କନକବ୍ୟୁରୋ : ରଥଯାତ୍ରା ବିଭ୍ରାଟ ନେଇ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ସୋସିଆଲ ମିଡ଼ିଆ ପୋଷ୍ଟ ର କଡା କାଉଣ୍ଟର ରଖିଲେ ପଞ୍ଚାୟତିରାଜ ମନ୍ତ୍ରୀ ରବି ନାୟକ । ପ୍ରତିକ୍ରିୟା ରଖି ମନ୍ତ୍ରୀ କହିଛନ୍ତି ନବୀନ ପଟ୍ଟନାୟକ ମୁମ୍ବାଇରେ  ରହି ସବୁ ଜାଣିଗଲେ । ପ୍ରଭୁ ଜଗନ୍ନାଥ ସେଠିକୁ ଯାଇ ତାଙ୍କୁ କହିଦେଲେ ବୋଧହୁଏ ମୁଁ ଯାଇ ପାରୁ ନାହିଁ ବୋଲି । ନବୀନ ପଟ୍ଟନାୟକ କଣ କରନ୍ତି ଲୋକେ ଜାଣିନାହାନ୍ତି ନା କଣ ? କେତେ ସମୟ ରଥଯାତ୍ରା ରେ ରୁହନ୍ତି ଲୋକେ କଣ ଜାଣି ନାହାନ୍ତି । କେଉଁ ପ୍ରକାର ଘଟଣା ପୂର୍ବରୁ ଘଟିଛି ଲୋକେ କଣ ଜାଣି ନାହାନ୍ତି କି ? ଲୋକେ ସବୁ ଜାଣିଛନ୍ତି  ।

Advertisment

ସୂଚନା ଅନୁଯାୟୀ ନବୀନ ପଟ୍ଟନାୟକ ଜଗନ୍ନାଥଙ୍କ କଥା କୁ ନେଇ  ରାଜନୀତି କରୁଛନ୍ତି । ଜଗନ୍ନାଥ ମହାପ୍ରଭୁଙ୍କ ଲୀଳା କୁ ନେଇ ରାଜନୀତି କରାଯାଏ ନାହିଁ  । ଚଳିତ ଥର କୌଣସି ପ୍ରକାର ଅଘଟଣ ଘଟି ନାହିଁ  ।  ରଥଯାତ୍ରା ବନ୍ଦ ହେବା ପରେ ମଧ୍ୟ ଭକ୍ତ ମାନଙ୍କର ଆବେଗ ଥିଲା  ।  ଲୋକେ ବଡ଼ ଦାଣ୍ଡ ରେ ସେମିତି ରହିଥିଲେ  ।  ଚଳିତ ବର୍ଷ ସମ୍ପୂର୍ଣ୍ଣ ଶାନ୍ତି ଶୃଙ୍ଖଳାର ସହ ରଥଯାତ୍ରା ଶେଷ ହୋଇଛି  ।  ଏ ନେଇ ବିରୋଧୀ ଦଳ ନେତା ନବୀନ ପଟ୍ଟନାୟକ ଉଦବେଗ ପ୍ରକାଶ କରି ଏକ୍ସ ହ୍ୟାଣ୍ତେଲ ରେ ପୋଷ୍ଟ କରିଛନ୍ତି ।

ସେ କହିଛନ୍ତି ଆମେ ଏଠାରେ କାହାକୁ ଦୋଷୀ କରୁ ନାହୁଁ କି ଅଯଥା ବିଳମ୍ବ ପାଇଁ କାହାକୁ ଦାୟୀ ମଧ୍ୟ କରୁ ନାହୁଁ , କିନ୍ତୁ ଆମ ରାଜ୍ୟର ସବୁଠାରୁ ପବିତ୍ର ଉତ୍ସବରେ ଘଟଣାଗୁଡ଼ିକ ଯେଉଁଭାବେ ଘଟିଲା, ତା’ ଉପରେ ଆମକୁ ଗଭୀର ଚିନ୍ତା ଓ ଦୁଃଖ ମଧ୍ୟ ଦେଇଛି । ସମାନ ଘଟଣା ବାରମ୍ବାର ମହାପ୍ରଭୁଙ୍କ ସହ ହେବ ଉଚିତ କଥା ନୁହେଁ । ଗତ ବର୍ଷ ଆଡ଼ପ ପହଣ୍ଡି ବେଳେ ବଡ଼ ଠାକୁର ବଳଭଦ୍ର ପଡ଼ି ଯାଇଥିଲେ । ଏହା ଅଗଣିତ ଭକ୍ତଙ୍କୁ ଆଘାତ ଦେଇଥିଲା । ଯାହାକୁ ଭୁଲିବା କଷ୍ଟକର । 

ଏବର୍ଷ, ଆମେ ଦେଖିଲୁ ନନ୍ଦିଘୋଷ ରଥ ସିଂହଦ୍ୱାର ନିକଟରେ ସନ୍ଧ୍ୟା  ପର୍ଯ୍ୟନ୍ତ ଅଟକି ରହିଥିଲା ।  ବିଶ୍ୱର ବିଭିନ୍ନ ପ୍ରାନ୍ତରୁ ଏହି ଅନନ୍ୟ ଉତ୍ସବ ଦେଖିବାକୁ ଆସିଥିବା ଲକ୍ଷ ଲକ୍ଷ ଭକ୍ତଙ୍କ ସମାଗମ ହୋଇଥାଏ , କିନ୍ତୁ ଏଭଳି ଘଟଣା ଘଟିବା ଦ୍ବାରା ଏହା ଭକ୍ତଙ୍କ ଭାବାବେଗକୁ ଗଭୀର ଆଘାତ ଦେଉଛି  ।  ଏହା ବିଶ୍ବରେ ମଧ୍ୟ ଖରାପ ହେଉଛି , ଆମ ମହାପ୍ରଭୁଙ୍କୁ ନେଇ ଏମିତି କରିବା ଠିକ ନୁହେଁ ।  

ଏହା ସମ୍ପୂର୍ଣ୍ଣ ଭାବେ ହତାଶ କରିଛି ।  ଭିଡ଼ ନିୟନ୍ତ୍ରଣ କରିବା ପ୍ରଶାସନର ଦାୟିତ୍ବ ଏହା ଉପରେ ମଧ୍ୟ ପ୍ରଶାସନ କଡା  ନଜର ରଖିବା ନିହାତି ଜରୁରୀ କିନ୍ତୁ ଏତେ ସୁରକ୍ଷା ପରେ ମଧ୍ୟ ଶତାଧିକ ଭକ୍ତ ଆହାତ ହେବା ମୋତେ ଗଭୀର କଷ୍ଟ ଦେଇଛି । ଏହି ଅବ୍ୟବସ୍ଥା ପାଇଁ ମହାପ୍ରଭୁ କ୍ଷମା ଦିଅନ୍ତୁ । ଏହିସବୁ ଆମ ମହାପ୍ରଭୁଙ୍କ ପାଇଁ ଶୁଭଙ୍କର ନୁହେଁ  । ଏଥିସହ ସେ  ପୋଷ୍ଟରେ ଉଲ୍ଲେଖ କରିଛନ୍ତି ଚକାଆଖି ସବୁ ଦେଖୁଛି