ବକ୍ସ ଅଫିସରେ ଧମାଲ କରୁଛି ଫିଲ୍ଲୀ ଛାଭା : ୩ ଦିନରେ ୧୦୦ କୋଟି ପାର

କନକ ବ୍ୟୁରୋ : ପିଲାଦିନେ ପଢିଥିବା ଇତିହାସ କୁ ଆମେ ବର୍ତ୍ତମାନ ଫିଲ୍ଲୀ ର ପରଦା ରେ ଦେଖୁଛେ , ସ୍କୁଲରେ ଇତିହାସ ପଢିଲା ବେଳେ ଆମେ ଏପରି କାହାଣୀ ମଧ୍ୟ ଶୁଣିଛେ କିନ୍ତୁ ବାସ୍ତବତା ଦେଖିବା ଓ ଜାଣିବାରେ ମଧ୍ୟ ଥିଲା ବହୁତ ଫରକ  କିନ୍ତୁ ଏହି ବାସ୍ତବିକ ଘଟଣା ଏବେ ଆପଣଙ୍କ ଲୋମ ଟାଙ୍କୁରେଇ ଦେବ ଏହି ଘଟଣା ପ୍ରତ୍ୟେକ ଭାରତୀୟଙ୍କ ଦେହରେ ଉଷ୍ମତା ଭରିଦେବ , ଆପଣଙ୍କ ଛାତି ଥରି ଉଠିବ ,

ଏହି ଫିଲ୍ଲୀ ପ୍ରତ୍ୟେକ ଭାରତୀୟ ଦେଖିବା ଉଚିତ ଏହାଦ୍ବାରା ଆମର ଇତିହାସ ରେ ଘଟିଥିବା ଘଟଣାବଳୀ ପ୍ରତ୍ୟେକ ଭାରତୀୟ ଜାଣିପାରିବେ ଏହାଦ୍ବାରା ଛୋଟ ଛୁଆଙ୍କଠାରୁ ଆରମ୍ଭ କରି ନିଜ ମାତାପିତାଙ୍କୁ ବି ସାଙ୍ଗରେ ନେଇ ଦେଖିହେବ ଏହି ଚଳଚ୍ଚିତ୍ର ।  ଏହି ଫିଲ୍ଲୀରେ ନା ଅଛି କୌଣସି ନଗ୍ନ ଦୃଶ୍ୟ, ନା କୌଣସି ମାଦକ ଦ୍ରବ୍ୟ ସେବନର ଦୃଶ୍ୟ..  ଏହି ଫିଲ୍ଲୀ ପ୍ରତ୍ୟେକ ପରିବାର ଦେଖିବା ଉଚିତ  , ଏହି ଫିଲ୍ଲୀ ଏବେ ବକ୍ସ ଅଫିସରେ ଧମାଲ କରୁଛି 

ଶୁକ୍ରବାର ରିଲିଜ୍ ହୋଇଥିଲା ବଲିଉଡ ଅଭିନେତା ବିକି କୌଶଲଙ୍କ ଫିଲ୍ମ 'ଛାବା' । ଫିଲ୍ମ ରିଲିଜର ପ୍ରଥମ ଦିନ ଆଶା କରାଯାଉଥିଲା ଯେ, ଏହା ଅନେକ ଫିଲ୍ମର ରେକର୍ଡ ଭାଙ୍ଗିବ । ଏବେ ଫିଲ୍ମ ରିଲିଜର ୩ଦିନ ମଧ୍ୟରେ ଏହା ସତ ହୋଇଛି । ଫିଲ୍ମ 'ଛାବା' ଦେଖିବା ପାଇଁ ସପ୍ତାହାନ୍ତରେ ପ୍ରେକ୍ଷାଳୟରେ ବହୁତ ଭିଡ଼ ଜମିଥିଲା। ଫିଲ୍ମଟି ରିଲିଜ୍ ହେବା ପରେ ଯେତିକି ଆଶା ଥିଲା ତା’ଠାରୁ ଅଧିକ ଦର୍ଶକ ଫିଲ୍ମକୁ ପସନ୍ଦ କରୁଛନ୍ତି ।  ଅଧିକାଂଶ ସମୀକ୍ଷକ ଫିଲ୍ମଟିକୁ ବହୁତ ଭଲ ବୋଲି ବର୍ଣ୍ଣନା କରିଛନ୍ତି।

