ଏମାନଙ୍କ ପାଇଁ ପଇଡ଼ ପାଣି ଘାତକ, ଜାଣି ରଖନ୍ତୁ କେଉଁମାନେ ପଇଡ଼ ପାଣି ପିଇବା ଉଚିତ୍‌ ନୁହେଁ

କନକ ବ୍ୟୁରୋ: ଖରାଦିନେ ପଇଡ଼ ପାଣି ଖୁବ୍‌ ଉପକାରୀ । ଖାଲି ଖରାଦିନେ ନୁହେଁ ଏହାକୁ  ସବୁ   ଋତୁରେ ଆପଣ ପିଇପାରିବେ । କାରଣ ପଇଡ଼ ପାଣି ସ୍ବାସ୍ଥ୍ୟ ପାଇଁ ଖୁବ୍‌ ଉପକାରୀ । ଏହା ଶରୀରକୁ  ହାଇଡ୍ରେଟ୍‌  ରଖିଥାଏ । ଏଥିସହିତ ଇମ୍ୟୁନିଟି ବୁଷ୍ଟରର  କାମ ମଧ୍ୟ କରିଥାଏ । ଏଥିରେ ଭିଟାମିନ୍‌ ସି, କ୍ୟାଲ୍‌ସିୟମ, ସୋଡିୟମ୍‌ ଏବଂ ମ୍ୟାଗ୍ନେସିୟମ ଭରପୁର୍‌ ଥାଏ । ଯାହା ଆମ ଶରୀର ପାଇଁ ଖୁବ୍‌ ଜରୁରୀ  ହୋଇଥାଏ । ପଇଡ଼ ପାଣି ଏତେ ଲାଭଦାୟକ ହୋଇଥିଲେ ମଧ୍ୟ କିଛି ଲୋକଙ୍କ ପାଇଁ ଏହା କ୍ଷତିକାରକ ହୋଇପାରେ । ଚାଲନ୍ତୁ ଜାଣିବା କେଉଁ କେଉଁ ଲୋକ ପଇଡ଼ ପାଣି ପିଇପାରିବେନି । ପଇଡ଼ ପାଣିରେ ପୋଟାସିୟମ ଭୁରପୁର୍‌ ମାତ୍ରାରେ ରହିଥାଏ । ଯାହା କିଛି ଲୋକଙ୍କ ପାଇଁ ଲାଭଦାୟକ ହୋଇଥାଏ ।  କିନ୍ତୁ  ଯାହାର  ବୃକକ୍ ଜନିତ ସମସ୍ୟା  ରହୁଛି  ତାଙ୍କ ପାଇଁ  ପଇଡ଼ ପାଣି  ପିଇବା କ୍ଷତିକାରକ ।  

ପଇଡ଼ ପାଣିରେ ପ୍ରାକୃତିକ ସୁଗାର ଥାଏ । ଯେଉଁମାନଙ୍କର ଡାଇବେଟିସ୍‌ ଅର୍ଥାତ ବ୍ଲଡ୍‌ରେ ସୁଗାର ସମସ୍ୟା ରହୁଛି ତାଙ୍କ ପାଇଁ ପଇଡ଼ ପାଣି ପିଇବା ଉଚିତ୍‌ ନୁହେଁ । ଯେଉଁ ଲୋକଙ୍କର ପୂର୍ବରୁ ଆଲର୍ଜି ସମସ୍ୟା  ଅଛି, ପଇଡ଼ ପାଣି ପିଇବା ଦ୍ବାରା କିଛି ଲକ୍ଷଣ  ଦେଖାଯାଉଛି ତେବେ ସେମାନଙ୍କୁ ଏଥିରୁ ନିବୃତ ରହିବା ଦରକାର । ପଇଡ଼ ପାଣି ପିଇବା ଦ୍ବାରା କୁଣ୍ଡେଇ ହବା , ନାଲି ନାଲି ଫଳି ଯିବା  ଭଳି ସମସ୍ୟା ସୃଷ୍ଟି  ହୋଇଥାଏ । କିଛି ବ୍ୟକ୍ତି ପଇଡ଼ ପାଣି ପିଇବା ଦ୍ବାରା  ତାଙ୍କର ହଜମ  ହୋଇନଥାଏ  । ଯେଉଁଥିପାଇଁ ପେଟ ଫୁଲିବା ସହ  ଡାଇରିଆ ହୋଇପାରେ ।  ଯେଉଁମାନେ  ଓଜନ କମ୍‌ କରିବା ପାଇଁ  ଷ୍ଟ୍ରିକ୍ଟ  ଡାଏଟ୍‌ରେ ଅଛନ୍ତି  ସେମାନେ ଅଧିକ ପଇଡ଼ ପାଣି ପିଇବା ଉଚିତ୍‌ ନୁହେଁ ।