହ ପାଖାପାଖି ଅଧଘଣ୍ଟା ଆଲୋଚନା କରିଥିଲେ । ଏହାପରେ ଜନତା ମୈଦାନ ଅଭିମୁଖେ ବାହାରିଥିଲେ ମୋଦୀ ।