ସବୁଠୁ ବଡ଼ କଥା ହେଉଛି ଏହି ବର୍ଷ ମୁକ୍ତିଲାଭ କରିଥିବା ସମସ୍ତ ବଲିଉଡ୍ ସିନେମା ଫ୍ଲପ୍ ହୋଇଛି । ଏପରି ସ୍ଥିତିରେ, " ଛାଭା "ର ପ୍ରଥମ ଦିନର ଆୟ ଦେଖିଲେ ଲାଗୁଛି ଯେ ଏହା ଚଳିତ ବର୍ଷର ବଲିଉଡର ପ୍ରଥମ ବ୍ଲକବଷ୍ଟର ସିନେମା ହୋଇପାରେ । ଲକ୍ଷ୍ମଣ ଉତେକରଙ୍କ ନିର୍ଦ୍ଦେଶିତ ଏହି ଫିଲ୍ମ ପ୍ରଥମ ଦିନରେ ୩୩କୋଟିରୁ  ଅଧିକ ଆୟ କରିଥିବା ବେଳେ ଶନିବାରୁ ୩୯କୋଟିରୁ ଅଧିକ ଟଙ୍କା ଆୟ କରିଥିଲା  । 

ରବିବାର ଛୁଟି ଦିନ ଥିବାରୁ ଫିଲ୍ମଟି ୫୦କୋଟି ଆୟ କରିଥିଲା  ।  ଏବେ ଫିଲ୍ମର ମୋଟ ଆୟ ୧୦୦କୋଟି ଟପିଥିବା ବେଳେ ଆଗକୁ ଏହା ଆହୁରି ଅଧିକ ଆୟ କରିବ ବୋଲି ଚର୍ଚ୍ଚା ହେଉଛି ।  ଛାଭା  ପ୍ରଥମ ଦିନରେ ବକ୍ସ ଅଫିସରେ ୩୧ କୋଟି ଟଙ୍କା ରୋଜଗାର କରିଛି  । ଏହା ସହିତ ଏହା ମଧ୍ୟ ସ୍ପଷ୍ଟ ହୋଇଯାଇଛି ଯେ ଛାବା ଏହି ବର୍ଷ ଅର୍ଥାତ୍ ୨୦୨୫ ରେ ମୁକ୍ତିଲାଭ କରିଥିବା ସମସ୍ତ ଫିଲ୍ମର ସଂଗ୍ରହକୁ ପଛରେ ପକାଇ ଦେଇଛି  । ୨୦୨୫ ମସିହାରେ ମୁକ୍ତିଲାଭ କରିଥିବା କୌଣସି ଚଳଚ୍ଚିତ୍ର ପ୍ରଥମ ଦିନରେ ଏତେ ବଡ଼ କଲେକ୍ସନ କରିନାହିଁ ।

ପ୍ରଥମ ଦିନରେ ୩୨.୫୧ ପ୍ରତିଶତ ଅକ୍ୟୁପେନ୍ସି ସହିତ ଅନେକ ଫିଲ୍ମକୁ ମଧ୍ୟ ପଛରେ ପକାଇ ଦେଇଛି । ଏହି ଜବରଦସ୍ତ କଲେକ୍ସନ ସହିତ, ଭିକି କୌଶଳ ନିଜର ରେକର୍ଡ ମଧ୍ୟ ଭାଙ୍ଗିଛନ୍ତି  । ଭିକି କୌଶଳଙ୍କ ଫିଲ୍ମ ବିଷୟରେ କହିବାକୁ ଗଲେ, ତାଙ୍କର ସବୁଠାରୁ ବଡ଼ ଓପନର ଫିଲ୍ମ ଥିଲା ଫିଲ୍ମ ‘ବ୍ୟାଡ ନ୍ୟୁଜ୍‌’, ଯାହା ପ୍ରଥମ ଦିନରେ ୮.୬୨ କୋଟି ଟଙ୍କା କଲେକ୍ସନ କରିଥିଲା  । 

