ଟ୍ରମ୍ପଙ୍କ ଭାରତର ମୃତ ଅର୍ଥନୀତି ବୟାନ ଉପରେ ଆରବିଆଇ ଗଭର୍ଣ୍ଣରଙ୍କ ଜବାବ, ଟାରିଫ୍ ପଡିବନି ବିଶେଷ ପ୍ରଭାବ

କନକ ବ୍ୟୁରୋ :  ଆମେରିକା ରାଷ୍ଟ୍ରପତିଙ୍କ ଭାରତ ଉପରେ  ଟାରିଫ ଲାଗୁ ଦେଶ ଉପରେ କ’ଣ ପ୍ରଭାବ ପକାଇବ ଏନେଇ ବିଭିନ୍ନ ଚର୍ଚ୍ଚା କରାଯାଉଛି । ଏହା ଭିତରେ ପ୍ରଥମଥର ପାଇଁ ପ୍ରତିକ୍ରିୟା ରଖିଛନ୍ତି ଆରବିଆଇ ଗଭର୍ଣ୍ଣର ସଞ୍ଜୟ ମାଲୋହୋତ୍ରା । ସଞ୍ଜୟ ମାଲହୋତ୍ରା କହିଛନ୍ତି ଆମେରିକାର ଶୁଳ୍କ ବୃଦ୍ଧି ଭାରତୀୟ ଅର୍ଥନୀତି ଉପରେ କୌଣସି ବଡ଼ ପ୍ରଭାବ ପକାଇବ ନାହିଁ । ଆମେରିକା ରାଷ୍ଟ୍ରପତି ଡୋନାଲ୍ଡ  ଟ୍ରମ୍ପଙ୍କ ଭାରତକୁ ଏକ ମୃତ ଅର୍ଥନୀତି ବୋଲି ମନ୍ତବ୍ୟ ଦେବାର କିଛି ଦିନ ପରେ ଭାରତୀୟ ସଂରକ୍ଷଣ ବ୍ୟାଙ୍କର ଗଭର୍ଣ୍ଣର ସଞ୍ଜୟ ମାଲହୋତ୍ରା ବୁଧବାର ଦିନ ଦୃଢ଼ୋକ୍ତି ପ୍ରକାଶ କରିଛନ୍ତି ଯେ ଭାରତୀୟ ଅର୍ଥନୀତି "ବହୁତ ଭଲ ପ୍ରଦର୍ଶନ କରୁଛି" ଏବଂ ଆମେରିକା ତୁଳନାରେ ବିଶ୍ୱ ଅଭିବୃଦ୍ଧିରେ ଅଧିକ ଅବଦାନ ଦେଉଛି।