କନକ ବ୍ୟୁରୋ : ଓଟିଇଟି ପ୍ରଶ୍ନପତ୍ର ଲିକ୍ ଘଟଣାରେ ମିଳୁନି ପେନ୍ ଡ୍ରାଇଭ୍ ଓ ହାତ ଲେଖା । ପ୍ରଥମ ଦିନ ଜିତନ ମହାରଣା ଓ ବିଜୟ ମିଶ୍ର ଉଭୟଙ୍କୁ ଏନେଇ ଜେରା କରିଛି କ୍ରାଇମବ୍ରାଞ୍ଚ। ରିମାଣ୍ଡର ପ୍ରଥମ ଦିନରେ ଉଭୟଙ୍କୁ ଗୁଡ଼େଇ ତୁଡ଼େଇ ପ୍ରଶ୍ନ କରିଛି କ୍ରାଇମବ୍ରାଞ୍ଚର ତଦନ୍ତକାରୀ ଟିମ୍ । ଦୁଇ ଦିନିଆ ରିମାଣ୍ଡରେ ଅଛନ୍ତି ଉଭୟ ଜିତନ ଓ ବିଜୟ । ଆଜି ଦ୍ବିତୀୟ ଦିନରେ ଏନେଇ ଅଧିକ ଖୋଳତାଡ଼ କରିବ କ୍ରାଇମବ୍ରାଞ୍ଚ । ଏହା ଉପରେ ଆଉ କାହାର ଭୂମିକା ରହିଛି ସେନେଇ ତଦନ୍ତ ଚଳାଇଛି କ୍ରାଇମବ୍ରାଞ୍ଚ ଟିମ୍ । 

Advertisment

ତେବେ ଏହା ପୂର୍ବରୁ ଓଟିଇଟି ପ୍ରଶ୍ନପତ୍ର ଲିକ୍ ମାମଲାରେ ଗିରଫ ହୋଇ ଜେଲ ଯାଇଛନ୍ତି  ମାଧ୍ୟମିକ ଶିକ୍ଷା ପରିଷଦର ଉପସଭାପତି ନିହାର ମହାନ୍ତି । ମେଡିକାଲ ଟେଷ୍ଟ ପରେ ବୋର୍ଡ ଉପସଭାପତିଙ୍କୁ ମାଜିଷ୍ଟ୍ରେଟଙ୍କ ଘରେ ହାଜର କରାଯାଇଥିଲା  । ଏହାପରେ ତାଙ୍କୁ ଜେଲ୍ ପଠାଇ ଦିଆଯାଇଥିଲା । OTET ପ୍ରଶ୍ନପତ୍ର ଲିକ୍ ମାମଲାରେ ତାଙ୍କ ଉପରେ ଯେଉଁ ସନ୍ଦେହ ଥିଲା ତାହା ପ୍ରମାଣିତ ହେବା ପରେ କାର୍ଯ୍ୟାନୁଷ୍ଠାନ ହୋଇଥିଲା ।