ସମାକୋଇ-ଚକଦର ପ୍ରକଳ୍ପ ନିର୍ମାଣକୁ ବିରୋଧ ; ୧୨ ଘଣ୍ଟିଆ ତେଲକୋଇ ବନ୍ଦ ଡାକରା

କନକ ବ୍ୟୁରୋ: କେନ୍ଦୁଝର  ସମାକୋଇ ଚକଦର ପ୍ରକଳ୍ପକୁ କଡା ବିରୋଧ । ବିରୋଧ କରି ଆଜି ୧୨ ଘଣ୍ଟିଆ ତେଲକୋଇ ବନ୍ଦ ଡାକରା ଦିଆଯାଇଛି । ସକାଳ ୬ଟାରୁ ଆନ୍ଦୋଳନକାରୀମାନେ ପିକେଟିଂ କରିବା ସହ ୪୯ ନମ୍ବର ଏନ.ଏଚ୍ ଅବରୋଧ କରିଛନ୍ତି । 

ସେପଟେ କେନ୍ଦୁଝର କାଞ୍ଜିପାଣି-କୁନ୍ତଳା ପୂର୍ତ୍ତ ରାସ୍ତା ବାରବାଙ୍କ ଘାଟିରେ ଦୁର୍ଘଟଣା ଘଟିଛି । ଭାରସାମ୍ୟ ହରାଇ ଗଛରେ ପିଟି ହେଲା ପୁଲିସ ଗାଡ଼ି । ଦୁର୍ଘଟଣାରେ ୫ ଜଣ ପୁଲିସ କର୍ମଚାରୀ ଆହତ ହୋଇଛନ୍ତି । ସମସ୍ତ ଆହତଙ୍କୁ ତେଲକୋଇ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଛାଡ଼ି ଦିଆଯାଇଛି । ସମାକୋଇ-ଚକଦର ପ୍ରକଳ୍ପ ନିର୍ମାଣକୁ ବିରୋଧ କରି ଆଜି ୧୨ ଘଣ୍ଟିଆ ତେଲକୋଇ ବନ୍ଦ ଡାକରା ଦିଆଯାଇଥିବା ବେଳେ ଡ୍ୟୁଟି ପାଇଁ ଯାଉଥିଲେ ପୁଲିସ କର୍ମଚାରୀ । ଏହି ସମୟରେ ଗାଡ଼ଇ ଭାରସାମ୍ୟ ହରାଇ ଗଛରେ ପିଟି ହୋଇଯାଇଥିଲା । ତେବେ ଡ୍ରାଇଭରଙ୍କ ଉପସ୍ଥିତ ବୁଦ୍ଧି ପାଇଁ ଟଳିଛି ବଡ଼ ଦୁର୍ଘଟଣା ।