ଏହା ବ୍ୟତୀତ ‘ଉରି: ସର୍ଜିକାଲ୍ ଷ୍ଟ୍ରାଇକ୍’ ୮.୨୦ କୋଟି ଟଙ୍କା ସଂଗ୍ରହ କରିଥିଲା  ।  ଏପରି ପରିସ୍ଥିତିରେ,  ଛାଭା  ଭିକି କୌଶଳଙ୍କ ସବୁଠାରୁ ବଡ଼ ଓପନର ପାଲଟିଛନ୍ତି  । ତେବେ ଫ୍ୟାନ୍ସ ମଧ୍ୟ ଏହି ଫିଲ୍ମ ପାଇଁ ବିକିଙ୍କ ପ୍ରଂଶସା କରିବା ସହିତ ଭଲ ପାଇବା ମଧ୍ୟ ଦେଉଛନ୍ତି  । ଏଥିସହ ରଶ୍ମିକା ମଣ୍ଡାନ୍ନା ‘ ଛାଭା ’ ଚଳଚ୍ଚିତ୍ରରେ ମରାଠା ରାଣୀ ୟେସୁବାଇଙ୍କ ଭୂମିକାରେ ଅଭିନୟ କରିଥିଲେ ।  

ଫିଲ୍ମରେ ଦିବ୍ୟା ଦତାଙ୍କ ଚରିତ୍ର ତାଙ୍କ ଅପେକ୍ଷା ଅଧିକ ଜୀବନ୍ତ । ଶିବାଜୀଙ୍କ ଦ୍ୱିତୀୟ ପତ୍ନୀ ସୋୟରାବାଇ ଭୂମିକାରେ ଅଭିନୟ କରୁଥିବା ଦିବ୍ୟା ତାଙ୍କ ପୁଅକୁ ମହାରାଜା କରିବାକୁ ବ୍ୟାକୁଳ ।  ଫିଲ୍ମରେ ସହାୟକ କଳାକାରଙ୍କ ମଧ୍ୟରେ ବିନୀତ ସିଂହ ସର୍ବୋତମ କାମ କରିଛନ୍ତି  । ସେ  ସମ୍ଭାଜୀଙ୍କ ଦରବାର କବି । କବି କଳଶ  ମଧ୍ୟ କ୍ଲାଇ ମାକ୍ସରେ ଯୁଦ୍ଧ ଲଢ଼ିଥିଲେ ଏବଂ ସମ୍ଭାଜୀଙ୍କ ବ୍ୟତୀତ ଔରଙ୍ଗଜେବଙ୍କ ଦ୍ୱାରା ବନ୍ଦୀ ହୋଇଥିବା ଦ୍ୱିତୀୟ ମରାଠା ଥିଲେ ।  ଆଶୁତୋଷ ରାଣାଙ୍କୁ ନିଜସ୍ୱ ଭୂମିକା ମିଳିଲା ନାହିଁ ।
ସେନାପତି ପଦବୀରେ ଥିବା ସତ୍ୱେ ତାଙ୍କୁ କୌଣସି ସ୍ଥାନରେ ଯୁଦ୍ଧ ସଂରଚନା କରିବାର ଦେଖାଯାଇ ନଥିଲା ।

ଏହା ଦେଖାଯାଉଛି ଯେପରି ଡାଏନା ପେଂଟିଙ୍କୁ ଅକ୍ଷୟ ଖାନ୍ନାଙ୍କ ସହିତ ରଖାଯାଇଛି କେବଳ ଫ୍ରେମକୁ ସନ୍ତୁଳିତ କରିବା ପାଇଁ । ଏବଂ ଅକ୍ଷୟ ଖାନ୍ନା ତାଙ୍କ କପାଳରେ ଥିବା କୃତ୍ରିମ ମୁହଁର କୁଂଚନ ଏବଂ ନମାଜ ଚିହ୍ନ ସହିତ ବହୁତ ରଙ୍ଗ ଯୋଡିଛନ୍ତି  ।  ହିନ୍ଦୀ ସିନେମାରେ ଶକ୍ତିଶାଳୀ ଖଳନାୟକଙ୍କ ଅଭାବ ପୂରଣ କରିବାରେ ଏହି ପରୀକ୍ଷଣ ଏକ ନୂତନ ମୋଡ଼ ଆଣିପାରିବ ।  ଫିଲ୍ମକୁ ସଫଳ କରିବାରେ ପୃଷ୍ଠଭୂମି ସଙ୍ଗୀତର ଏକ ପ୍ରମୁଖ ଭୂମିକା ରହିଛି । ଏହି ଚଳଚିତ୍ରରେ  ଏ.ଆର.ରେହମାନଙ୍କ ସଂଗୀତର ଯାଦୁ ରହିିଛି ।

