ଚର୍ଚ୍ଚାରେ ସିନେମା ‘ଦ ସାବରମତୀ ରିପୋର୍ଟ’ । ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ପ୍ରଶଂସା

କନକ ବ୍ୟୁରୋ: ସତ୍ୟ କାହାଣୀ ଉପରେ ଆଧାରିତ ସିନେମ ‘ଦ ସାବରମତୀ ରିପୋର୍ଟ’ ଯେତିକି ଲୋକପ୍ରିୟତା ସାଉଣ୍ଟୁଛି ସେତିକି ଚର୍ଚ୍ଚାରେ ରହିଛି । ଆଉ ଚର୍ଚ୍ଚାର ପ୍ରମୁଖ କାରଣ ପାଲଟିଛି ପ୍ରଧାନମନ୍ତ୍ରୀ ମୋଦୀ ଓ ଗୃହମନ୍ତ୍ରୀ ଅମିତ ଶାହାଙ୍କ ପ୍ରଶଂସା । 

• ଚର୍ଚ୍ଚାରେ ସିନେମା ‘ଦ ସାବରମତୀ ରିପୋର୍ଟ’
• ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ପ୍ରଶଂସା

ଥିଏଟରରେ କମାଲ କରୁଛି ସିନେମା ‘ଦ ସାବରମତୀ ରିପୋର୍ଟ’ । ୨୦୦୨ର ବହୁ ଚର୍ଚ୍ଚିତ ଗୋଧ୍ରା କାଣ୍ଡକୁ ନେଇ ପର୍ଯ୍ୟବେସିତ ହୋଇଥିବା ସିନେମା ସମସ୍ତଙ୍କ ଧ୍ୟାନ ଆକର୍ଷଣ କରିଛି । କାରଣ ଆଉ କେହି ନୁହେଁ ପ୍ରଧାନମନ୍ତ୍ରୀ ମୋଦୀ ଓ ଗୃହମନ୍ତ୍ରୀ ଅମିତ ଶାହା ‘ଦ ସାବରମତୀ ରିପୋର୍ଟ’ର ଭୁରି  ଭୁରି ପ୍ରଶଂସା କରିଛନ୍ତି । ନିଜ ଅଫିସିଆଲ ସୋସିଆଲ ମିଡିଆ ପେଜରେ  ଏକ ଲେଖା ପୋଷ୍ଟ କରିଛନ୍ତି ଉଭୟ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ ଖୁବ ପ୍ରଶଂସା କରିଛନ୍ତି । 

ପ୍ରଧାନମନ୍ତ୍ରୀ ମନ୍ତ୍ରୀ ଲେଖିଛନ୍ତି, ସତ କେବେ ଲୁଚି ରହେନା । ଦିନେ ନା ଦିନେ ସାମ୍ନାକୁ ଆସେ । ମିଛ କଥା ସୀମିତ ସମୟ ପର୍ଯ୍ୟନ୍ତ ତିଷ୍ଟି ପାରେ । ସେପଟେ ଗୃହମନ୍ତ୍ରୀ କହିଛନ୍ତି ଇକୋସିଷ୍ଟମ ଯେତେ ବଳିଷ୍ଠ ହେଲେ ବି ସତକୁ ଲୁଚାଇବା ଅସମ୍ଭବ । ବରିଷ୍ଠ ନେତାଙ୍କ ପୋଷ୍ଟକୁ ରି-ପୋଷ୍ଟ କରି ଖୁସି ପ୍ରକାଶ କରିଛନ୍ତି ନିର୍ମାତା ଏକତା କପୁର । ଲୋମଟାଙ୍କୁରା ସତ୍ୟକାହାଣୀକୁ ନେଇ ଧୀରଜ ଶରନା ନିର୍ମାଣ କରିଛନ୍ତି ‘ଦ ସାବରମତୀ ରିପୋର୍ଟ’ । ମୁଖ୍ୟ ଭୂମିକାରେ ବିକ୍ରାନ୍ତ ମାସେ, ରିଧି ଡୋଗରା, ରାଶି ଖାନ୍ନାଙ୍କ ଅଭିନୟ ରହିଛି ।ନଭେମ୍ବର ୧୫ରେ ରିଲିଜ ହୋଇଥିବା କମ ବଜେଟର ସିନେମା ବକ୍ସ ଅଫିସରେ ଖୁବ ଭଲ ପ୍ରଦର୍ଶନ କରୁଛି ।