କନକ ବ୍ୟୁରୋ: ଅପରେସନ୍ ସିନ୍ଦୂର ସମୟରେ, ଭାରତର ତିନି ସେନା ପାକିସ୍ତାନ ଉପରେ ପ୍ରବଳ ଚାପ ପକାଇ ରଖିଥିଲା । ଏଭଳି ସମୟରେ ଭାରତୀୟ ବାୟୁସେନା ଏବଂ ସ୍ଥଳସେନା ବିମାନ ସାହାଯ୍ୟରେ ଆକ୍ରମଣ କରିବା ସହିତ ତୋପ ମାଡ଼ କରି ପାକିସ୍ତାନକୁ ଜବାବ ଦେଇଥିଲେ । ଖାଲି ସେତିକି ନୁହେଁ, ଭାରତୀୟ ନୌସେନା ମଧ୍ୟ ଆରବ ମହାସାଗରରେ ପାକିସ୍ତାନକୁ ସମ୍ପୂର୍ଣ୍ଣ ଭାବରେ ଅବରୋଧ କରି ରଖିଥିଲା । ଭାରତୀୟ ନୌସେନା ନିଶ୍ଚିତ କରିଥିଲା ଯେ, ପାକିସ୍ତାନ କୌଣସି ପରିସ୍ଥିତିରେ ମଧ୍ୟ ଯୁଦ୍ଧ ପାଇଁ ଆଗକୁ ବଢ଼ିପାରିବ ନାହିଁ । ଏନେଇ ସୂଚନା ଦେଇଛନ୍ତି ନୌସେନାର ଉପାଧ୍ୟକ୍ଷ ଭାଇସ୍ ଆଡମିରାଲ ତରୁଣ ସୋବତି । ସେ କହିଛନ୍ତି, ଭାରତୀୟ ନୌସେନା ପାକିସ୍ତାନୀ ସେନାକୁ ଆତଙ୍କିତ କରି ରଖିଥିଲା । ଏହାସହ INS ବିକ୍ରାନ୍ତରେ ନିୟୋଜିତ Mig-29k ବିମାନ ପାକିସ୍ତାନ ଉପରେ ଆକ୍ରମଣ କରିବାକୁ ମଧ୍ୟ ସମ୍ପୂର୍ଣ୍ଣ ପ୍ରସ୍ତୁତ ଥିଲା ।

Advertisment

INS ବିକ୍ରାନ୍ତ  ସହ Mig-29k ଥିଲା ପ୍ରସ୍ତୁତ 

ଜାଣିରଖିବା ଉଚିତ ଯେ, ଅପରେସନ ସିନ୍ଦୂର ସମୟରେ ତିନି ସେନା ବାହିନୀର ଏକ ମିଳିତ ସାମ୍ବାଦିକ ସମ୍ମିଳନୀରେ, ନୌସେନା ଅପରେସନର ମହାନିର୍ଦ୍ଦେଶକ ଭାଇସ୍ ଆଡମିରାଲ୍ ଏଏନ୍ ପ୍ରମୋଦ କହିଥିଲେ, ଯଦି ପାକିସ୍ତାନ କୌଣସି ପ୍ରକାରର କାର୍ଯ୍ୟାନୁଷ୍ଠାନ ନେବାକୁ ସାହସ କରେ, ତେବେ ଆମେ କ'ଣ କରିପାରିବୁ ତାହା ସେ ଜାଣେ । ଯୁଦ୍ଧ ସମୟରେ, ଆମେ ପାକିସ୍ତାନକୁ ପ୍ରତିରକ୍ଷା ସ୍ଥିତି ବଜାୟ ରଖିବାକୁ ବାଧ୍ୟ କରିଥିଲୁ । ଏହି ସମୟ ମଧ୍ୟରେ, ଆମେ ସମଗ୍ର ଆରବ ମହାସାଗର ଉପରେ ପ୍ରାଧାନ୍ୟ ବଜାୟ ରଖିଥିଲୁ ।

ଭାଇସ୍ ଆଡମିରାଲ୍ ସୋବତି କହିଛନ୍ତି ଯେ, ୯୬ ଘଣ୍ଟା ମଧ୍ୟରେ ଭାରତୀୟ ନୌସେନାର ସମସ୍ତ ଜାହାଜ ବନ୍ଦରକୁ ଆସିଯାଇଥିଲା ଏବଂ ସମସ୍ତ ଜାହାଜରେ ସମ୍ପୂର୍ଣ୍ଣ ଅସ୍ତ୍ରଶସ୍ତ୍ର ଲୋଡ୍ ହୋଇସାରିଥିଲା । ସେହି ସମୟରେ, ସମସ୍ତ ଯୁଦ୍ଧଜାହାଜ କାର୍ଯ୍ୟକ୍ଷମ ହୋଇଥିଲା ।  INS ବିକ୍ରାନ୍ତରେ 15ଟି MiG-29 ସମ୍ପୂର୍ଣ୍ଣ ପ୍ରସ୍ତୁତ ଥିଲେ । ଆଉ ସେମାନଙ୍କର ଗୋଟିଏ ଟାର୍ଗେଟ୍ ଥିଲା କୌଣସି ପରିସ୍ଥିତିରେ ଏକ ପ୍ରଭାବଶାଳୀ ସ୍ଥିତି ବଜାୟ ରଖିବା,  ଯାହାଦ୍ଵାରା କି ପାକିସ୍ତାନ ଆମର ବାଣିଜ୍ୟ ମାର୍ଗ, ଆମର ଅର୍ଥନୀତିର ଜୀବନରେଖା ଏବଂ ଆମ ଉପକୂଳକୁ କ୍ଷତି ପହଞ୍ଚାଇପାରିବ ନାହିଁ ।