କନକ ବ୍ୟୁରୋ: ଆମେରିକାରେ ଇଂରାଜୀ ଭାଷା ଦକ୍ଷତା ପରୀକ୍ଷାରେ ଫେଲ୍ ହେବା ପରେ ୭ ହଜାରରୁ ଅଧିକ ଟ୍ରକ୍ ଡ୍ରାଇଭରଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି । ବାତିଲ ହୋଇଛି ସେମାନଙ୍କ ଲାଇସେନ୍ସ । ଏହି କଟକଣା ଯୋଗୁ ଭାରତୀୟ ବଂଶୋଦ୍ଭବ ଡ୍ରାଇଭରମାନେ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି । କିଛି ଦୁର୍ଘଟଣାକୁ ଦୃଷ୍ଟିରେ ରଖି ଟ୍ରମ୍ପ୍ ପ୍ରଶାସନ ୨୦୧୬ର ନିୟମକୁ ପରିବର୍ତ୍ତନ କରିଛି। 

Advertisment

ଆହୁରି ପଢ଼ନ୍ତୁ : ନୂଆପଡ଼ାରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ବିମାନ ଯାଞ୍ଚ : ଗତକାଲି ନୂଆପଡ଼ା ଗସ୍ତରେ ଥିଲେ ନବୀନ

ଟ୍ରକ୍ ଡ୍ରାଇଭରଙ୍କ ପାଇଁ ରାସ୍ତାରେ ଟ୍ରାଫିକ୍ ସଙ୍କେତ ପଢ଼ିବା ଏବଂ ସାଧାରଣ ଲୋକଙ୍କ ସହ ଯୋଗାଯୋଗ ପାଇଁ ଇଂରାଜୀ କହିବା, ବୁଝିବା ଅତ୍ୟନ୍ତ ଜରୁରୀ ବୋଲି ସ୍ପଷ୍ଟ କରାଯାଇଛି । ୨୦୧୬ ମସିହାରେ, ଓବାମା ପ୍ରଶାସନ ସମୟରେ ନିୟମ ଥିଲା ଯେ ନିରୀକ୍ଷକମାନେ କେବଳ ଭାଷା ଆଧାରରେ ଡ୍ରାଇଭରଙ୍କୁ ବହିଷ୍କାର କରିପାରିବେ ନାହିଁ । କିନ୍ତୁ ପରେ ଟ୍ରମ୍ପ ପ୍ରଶାସନ ଏହି ନିୟମକୁ ପ୍ରତ୍ୟାହାର କରିଛନ୍ତି। 

ଆହୁରି ପଢ଼ନ୍ତୁ : ସରକାରୀ କାର୍ଯ୍ୟାଳୟରେ ବୁଲା କୁକୁରଙ୍କୁ ଖାଇବା ଦେବା ମନା : ସୁପ୍ରିମକୋର୍ଟ

ପରିବହନ ସଚିବ ସିନ୍ ଡଫିଙ୍କ ଅନୁଯାୟୀ, ଅକ୍ଟୋବର ୨୦୨୫ ସୁଦ୍ଧା ୭ ହଜାର ୨୪୮ ଟ୍ରକ୍ ଡ୍ରାଇଭରଙ୍କୁ କାର୍ଯ୍ୟରୁ ବାହାର କରି ଦିଆଯାଇଛି। ଉତ୍ତର ଆମେରିକାର ପଞ୍ଜାବୀ ଟ୍ରକର୍ସ ଆସୋସିଏସନ୍ ଅନୁସାରେ, ଆମେରିକାରେ ପ୍ରାୟ ୧.୩ରୁ ୧.୫ ଲକ୍ଷ ପଞ୍ଜାବ ଓ ହରିୟାଣାର ଡ୍ରାଇଭର କାର୍ଯ୍ୟ କରୁଛନ୍ତି। ଆସୋସିଏସନର କହିବାନୁଯାୟୀ, ନୂଆ ଏବଂ କଡ଼ା ନିୟମ ଯୋଗୁ ହଜାର ହଜାର ଡ୍ରାଇଭରଙ୍କ ଉପରେ ଏହାର ପ୍ରଭାବ ପଡ଼ିଛି । ପ୍ରଶାସନ ଭାଷାକୁ ବାହାନା କରି ଡ୍ରାଇଭରଙ୍କୁ ବାହାର କରୁଛି ।