ପଠାଣି ସାମନ୍ତ ପରୀକ୍ଷା ଆଡମିଟ କାର୍ଡରେ ତ୍ରୁଟିପୂର୍ଣ୍ଣ ଓଡ଼ିଆ

କନକ ବ୍ୟୁରୋ : ଆଡମିଟ୍ କାର୍ଡରେ ତ୍ରୁଟିପୂର୍ଣ୍ଣ ଓଡ଼ିଆ । ପଠାଣି ସାମନ୍ତ ପରୀକ୍ଷା ଆଡମିଟ କାର୍ଡରେ ଏପରି ତ୍ରୁଟି ଦେଖିବାକୁ ମିଳିଛି । ଏଥିରେ ଲେଖାଥିବା ଓଡ଼ିଆ ଠିକ୍‌ ଭାବେ ପଢ଼ି ହେଉନି କିମ୍ବା ବୁଝି ହେଉନି । ଆଜି ପରୀକ୍ଷା ହେବାର ଅଛି। ଆଡମିଟ୍ କାର୍ଡରେ କିପରି ଏପରି ଭୁଲ୍ ରହିଲା, ଆଉ କେମିତି କାହାର ନଜର ପଡ଼ିଲାନି, ତାହା ଏବେ ବଡ଼ ପ୍ରଶ୍ନ । ଆଡମିଟ୍ କାର୍ଡ଼ ଧରି ପରୀକ୍ଷା ହଲ୍‌କୁ ଯାଉଥିବା ପିଲାଏ କିପରି ଏହାକୁ ପଢ଼ିବେ, ଆଉ ଏଥିରେ ଥିବା ନିର୍ଦ୍ଦେଶାବଳିକୁ ବୁଝିବେ, ତାହା ସମସ୍ୟା ସୃଷ୍ଟି କରିଛି ।  

ପଠାଣି ସାମନ୍ତ ଗଣିତ ମେଧାବୃତ୍ତି ପରୀକ୍ଷା ପାଇଁ ପ୍ରବେଶ ପତ୍ର ସମ୍ବନ୍ଧରେ କିଛି ପ୍ରମୁଖ ସମସ୍ୟା ଦେଖାଦେଇଛି । ସରକାରୀ ନିୟମ ଅନୁଯାୟୀ, ଏହି ଆଡମିଟ୍ କାର୍ଡଗୁଡ଼ିକ କେବଳ ସ୍କୁଲ୍ କର୍ତ୍ତୃପକ୍ଷ କିମ୍ବା ବ୍ଲକ୍ ଶିକ୍ଷା ଅଧିକାରୀମାନେ BSE Odisha ର ଅଫିସିଆଲ୍ ପୋର୍ଟାଲ୍ ମାଧ୍ୟମରେ ଡାଉନଲୋଡ୍ କରିପାରିବେ, ଯେଉଁଥିପାଇଁ ଅନେକ ଛାତ୍ରଛାତ୍ରୀ ବ୍ୟକ୍ତିଗତ ଭାବେ ଏହାକୁ ପାଇବାରେ ଅସୁବିଧାର ସମ୍ମୁଖୀନ ହେଉଛନ୍ତି  ।

ଏହା ସହିତ,  ଡାଉନଲୋଡ ପରେ ଏଥିରେ ତ୍ରୁଟି ଦେଖାଯାଇଛି  ଯାହାକୁ ନେଇ ସମସ୍ତେ ଅସନ୍ତୋଷ ପ୍ରକାଶ କରିଛନ୍ତି ଏଫରି ହେଲେ କିପରି ପରୀକ୍ଷା ଦେବେ ତାହା  ପ୍ରଶ୍ନ ଉଠିଛି  ଏବଂ କିଛି ଆଡମିଟ୍ କାର୍ଡରେ ତ୍ରୁଟିପୂର୍ଣ୍ଣ ତଥ୍ୟ ଥିବା ଅଭିଯୋଗ ହୋଇଛି । ଯଦି କୌଣସି ପରୀକ୍ଷାର୍ଥୀଙ୍କ ପାଖରେ ଏପର୍ୟ୍ୟନ୍ତ ପ୍ରବେଶ ପତ୍ର ନାହିଁ, ତେବେ ସେମାନେ ତୁରନ୍ତ ନିଜ ସ୍କୁଲ୍ ପ୍ରଧାନଶିକ୍ଷକଙ୍କ ସହ ଯୋଗାଯୋଗ କରିବା ଉଚିତ୍, କାରଣ ଆଜି ସକାଳ ୧୦ରୁ ଅପରାହ୍ନ ୧ ପର୍ଯ୍ୟନ୍ତ ଏହି ପରୀକ୍ଷା ଅନୁଷ୍ଠିତ ହେଉଛି। ଯାତାୟାତ ସମସ୍ୟା କିମ୍ବା ଅନ୍ୟାନ୍ୟ ପ୍ରଶାସନିକ ବାଧାବିଘ୍ନ ସତ୍ତ୍ୱେ ବୋର୍ଡ ପକ୍ଷରୁ ପରୀକ୍ଷା ପରିଚାଳନା ପାଇଁ ସମସ୍ତ ବ୍ୟବସ୍ଥା କରାଯାଇଛି । 

 ଆହୁରି ପଢନ୍ତୁ ଆଜି ଠାରୁ ସଂସଦର ବଜେଟ୍ ଅଧିବେଶନ : ଦୁଇଟି ପର୍ଯ୍ୟାୟରେ ଏପ୍ରିଲ ୨ ତାରିଖ ପର୍ଯ୍ୟନ୍ତ ଚାଲିବ: