ପୁଣି ଥରେ ଶତ୍ରୁଦେଶକୁ ମାନବିକତା ଦେଖାଇଲା ଭାରତ, ତୱି ନଦୀରେ ଭୀଷଣ ବନ୍ୟା ଆଶଙ୍କା ନେଇ ପାକିସ୍ତାନକୁ ସତର୍କ କଲା ଭାରତ

କନକ ବ୍ୟୁରୋ : ଭାରତ ତୱି ନଦୀର ଜଳସ୍ତର ବୃଦ୍ଧି ପାଇବା ନେଇ ପାକିସ୍ତାନକୁ ସତର୍କ କରାଇଛି ।  ବୁଧବାର ନୂଆଦିଲ୍ଲୀରୁ ଜାରି ହୋଇଥିବା ସତର୍କତା ଅନୁଯାୟୀ, ଅନେକ ପ୍ରମୁଖ ଡ୍ୟାମରୁ ଅତିରିକ୍ତ ପାଣି ଛଡ଼ାଯାଇଛି, ଯାହା ଫଳରେ ପାକିସ୍ତାନର ଅଞ୍ଚଳଗୁଡ଼ିକ ମଧ୍ୟ ବନ୍ୟାର ଆଶଙ୍କାରେ ଅଛି । ମାନବିକତା ଦୃଷ୍ଟିରୁ ଭାରତ ଏହି ଚେତାବନୀ ପଠାଇଛି । ସୂତ୍ର ଅନୁସାରେ, ଭାରତ ସୋମବାର ପ୍ରଥମ ସତର୍କତା ଜାରି କରିଥିଲା । ଏହା ପରେ, ମଙ୍ଗଳବାର ଏବଂ ବୁଧବାର ପାକିସ୍ତାନକୁ ମଧ୍ୟ ନୂତନ ଚେତାବନୀ ପଠାଯାଇଥିଲା । ସତର୍କତାରେ କୁହାଯାଇଛି ଯେ ତାୱି ନଦୀରେ ବନ୍ୟା ଆସିବାର ବହୁ ସମ୍ଭାବନା ରହିଛି । ତାୱି ନଦୀ ହିମାଳୟରୁ ଉତ୍ପନ୍ନ ହୋଇ ଜମ୍ମୁ ଅଞ୍ଚଳ ଦେଇ ଯାଏ ଏବଂ ପାକିସ୍ତାନରେ ଚେନାବ ନଦୀରେ ମିଶିଥାଏ । ନିରନ୍ତର ବର୍ଷା ଯୋଗୁଁ, ଅନେକ ଡ୍ୟାମର ଗେଟ୍ ଖୋଲିବାକୁ ପଡିଲା, ଯାହା ଫଳରେ ଜଳସ୍ତର ଆହୁରି ବୃଦ୍ଧି ପାଇଛି ।