ଛତ୍ରପତି ଶିବାଜୀ ମହାରାଜଙ୍କ ମୃତ୍ୟୁ ପରେ‘ ଛାଭା ’ ର କାହାଣୀ  ସୃଷ୍ଟି ହେଉଛି । ଶିବାଜୀ ଶିବଲୋକ ଯିବା ପରେ ସମ୍ଭାଜୀ ରାୟଗଡ଼ର ସିଂହାସନ ପାଇଥିଲେ । ଏହି ଫିଲ୍ମଟି ସମ୍ଭାଜୀ ଏବଂ ଔରଙ୍ଗଜେବଙ୍କ ନଅ ବର୍ଷର ଜୀବନ ଉପରେ ଆଧାରିତ । ୧୬୮୦ ରୁ ୧୬୮୯ ସମୟର ଏହି କାହାଣୀ ଦୁଃଖଦ ଏବଂ ଦୁଃଖଦ ଅପେକ୍ଷା ଅଧିକ ଭୟଙ୍କର ।  ମୋଗଲ ସାମ୍ରାଜ୍ୟର ସମ୍ରାଟ ଔରଙ୍ଗଜେବ ଅନୁଭବ କରନ୍ତି ଯେ ଏବେ ଦାକ୍ଷିଣାତ୍ୟରେ ତାଙ୍କୁ ପରାସ୍ତ କରିବା ପାଇଁ ଆଉ କେହି ନାହାନ୍ତି । ସେ ଏବେ ଏକାକୀ ମରାଠାମାନଙ୍କୁ ଶାସନ କରିପାରିବେ ।

କିନ୍ତୁ ସେ ଏହି କଥା ଜାଣି ନଥିଲେ ଯେ ଛତ୍ରପତି ଶିବାଜୀ ମହାରାଜଙ୍କ ୨୪ ବର୍ଷୀୟ ନିର୍ଭୀକ ଏବଂ ସାହସୀ ପୁଅ ସମ୍ଭାଜୀ ଓରଫ  ଛାଭା  (ଭିକି କୌଶଳ) ତାଙ୍କ ପିତାଙ୍କ ସ୍ୱରାଜ ସ୍ୱପ୍ନକୁ ଆଗକୁ ବଢାଇବାକୁ ଦୃଢ଼ ସଂକଳ୍ପବଦ୍ଧ । ଏହି ସ୍ୱପ୍ନକୁ ପୂରଣ କରିବା ପାଇଁ ସମ୍ଭାଜୀଙ୍କ ପତ୍ନୀ (ରଶ୍ମିକା ମଣ୍ଡାନ୍ନା) ମଧ୍ୟ ତାଙ୍କ ସାହସୀ ରାଜାଙ୍କ ସହିତ ଛିଡ଼ା ହୋଇଛନ୍ତି । ସମ୍ଭାଜୀ ତାଙ୍କର ସେନାପତି, ସାର୍ ଲସ୍କର ଓରଫ ହାମ୍ବିରାବ ମୋହିତେ (ଆଶୁତୋଷ ରାଣା) ଏବଂ ସାହସୀ ସୈନିକମାନଙ୍କ ସହିତ, ଔରଙ୍ଗଜେବଙ୍କ ସୁଲତାନତର ଏକ ଗୁରୁତ୍ୱପୂର୍ଣ୍ଣ ଗଡ଼ ବୁରହାନପୁର ଉପରେ ଆକ୍ରମଣ କରନ୍ତି ।  

