ସୀମାରେ ପୁଣି ପାକ୍ ଡ୍ରୋନ୍‌ ଠାବ

କନକ ବ୍ୟୁରୋ : ଜମ୍ମୁ-କାଶ୍ମୀର ସୀମାରେ ପୁଣି ଥରେ ଦେଖାଦେଇଛି ପାକିସ୍ତାନୀ ଡ୍ରୋନର କାରସାଦି । ଗତ ୫ ଦିନ ମଧ୍ୟରେ ଏହା ହେଉଛି ତୃତୀୟ ଘଟଣା ଯେଉଁଠାରେ ଭାରତ ଆକାଶରେ ସନ୍ଦିଗ୍ଧ ଡ୍ରୋନ୍ ଉଡୁଥିବାର ଦେଖାଯାଇଛି । ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଜାମ୍ମୁର କାନାଚାକ ସେକ୍ଟରରେ ଏକ ଡ୍ରୋନ୍ ପ୍ରବେଶ କରିଥିବା ସୁରକ୍ଷା ବଳ ଚିହ୍ନଟ କରିଛନ୍ତି । ସତର୍କ ଥିବା ବିଏସଏଫ ଯବାନମାନେ ଡ୍ରୋନକୁ ଦେଖିବା ମାତ୍ରେ ସେ ଦିଗକୁ ଗୁଳି ଚାଳନା କରିଥିଲେ, ଯାହା ପରେ ଡ୍ରୋନଟି ପୁଣି ପାକିସ୍ତାନ ସୀମାକୁ ଫେରିଯାଇଛି ।

Advertisment

ସୀମାରୁ ଅସ୍ତ୍ରଶସ୍ତ୍ର ଏବଂ ନିଶାଦ୍ରବ୍ୟ ପଠାଇବା ପାଇଁ ଶତ୍ରୁ ପକ୍ଷ ଏହି ଡ୍ରୋନର ସହାୟତା ନେଉଥିବା ସନ୍ଦେହ କରାଯାଉଛି । ଏହି ଘଟଣା ପରେ ସମଗ୍ର ସୀମାବର୍ତ୍ତୀ ଅଞ୍ଚଳରେ ହାଇ-ଆଲର୍ଟ ଜାରି କରାଯାଇଛି ଏବଂ ସେନା ପକ୍ଷରୁ ବ୍ୟାପକ ସର୍ଚ୍ଚ ଅପରେସନ ଜାରି ରହିଛି । ସ୍ଥାନୀୟ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି । ଭାରତୀୟ ସେନା ପକ୍ଷରୁ ସୀମାରେ ନିଘା ବଢ଼ାଇ ଦିଆଯାଇଛି ଯେପରି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନହୁଏ ।

ଅଧିକ ପଢ଼ନ୍ତୁ---ମରଣ ମୁହଁରୁ ସ୍ବଦେଶ ଫେରିଲେ ଭାରତୀୟ ; ବଖାଣିଲେ ଲୋମଟାଙ୍କୁରା କଥା

ପାକିସ୍ତାନ ଛାଡ଼ୁଛି ଡ୍ରୋନ୍‌ ,ସୀମାରେ ହାଇ-ଆଲର୍ଟ-

ଜମ୍ମୁ-କାଶ୍ମୀର ସୀମାରେ ପୁଣି ପାକିସ୍ତାନୀ ଡ୍ରୋନ୍‌ର ଅନୁପ୍ରବେଶ ଉଦ୍ୟମ
୫ ଦିନ ମଧ୍ୟରେ ୩ ଥର ସନ୍ଦିଗ୍ଧ ଡ୍ରୋନ୍ ଦେଖାଯିବା ପରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
କାନାଚାକ୍‌ ସେକ୍ଟରରେ ବିଳମ୍ବିତ ରାତିରେ ଡ୍ରୋନ୍‌କୁ ଠାବ କଲେ ଯବାନ
ବିଏସ୍‌ଏଫ୍‌ ପକ୍ଷରୁ ପ୍ରବଳ ଗୁଳିମାଡ଼ ଯୋଗୁଁ ପଛକୁ ହଟିଲା ଶତ୍ରୁ ପକ୍ଷର ଡ୍ରୋନ୍
ଅସ୍ତ୍ରଶସ୍ତ୍ର ଏବଂ ଡ୍ରଗ୍ସ ଚୋରାଚାଲାଣ ପାଇଁ ଡ୍ରୋନ୍‌ ବ୍ୟବହାର ହେଉଥିବା ଆଶଙ୍କା
ସୀମାବର୍ତ୍ତୀ ଗ୍ରାମଗୁଡ଼ିକରେ ସେନା ପକ୍ଷରୁ ଜୋରଦାର ସର୍ଚ୍ଚ ଅପରେସନ୍‌ ଜାରି
କୌଣସି ବିପଦର ମୁକାବିଲା ପାଇଁ ବାୟୁସେନା ଓ ସ୍ଥଳସେନା ସଜାଗ
ସନ୍ଦିଗ୍ଧ ଗତିବିଧି ଦେଖିଲେ ତୁରନ୍ତ ସ୍ଥାନୀୟ ପୁଲିସକୁ ଜଣାଇବାକୁ ପରାମର୍ଶ