କନକ ବ୍ୟୁରୋ :  ଆପଣ ବସିଥିବେ ଆପଣଙ୍କ ଉପରେ ଗୋଟେ ଝିଟିପିଟି ପଡ଼ିବ ଆପଣ ଚମକିପଡ଼ିବେ ନା ।  ଦେଖିଥିବେ  ଗୋଟିଏ ଗୋଟିଏ ଘରେ ଅନେକ ସଂଖ୍ୟାରେ ଝିଟିପିଟି କାନ୍ଥରେ ଲାଗିଥାନ୍ତି ।  ବେଳେ ଖାଦ୍ୟରେ ପଡ଼ି ବିଷାକ୍ତ ହୋଇଯିବାର ନଜିର ବି ରହିଛି ।  କିନ୍ତୁ ସେମାନଙ୍କୁ ଜୀବନରୁ ମାରିବା କେବେବି ଉଚିତ ନୁହେଁ କି ଆପଣଙ୍କ ବିବେକ ବି ଅନୁମତି ଦେବନି । ତାହେଲେ ସେମାନଙ୍କୁ ପ୍ରାକୃତିକ ଉପାୟରେ ଘରୁ ବାହାର କରାଯାଇପାରିବ । କିଛି  ରସାୟନିକ ସ୍ପ୍ରେ ଅପେକ୍ଷା ପ୍ରାକୃତିକ ଉପାୟ ଶ୍ରେୟସ୍କର ।  କିଛି ଗଛଲତା, ସେମାନଙ୍କର ତୀବ୍ର ବାସ୍ନା ଯୋଗୁଁ ଏମାନଙ୍କୁ ଦୂରେଇବାରେ ବେଶ୍ ସହାୟକ ବୋଲି କୁହାଯାଏ ।  

Advertisment

କେବଳ ଝିଟିପିଟିକୁ ଦୂରେଇବ ତାହା ନୁହେଁ ଏସବୁ ହର୍ବାଲ ପ୍ଳାଣ୍ଟ ପରିବେଶକୁ ଶୁଦ୍ଧ କରିବ   । କୁହାଯାଏ , ସୁଗନ୍ଧିତ ଗଛ ଝିଟିପିଟିମାନଙ୍କର ପ୍ରିୟ ନୁହେଁ  ।  ଏହି ଗଛମାନଙ୍କର ତୀବ୍ର ବାସ୍ନା ସେମାନଙ୍କୁ ଅସହଜ କରେ ।  ଫଳରେ ସେମାନେ ସେହି ସ୍ଥାନରୁ ଦୂରେଇଯାଆନ୍ତି ।  ଏହି ଗଛ ଗୁଡ଼ିକୁ ବାଲକୋନି, ଝରକା, କିମ୍ବା ରୋଷେଇ ଘରେ ଆଲୋକ ପଡ଼ୁଥିବା ସ୍ଥାନରେ ରଖିପାରିବେ । ଏହି ଗଛଗୁଡ଼ିକ ଖାଦ୍ୟ ଓ ଘରୋଇ ଉପଚାର ପାଇଁ ମଧ୍ୟ ଉପଯୋଗୀ , ଯାହା  ଦ୍ବିଗୁଣିତ ଲାଭ ପ୍ରଦାନ କରେ । 