ଏହା ପରେ ହିଁ ଔରଙ୍ଗଜେବ, ତାଙ୍କ ଝିଅ ଏବଂ ବିଶାଳ ମୋଗଲ ସେନା ସମ୍ଭାଜୀଙ୍କ ସାହସିକତା ବିଷୟରେ ଜାଣିପାରିଲେ । ଏହି ପ୍ରଥମ ବିଜୟ ପରେ ସମ୍ଭାଜୀ ଏବଂ ତାଙ୍କର ଶକ୍ତିଶାଳୀ ସେନା ନଅ ବର୍ଷ ଧରି ଔରଙ୍ଗଜେବଙ୍କ ସୁଲତାନତର ବିଭିନ୍ନ ଦୁର୍ଗ ଉପରେ ଆକ୍ରମଣ କରି ତାଙ୍କର ରଣନୀତିକୁ ନଷ୍ଟ କରିଦେଲେ ।

ଏହାପରେ ସମ୍ଭାଜୀ ଔରଙ୍ଗଜେବଙ୍କ ପାଇଁ ଏତେ କଂଟା ପାଲଟି ଯାଇଥିଲେ ଯେ ସେ ତାଙ୍କର ସମସ୍ତ କୂଟନୈତିକ ଚାଲ ସତ୍ୱେ ତାଙ୍କୁ ହଟାଇ ପାରିଲେ ନାହିଁ । କିନ୍ତୁ ତା’ପରେ ମହାବୀର ସମ୍ଭାଜୀ, ଯିଏ ସିଂହ ଗର୍ଜନ ପରି ନିର୍ଭୀକ ଏବଂ ପବନ ପରି ଚତୁର ଥିଲେ,   ତାଙ୍କ ନିଜ ଲୋକଙ୍କ ଦ୍ୱାରା ବିଶ୍ୱାସଘାତକତାର ଶୀକାର ହେଲେ । ସମ୍ଭାଜୀଙ୍କୁ ବନ୍ଦୀ କରିବା ପାଇଁ ଔରଙ୍ଗଜେବ ଦିଲ୍ଲୀ ଛାଡିଛନ୍ତି ।  ସଙ୍ଗମେଶ୍ୱରରେ ଅପେକ୍ଷା କରି ରହିଥିବା ତାଙ୍କର ପରମ ଶତ୍ରୁ ଔରଙ୍ଗଜେବ ସମ୍ଭାଜୀଙ୍କୁ ଗିରଫ କରନ୍ତି । ଔରଙ୍ଗଜେବଙ୍କ ହାତରେ ସମସ୍ତ ଆତ୍ମାକୁ ଆନ୍ଦୋଳିତ କରୁଥିବା ଶାରୀରିକ ନିର୍ଯାତନା ପରେ, ‘ ଛାଭା ’ କ’ଣ ତାଙ୍କ ଶତ୍ରୁ ନିକଟରେ ଆତ୍ମସମର୍ପଣ କରିବେ ?   

ସମ୍ଭାଜୀଙ୍କୁ ସମଗ୍ର ସିନେମାରେ କେବଳ ଲଢ଼ୁଥିବା ଦେଖାଯାଇଛି । ସେ ହତ୍ୟା କରିବାରେ କୌଣସି ଦ୍ୱିଧା ଦେଖାନ୍ତି ନାହିଁ  ଏବଂ ଯୁଦ୍ଧ କରିବା ପାଇଁ ଅନେକ ଥର ନିଜର ଛଦ୍ମବେଶ ପରିବର୍ଚନ କରୁଥିବାର ଦେଖାଯାଏ ।   ଔରଙ୍ଗଜେବଙ୍କୁ ଅପମାନିତ କରିବା ପାଇଁ ତାଙ୍କୁ ଏଠାରେ ବାରମ୍ବାର ଔରଙ୍ଗ ନାମରେ ଡକାଯାଉଛି  ।   ତାଙ୍କ ପୁଅ ଆକବର ସମ୍ଭାଜୀଙ୍କ ସାହାଯ୍ୟ ପାଇଁ ବାରମ୍ବାର ନିବେଦନ କରୁଥିବା ଦେଖାଯାଇଛି  ।