ଧାନ ମଣ୍ଡି ଖୋଲିଛି, ହେଲେ ଉଠୁନି ଧାନ; ବରଗଡ଼ ଜିଲ୍ଲାରେ ଧାନ କିଣାବିକା ଠପ୍

କନକ ବ୍ୟୁରୋ: ଓଡ଼ିଶାର ଭାତହାଣ୍ଡି ବରଗଡ଼ ଜିଲ୍ଲାରେ ଖୋଲିଛି ଧାନମଣ୍ଡି କିନ୍ତୁ କିଣା ବିକା ଠପ୍। ଖରିଫ ଋତୁ ପାଇଁ ଧାନକିଣା ବିକା ପ୍ରକ୍ରିୟା ଆରମ୍ଭରୁ ଅଚଳ ଅବସ୍ଥା। ପ୍ରଶାସନ ଓ ମିଲର୍ସଙ୍କ ଏପର୍ଯ୍ୟନ୍ତ ହୋଇପାରିନାହିଁ ଚୁକ୍ତିନାମା। ଫଳରେ ଧାନ କିଣା ବିକା ଠପ୍ ତୃତୀୟ ଦିନରେ ମଧ୍ୟ ଠପ୍ ହୋଇଛି। ଅନ୍ୟପଟେ ଟୋକନକୁ ନେଇ ବଢ଼ିଛି ଟେନସନ୍। ଆଉ ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଚାଷୀ। ଯାହାର ଧାନ ହୋଇସାରିଛି ତାହା ପାଖକୁ ଟୋକନ ଆସିନଥିବା ବେଳେ ଯାହାର ଧାନ ହୋଇନି ତାହା ପାଖକୁ ଟୋକନ୍ ଆସିଛି। କେମିତି ଧାନ ବିକ୍ରି କରିବେ ସେନେଇ ଚିନ୍ତାରେ ଚାଷୀ କୂଳ ଥିବା ବେଳେ ହଜାର ହଜାର ଧାନ ବସ୍ତା ମଣ୍ଡି ରେ ପଡ଼ିରହିଛି କେତେବେଳେ ପ୍ରଶାସନ ଧାନ କିଣିବେ ଅପେକ୍ଷାରେ ରହିଛି ଚାଷୀ । 

ଆହୁରି ପଢ଼ନ୍ତୁ : ଭାରତ ମୁହାଁ ବାତ୍ୟା ଡିଟ୍‌ୱା :  ତାମିଲନାଡୁ, ଆନ୍ଧ୍ରପ୍ରଦେଶ ଓ ପୁଡୁଚେରିରେ ପ୍ରବଳ ବର୍ଷା

ତେବେ ଚଳିତ ବର୍ଷ ଖରିଫ ଋତୁ ଧାନ ସଂଗ୍ରହରେ ୧ ଲକ୍ଷ ୬୩ ହଜାର ୭୨୭ ଜଣ ଚାଷୀ ପଞ୍ଜିକରଣ ହୋଇଥିବା ବେଳେ ଅନ୍ୟପଟେ ପାଞ୍ଚ ହଜାରରୁ ଅଧିକ ଚାଷୀ ପଞ୍ଜିକରଣରୁ ବାଦ୍ ପଡ଼ିଛନ୍ତି । ତେବେ ଚାଷୀଙ୍କୁ ୨୮ ତାରିଖ ପୂର୍ବରୁ ପଞ୍ଜିକରଣରେ ସାମିଲ କରିବାକୁ ପ୍ରତିଶ୍ରୁତି ଦିଆ ଯାଇଥିଲା ହେଲେ ଏଯାଏ କୌଣସି ପଦକ୍ଷେପ ନିଆଯାଇନାହିଁ ।