ହେରା ଫେରି ୩କୁ ଫେରିଲେ ପରେଶ ରାଓ୍ୱଲ

କନକ ବ୍ୟୁରୋ: ହେରା ଫେରି ୩ ଫ୍ୟାନ୍ସମାନଙ୍କ ପାଇଁ ଖୁସି ଖବର । ପରେଶ ରାଓ୍ୱଲ, ଯିଏକି ନିଜେ ହେରା ଫେରି ଫିଲ୍ମରୁ ବାହାରି ଯାଇଥିଲେ, ସେ ଏବେ ଏକ ଇଣ୍ଟରଭ୍ୟୁରେ କହିଛନ୍ତି ସେ ପୁଣି ଫିଲ୍ମକୁ ଫେରିଛନ୍ତି । ତାଙ୍କର ଆଉ ଅକ୍ଷୟ କୁମାରଙ୍କ ଭିତରେ ସବୁ ସମାଧାନ ହୋଇଯାଇଛି । ଏହି ଅବସରରେ ଫିଲ୍ମର ପ୍ରଯୋଜକ ଫିରୋଜ ନାଡିଆଡୱାଲାଙ୍କ ବୟାନ ମଧ୍ୟ ସାମ୍ନାକୁ ଆସିଛି । ସେ ସେହି ଲୋକଙ୍କ ନାମ ନେଇଥିଲେ ଯେଉଁମାନଙ୍କ ଯୋଗୁଁ ଦୁଇ ଅଭିନେତାଙ୍କ ମଧ୍ୟରେ ମିଳନ ସମ୍ଭବ ହୋଇପାରିଥିଲା ।

'ହେରା ଫେରି ୩'ର ପ୍ରଯୋଜକ ଫିରୋଜ ନାଡିଆଡୱାଲା ପିଙ୍କଭିଲା ସହିତ କଥାବାର୍ତ୍ତାରେ କହିଛନ୍ତି, 'ମୋ ଭାଇ ସାଜିଦ ନାଡିଆଡୱାଲା ଏବଂ ଅହମ୍ମଦ ଖାନଙ୍କ ପ୍ରେମ, ସମ୍ମାନ ଏବଂ ମାର୍ଗଦର୍ଶନ ଯୋଗୁଁ, ହେରା ଫେରି ପରିବାର ଏବେ ଏକାଠି ହୋଇଛି  । ସାଜିଦ ସବୁକିଛି ଠିକ୍ କରିବା ପାଇଁ ବହୁତ ଦିନ ଧରି ବହୁତ ସମୟ ଏବଂ ପ୍ରୟାସ କରିଥିଲେ । ଆମର ସମ୍ପର୍କ ୫୦ ବର୍ଷରୁ ଅଧିକ ପୁରୁଣା ।'

'ଅହମ୍ମଦ ଖାନ ମଧ୍ୟ ବ୍ୟକ୍ତିଗତ ସ୍ତରରେ ବହୁତ କଠିନ ପରିଶ୍ରମ କରିଥିଲେ । ସାଜିଦ ଏବଂ ଅହମ୍ମଦଙ୍କ ପ୍ରେମ ଏବଂ ମାର୍ଗଦର୍ଶନ ଯୋଗୁଁ, ଦଳ ଭିତରେ ଏବେ ସବୁକିଛି ସକାରାତ୍ମକ ହୋଇଥିଲା । ଏହା ସହିତ, ଅକ୍ଷୟ କୁମାରଙ୍କ ମଧ୍ୟ ବହୁତ ସମର୍ଥନ ରହିଥିଲା । ଏହି ସମ୍ପୂର୍ଣ୍ଣ ବିବାଦର ସମାଧାନ ସମୟରେ ସେ ବହୁତ ଦୟା ଏବଂ ସମ୍ମାନର ସହିତ ଉପସ୍ଥିତ ଥିଲେ । ପ୍ରିୟଦର୍ଶନ, ପରେଶ ରାୱଲ ଏବଂ ସୁନୀଲ ଶେଟ୍ଟୀ ମଧ୍ୟ ବହୁତ ସମର୍ଥନ କରିଥିଲେ । ଆମେ ଏବେ ଖୁସିରେ ଭଲ ଫିଲ୍ମ ତିଆରି କରିବାକୁ ଅପେକ୍ଷା କରିଛୁ ।'

ଫିରୋଜ ନାଡିଆଡୱାଲା ତାଙ୍କ ଆଲୋଚନାରେ 'ହେରା ଫେରି ୩'ର ସୁଟିଂ ବିଷୟରେ ମଧ୍ୟ ଏକ ଅପଡେଟ୍ ଦେଇଥିଲେ । ସେ କହିଥିଲେ, ଆମେ ସମସ୍ତେ ଏହି ଫିଲ୍ମକୁ ଆହୁରି ଭଲ କରିବା ପାଇଁ ବହୁତ ପରିଶ୍ରମ କରିବୁ । ଏବେ ଆମର ପରିବାର ଏକାଠି ହୋଇଛି ।' 'ହେରା ଫେରି ୩'ର ସୁଟିଂ ଏହି ବର୍ଷ ଶେଷ ସୁଦ୍ଧା ଆରମ୍ଭ ହେବ । ସେହି ସମୟରେ, 'ୱେଲକମ୍ ଟୁ ଦି ଜଙ୍ଗଲ' ଫିଲ୍ମଟି ମଧ୍ୟ ଫିରୋଜ ନାଡିଆଡୱାଲାଙ୍କ ଦ୍ୱାରା ପ୍ରଯୋଜିତ ହେଉଛି, ଯାହା ୨୦୨୫ ଖ୍ରୀଷ୍ଟମାସରେ ରିଲିଜ ହେବ ବୋଲି କୁହାଯାଉଛି ।

ଫିଲ୍ମର ୫୦% ରୁ ଅଧିକ ସୁଟିଂ ସରିଥିଲା, ଏହାର ଅଧା ବାକି ଥିଲା । କିନ୍ତୁ କୌଣସି କାରଣରୁ ଫିଲ୍ମଟି ମଝିରେ ଅଟକି ଯାଇଥିଲା । ଫିଲ୍ମର ନିର୍ଦ୍ଦେଶକ ଅହମ୍ମଦ ଖାନ କହିଥିଲେ ଯେ ଲୋକେସନ୍ ଯୋଗୁଁ ଫିଲ୍ମର ସୁଟିଂ ବନ୍ଦ କରାଯାଇଥିଲା । ଏବେ ଏହାର ପ୍ରଯୋଜକ ମଧ୍ୟ ଫିଲ୍ମର ସୁଟିଂ ଉପରେ ଏକ ବଡ଼ ଅପଡେଟ୍ ସେୟାର କରିଛନ୍ତି । ଫିରୋଜ ନାଡିଆଡୱାଲା କହିଛନ୍ତି, ଆମେ ଫିଲ୍ମ 'ୱେଲକମ୍ ଟୁ ଦି ଜଙ୍ଗଲ'କୁ ସମ୍ପୂର୍ଣ୍ଣ କରିବାକୁ ଚେଷ୍ଟା କରୁଛୁ । ଏହାର ଦୁଇଟି ସୁଟିଂ ସିଡ୍ୟୁଲ୍ ବାକି ଅଛି ଏବଂ ଆମେ ସେଗୁଡ଼ିକୁ ଶୀଘ୍ର ଆରମ୍ଭ କରିବାକୁ ଯାଉଛୁ ।'