ସେବେ ଜେଲ, ଏବେ ପେନସନ୍

କନକ ବ୍ୟୁରୋ: ସାରାଦେଶରେ ଯେତେବେଳେ ଜରୁରୀକାଳୀନ ପରିସ୍ଥିତି ଲାଗୁ ହୋଇଥିଲା, ସେତେବେଳେ ବହୁ ସଂଖ୍ୟାରେ ବୁଦ୍ଧିଜୀବୀ, ରାଜନେତା ଓ ଯୁବକ ଏହାକୁ ବିରୋଧ କରିଥିଲେ। ରାସ୍ତାକୁ ଓହ୍ଲାଇ ପ୍ରତିବାଦ କରିଥିଲେ। ଏଥିପାଇଁ ସେମାନଙ୍କ ମଧ୍ୟରୁ ଅନେକଙ୍କୁ ଜେଲ ଯିବାକୁ ପଡିଥିଲା। ହେଲେ, ଏଥିପାଇଁ ସେମାନଙ୍କୁ ସମ୍ମାନିତ କରିବାକୁ ଯୋଜନା କରୁଛନ୍ତି ମୋହନ ସରକାର।

Advertisment

ଜରୁରୀକାଳୀନରେ ଜେଲ ଯାଇଥିବା ବ୍ୟକ୍ତିଙ୍କୁ ମିଳିବ ପେନସନ
ଖୁବଶୀଘ୍ର କ୍ୟାବିନେଟରେ ବାଜିପାରେ ମୋହର
ଜାନୁୟାରୀ ୨୬ରେ ହୋଇପାରେ ବଡ ଘୋଷଣା

୧୯୭୫, ଜରୁରୀକାଳିନ ପରିସ୍ଥିତିକୁ ସାରା ଦେଶରେ କଳା ଦିବସ ଭାବେ ପାଳନ କରୁଛି ବିଜେପି । କିନ୍ତୁ ଜେଲ ଯାଇଥିବା ଅନ୍ତେବାସୀଙ୍କୁ ଯୋଦ୍ଧା ବୋଲି କହୁଛି ବିଜେପି । ଯେଉଁଠି ବିଜେପି ସରକାର ଅଛି, ସେଇଠି ଜରୁରୀକାଳୀନ ସମୟରେ ଜେଲ ଯାଇଥିବା ବ୍ୟକ୍ତି ବିଶେଷଙ୍କୁ ସ୍ୱତନ୍ତ୍ର ସମ୍ମାନ ଦିଆଯାଉଛି । ଉତ୍ତର ପ୍ରଦେଶ, ମଧ୍ୟପ୍ରଦେଶ ଓ ରାଜସ୍ଥାନ ଭଳି ଓଡିଶାରେ ମଧ୍ୟ ଏଜରଜେନ୍ସିରେ ଜେଲ ଯାଇଥିବା ବ୍ୟକ୍ତିଙ୍କୁ ସମ୍ମାନିତ କରିବାକୁ ବ୍ଲୁପ୍ରିଣ୍ଟ ପ୍ରସ୍ତୁତ କରୁଛନ୍ତି ମୋହନ ସରକାର । ସ୍ୱାଧୀନତା ସଂଗ୍ରାମରେ ଝାସ ଦେଇଥିବା ସଂଗ୍ରାମୀ ଓ ତାଙ୍କ ପରିବାରକୁ ଯେମିତି ସମ୍ମାନ ମିଳୁଛି, ଠିକ ସେହିଭିଳି ଏମରଜେନ୍ସି ଲିର୍ଡରମାନଙ୍କୁ ସମ୍ମାନିତ କରୁଛି।

ଜରୁରୀକାଳୀନରେ ଜେଲ ଯାଇଥିବା ବ୍ୟକ୍ତିଙ୍କୁ ମିଳିବ ପେନସନ

୪୯ ବର୍ଷ ପୂର୍ବେ ଇନ୍ଦିରା ଗାନ୍ଧୀଙ୍କ ଜରୁରୀକାଳୀନ ପରିସ୍ଥିତିକୁ ବିରୋଧ କରି ଜେଲ ଯାଇଥିବା ବ୍ୟକ୍ତିଙ୍କ ଡାଟା ବେଶ ପ୍ରସ୍ତୁତ କରୁଛି ଗୃହ ବିଭାଗ
ଯେଉଁମାନେ ବନ୍ଦୀ ହୋଇଥିଲେ ସେମାନଙ୍କୁ ମାସିକ ୨୦ ହଜାର ଟଙ୍କା ପ୍ରଦାନ କରାଯାଇପାରେ
ପ୍ରାୟ ୩୦୦ ରୁ ୪୦୦ ଜେଲ ବନ୍ଦୀଙ୍କ ତାଲିକା ପ୍ରସ୍ତୁତ କରାଯାଛି
ଖୁବଶୀଘ୍ର ଏ ସଂକ୍ରାନ୍ତରେ କ୍ୟାବିନେଟ ମୋହର ବାଜିପାରେ
ଯେଉଁ ବନ୍ଦୀମାନେ ମୃତ୍ୟୁବରଣ କରିଛନ୍ତି, ସେମାନଙ୍କୁ ଚିହ୍ନଟ କରି ତାଙ୍କ ପରିବାରକୁ ସହାୟତା ପ୍ରଦାନ କରାଯିବ

ସେତେବେଳେ ଅଣ କଂଗ୍ରେସ ନେତା ହିସାବରେ ଜେଲ ବନ୍ଦୀ ହୋଇଥିବା କିଛି ନେତା ଓ ବିଧାୟକ ଅଛନ୍ତି ଆଉ କିଛି ସକ୍ରିୟ ରାଜନୀତିରେ ମଧ୍ୟ ଅଛନ୍ତି । ବିରୋଧୀ ଦଳ ଉପ ନେତା ପ୍ରସନ୍ନ ଆଚାର୍ଯ୍ୟ, ବିଜେଡି ବିଧାୟକ ରାଜା ସ୍ୱାଇଁ, ପୂର୍ବତନ ବିଧାୟକ ଅମର ଶତପଥୀ, ପଞ୍ଚାନନ କାନୁନଗୋ, ପୂର୍ବତନ ରାଜ୍ୟପାଳ ବିଶ୍ୱ ଭୂଷଣ ହରିଚନ୍ଦନ, ଶ୍ରୀକାନ୍ତ ଜେନା ଓ ବ୍ରଜ ତ୍ରୀପାଠୀ ଭଳି ଅନେକ ନେତା ଜେଲ ଯାଇଥିଲେ । ତେଣୁ ଏହି ନେତାଙ୍କୁ ମଧ୍ୟ ସମ୍ମାନିତ କରିବେ ମୋହନ ସରକାର ।

ଜରୁରୀକାଳିନ ବନ୍ଦୀଙ୍କୁ ସରକାରୀ ସମ୍ମାନ ଦେବା ପାଇଁ ପୂର୍ବର ଅନେକ ବାର ଦାବି ହୋଇଛି । ଏପରିକି ଅନେକ ନେତା ବିଧାନସଭାରେ ଏହାକୁ ମଧ୍ୟ ଉଠାଇଛନ୍ତି । ହେଲେ, ନୂଆ ସରକାର ଏହାକୁ କାର୍ଯ୍ୟକାରୀ କରିବା ପାଇଁ ପ୍ରସ୍ତୁତ ହେଉଛନ୍ତି । ଜାନୁୟାରୀ ୨୬ ରେ ଏ ସଂକ୍ରାନ୍ତରେ ବଡ ଘୋଷଣା କରିପାରନ୍ତି ।