ପହଲଗାମ ଆକ୍ରମଣ ପଛରେ ପାକ୍ ଲିଙ୍କ୍ । ଆକ୍ସନ ମୋଡରେ ଭାରତ ସରକାର, ସର୍ଜିକାଲ ଷ୍ଟ୍ରାଇକ୍ ପାଇଁ ପ୍ରସ୍ତୁତି

କନକ ବ୍ୟୁରୋ :   ପହଲଗାମରେ ଆତଙ୍କବାଦୀ ଆକ୍ରମଣ ପରେ ଆଲର୍ଟ ମୋଡରେ ଭାରତୀୟ ସେନା। ଆତଙ୍କବାଦୀଙ୍କୁ ନିପାତ କରିବାକୁ ପଣ କରିଛନ୍ତି ସେନା ଯବାନ । ଆଉ ଏଥିପାଇଁ ଚାଲିଛି କାଶ୍ମୀର ଘାଟିରେ ଅପରେସନ । କୁହାଯାଉଛି, ଦିଲ୍ଲୀରୁ ନିର୍ଦ୍ଦେଶ ମିଳିବା ମାତ୍ରେ ପାକିସ୍ତାନର ଭୌଗଳିକ ସ୍ଥିତିକୁ ବଦଳାଇବାକୁ ଅପେକ୍ଷା କରିଛନ୍ତି ସେନା ଯବାନ। ପିଓକେ ଓ ସୀମା ସେପାରି ପାକିସ୍ତାନରେ କେତୋଟି ଆତଙ୍କବାଦୀଙ୍କ ଆଡ୍ଡା ରହିଛି ତାହାର ହିସାବ ନିକାଶ କରି ସାରିଲାଣି ସେନା । 

ସେନା ଟାର୍ଗେଟରେ ଆତଙ୍କୀ କ୍ୟାମ୍ପ

• ପିଓକେରେ ଆତଙ୍କବାଦୀଙ୍କ ୪୨ଟି କ୍ୟାମ୍ପ ଚିହ୍ନଟ କରିଛି ସେନା
•  ଦିଲ୍ଲୀରୁ ନିର୍ଦ୍ଦେଶ ମିଳିବା ମାତ୍ରେ ଗୁପ୍ତ ଅପରେସନ ଜରିଆରେ ଏହାକୁ ଧ୍ବଂସ କରାଯିବ
•  ବାଲାକୋଟ ଏୟାରଷ୍ଟ୍ରାଇକ ଭଳି ଅପରେସନ କରିବାକୁ ଚାହୁଁଛି ସେନା
•  ୪୨ ଆତଙ୍କୀ ଆଡ୍ଡା ମଧ୍ୟରୁ ୧୦ଟି ନର୍ଥ ପୀର ପଞ୍ଜାଲ ରେଞ୍ଜରେ ରହିଛି
•  ୩୨ଟି ଆତଙ୍କୀ ଆଡ୍ଡା ସାଉଥ ପୀର ପଞ୍ଜାଲ ରେଞ୍ଜରେ ରହିଛି
•  ପିଓକେରେ ମୋଟ ୧୧୦ରୁ ୧୩୦ଟି ଆତଙ୍କୀ ଲଞ୍ଚ ପ୍ୟାଡ ରହିଛି 
•  ନର୍ଥ ପୀର ପଞ୍ଜାଳରେ ୩୦ରୁ ୩୫ ଆତଙ୍କୀ ଲଞ୍ଚ ପ୍ୟାଡ ରହିଛି
•  ପିଓକେରେ ସାଉଥ ପୀର ପଞ୍ଜାଲ ରେଞ୍ଜରେ ପ୍ରାୟ ୧୦୦ ଆତଙ୍କୀ ଲଞ୍ଚପ୍ୟାଡ ରହିଛି
•  ଏହି ଲଞ୍ଚପ୍ୟାଡ ଜରିଆରେ ଭାରତକୁ ଅନୁପ୍ରବେଶ କରିଥାନ୍ତି ଆତଙ୍କବାଦୀ