କନକ ବ୍ୟୁରୋ : ନ୍ୟାସନାଲ କନଫରେନ୍ସ ଓ କଂଗ୍ରେସକୁ ବିଜୟ ପାଇଁ ଶୁଭେଚ୍ଛା ଜଣାଇଲେ ମେହବୁବା ମୁଫତି । ଏହାସହ ଜମ୍ମୁକାଶ୍ମୀରର ଭୋଟର ଏକ ସ୍ଥିର ସରକାର ଗଠନ ଉଦ୍ଦେଶ୍ୟରେ ଭୋଟ ଦେଇଥିବାରୁ ସେମାନଙ୍କୁ ମଧ୍ୟ ମେହବୁବା ମୁଫତି ଧନ୍ୟବାଦ ଦେଇଛନ୍ତି । ୨୦୧୯ ପରେ ଜାମ୍ମୁକାଶ୍ମୀରବାସୀ ଅନେକ ଅସୁବିଧାରେ ସମ୍ମୁଖୀନ ହେଉଛନ୍ତି । ଏହାର ସମାଧାନ ପାଇଁ ଏକ ସ୍ଥିର ସରକାରର ଆବଶ୍ୟକତା ଥିଲା । ଏହାସହ ପିଡିପିର ସମର୍ଥକ ଓ ନେତାଙ୍କ ଉଦ୍ଦେଶ୍ୟରେ ଧନ୍ୟବାଦ ଦେଇ ମୁଫତି କହିଛନ୍ତି କି, ଯେଭଳି ଭୟଭୀତ ପରିବେଶ ଭିତରେ ସେମାନେ ଦଳକୁ ନିର୍ବାଚନୀ ମଇଦାନରେ ଠିଆ କରାଇଲେ ସେମାନଙ୍କୁ ମଧ୍ୟ ଧନ୍ୟବାଦ । ଜମ୍ମୁ-କାଶ୍ମୀରର ଭୋଟର ଯେଭଳି ଭାବେ ଏକ ସ୍ଥିର ସରକାର ପାଇଁ ଭୋଟ ଦେଇଛନ୍ତି ଏହା ବିଜେପିର ସବୁ ରାସ୍ତାକୁ ବନ୍ଦ କରିଦେଇଛି ।