କୁକୁର ପାଇଁ କରିଦେଲେ ଆତ୍ମହତ୍ୟା! ଫିନାଇଲ ପିଇ ଜୀବନ ହାରିଲେ ଦୁଇ ଭଉଣୀ


 ରୋଗମାରୀ : ଏହା ଏକ ସୁଗନ୍ଧିତ ଔଷଧୀୟ ଗଛ ଯାହା କେବଳ ଖାଦ୍ୟର ସ୍ବାଦ ବୃଦ୍ଧି କରେ ତାହା ନୂହେଁ ବରଂ ଆପଣଙ୍କ ଘରୁ  ଝିଟିପିଟିକୁ ଦୂରେଇ ରଖିବାରେ  ମଧ୍ୟ ସାହାଯ୍ୟ କରେ । ଝିଟିପିଟିକୁ ଏହାର ତୀବ୍ର ବାସ୍ନା ଘଉଡ଼ାଇ ଦିଆଯାଏ , ଯାହା ସେମାନଙ୍କୁ ଅଞ୍ଚଳ ବୁଲାଇବାକୁ ବାଧା ହୁଏ । ଆପଣଙ୍କ ବାଲକୋନିରେ ବା ରୋଷେଇ ଘରେ ଏହାକୁ ରଖିପାରିବେ । ଏହାର ତେଲକୁ ବି ତ୍ବଚା ଓ କେଶର ଯତ୍ନ ପାଇଁ ବ୍ୟବହାର କରାଯାଏ । 

ପୁଦିନା :  ଏଭଳି ଏକ ଗଛ ଯାହାର ବାସ୍ନା ଝିଟିପିଟିକୁ ସୁହାଏ ନାହିଁ ।  ଏହାର ବାସ୍ନା ମଧ୍ୟ ଝିଟିପିଟିକୁ ଦୂରେଇ ରଖିବାରେ ସହାୟକ ହୁଏ । ଏହି ଲତା ଭାରତୀୟ ଜଳବାୟୁରେ ବହୁତ ଭଲଭାବେ ବଢ଼ିଥାଏ । ଏହା ବିଶେଷ ଯତ୍ନ ନେବାକୁ ପଡ଼େନାହିଁ  । ଏହାର ପତ୍ର ଚା, ଚଟଣି ଓ ସ୍କିନ କେୟାରରେ ବି ବ୍ୟବହାର ହୁଏ । ଏହାର ତେଲକୁ ବି ସ୍ପେ କଲେ ଝିଟିପିଟି ଘରୁ ବାହାରି ପଳାଇବେ ।

ୟୁକାଲିପଟାସ୍  : ଏହି ଗଛର ପତ୍ର ଝିଟିପିଟିକୁ ଘଉଡ଼ାଇବାରେ ସବୁଠୁ  ପ୍ରଭାବଶାଳୀ । ଏହାର ପତ୍ରରୁ ପ୍ରସ୍ତୁତ ତେଲ ସ୍ପ୍ରେ କଲେ ଝିଟିପିଟି  ସହ ଅନ୍ୟ କୀଟପତଙ୍ଗ ବି ଦୂରେଇ ଯାଆନ୍ତି । ଏହାର ତେଲକୁ ଥଣ୍ଡା, ଚର୍ମ ସମସ୍ୟାରେ ବି ବ୍ୟବହାର କରାଯାଏ । 

ପେନସିଲ ଗଛ : ଏହି ଗଛ ଝିଟିପିଟି ସହ ଅନ୍ୟ କୀଟପତଙ୍ଗକୁ ଘଉଡ଼ାଏ । ଅବଶ୍ୟ ଏହି ଗଛ ଲଗାଇଲେ ସତର୍କତା ଅବଲମ୍ବନ କରିବାକୁ ପଡ଼େ । କାରଣ ଏହାର ରସ ଚର୍ମ ପାଇଁ କ୍ଷତିକାରକ । ଏହା ଗଛକୁ ଲଗାଇ ଏକ କୋଣରେ ରଖିପାରିବେ । ଏହା ବ୍ୟତୀତ ଲେମନ ଗ୍ରାସ,ରସୁଣ ଗଛ ମଧ୍ୟ ଝିଟିପିଟିକୁ ଘଉଡ଼ାଇବାରେ ଉପାଦେୟ । ଏହି ଗଛ ଲଗାଇ ଘରର ପ୍ରବେଶ ଦ୍ବାରରେ  ଲଗାଇଲେ ଝିଟିପିଟି ଘରୁ ବାହାରି ପଳାନ୍ତି ।