ଫୋକସରେ ଅନୁସୂଚିତ ଜାତି-ଜନଜାତି ବର୍ଗ; କେମିତି ହେବ ସେମାନଙ୍କ ଆର୍ଥିକ, ସାଂସ୍କୃତିକ ଓ ସାମାଜିକ ବିକାଶ, ଓଡ଼ିଶାରେ ପ୍ରସ୍ତୁତ ହେଲା ବ୍ଲୁପ୍ରିଣ୍ଟ

କନକ ବ୍ୟୁରୋ : ଦୀର୍ଘ ୩୧ ବର୍ଷ ପରେ ଓଡ଼ିଶାରେ ଆୟୋଜିତ ହୋଇଛି ଜାତୀୟ ଜନଜାତି ସଂସଦୀୟ କମିଟିର ଦୁଇଦିନିଆ କର୍ମଶାଳା । ଅନେକ ରାଜ୍ୟର ପ୍ରତିନିଧି ସାମିଲ ହୋଇ ଅନୁସୂଚିତ ଜାତି-ଜନଜାତିଙ୍କ ସମସ୍ୟା ସମ୍ପର୍କରେ ମାରାଥନ ଆଲୋଚନା କରିଛନ୍ତି । ଆଗକୁ କେମିତି ସେମାନଙ୍କ ଆର୍ଥିକ, ସାଂସ୍କୃତିକ ଓ ସାମାଜିକ ବିକାଶ ହେବ, ସେ ନେଇ ଓଡ଼ିଶା ମାଟିରେ ବ୍ଲ୍ୟୁପ୍ରିଣ୍ଟ ପ୍ରସ୍ତୁତ ହୋଇଛି । ଲୋକସଭା ବାଚସ୍ପତି ଓମ ବିର୍ଲାଙ୍କଠୁ ଆରମ୍ଭ କରି ରାଜ୍ୟସଭା ଉପାଧ୍ୟକ୍ଷ ହରିବଂଶ ନାରାୟଣ ସିଂ ଅନେକ ପ୍ରସ୍ତାବ ରଖିଛନ୍ତି । ସେ କହିଛନ୍ତି, କାଗଜ କଲମରେ ବହୁ ଯୋଜନା ହେଉଛି । ହେଲେ ଏହାକୁ ଗ୍ରାଉଣ୍ଡରେ କାର୍ଯ୍ୟକାରୀ କରାଯିବ ଦରକାର । ଏଥିପାଇଁ ଚ୍ୟାଲେଞ୍ଜ ରହିଛି । ଲୋକସଭା ବାଚସ୍ପତି କହିଛନ୍ତି, ଏହି ସମ୍ମିଳନୀରେ ଯାହା ନିଷ୍କର୍ଷ ବାହାରିବ ତାହା ବି.ଆର. ଆମ୍ବେଦକରଙ୍କ ବିକଶିତ ଭାରତର ସ୍ୱପ୍ନ ପୂରଣ କରିବ ।

ଶୁକ୍ରବାର ଓ ଶନିବାର ଦୁଇଦିନ ଧରି ଆଦିବାସୀଙ୍କ ବିକାଶ ପାଇଁ ଅନେକ ପ୍ରସ୍ତାବ ଆସିଛି । ବିଭିନ୍ନ ରାଜ୍ୟର ପ୍ରତିନିଧି, ଲୋକସଭା ଓ ରାଜ୍ୟସଭାର ଏସସି-ଏସଟି କମିଟି ଅନେକ ପ୍ରସ୍ତାବ ରଖିଛନ୍ତି । ବଜେଟ ଅର୍ଥ କେମିତି ଖର୍ଚ୍ଚ ହେବ ତା ଉପରେ ଗୁରୁତ୍ୱ ଦିଆଯାଇଛି ।

ଆଲୋଚନାରେ ଅନୁସୂଚିତ ଜାତି ଓ ଜନଜାତି ଯେଭଳି ସରକାରୀ ଯୋଜନାର ଲାଭ ପାଇପାରିବେ ତା ଉପରେ ଗୁରୁତ୍ୱ ଦିଆଯାଇଛି । ପ୍ରଶ୍ନ ଉଠୁଛି, ଗ୍ରାଉଣ୍ଡରେ ଏହା କାର୍ଯ୍ୟକାରୀ ହେବ କେତେ ।