ବିଦ୍ୟୁତ ଚୋରି ଅଭିଯୋଗରେ ବୃଦ୍ଧଙ୍କୁ ନିସ୍ତୁକ ମାଡ ମାରିଲେ ଟାଟା ପାୱାର କର୍ମଚାରୀ ; ଭାଇରାଲ ହେଲା ଭିଡିଓ

କନକ ବ୍ୟୁରୋ: ବିଦ୍ୟୁତ ଚୋରି ଅଭିଯୋଗରେ ବୃଦ୍ଧଙ୍କୁ ନିସ୍ତୁକ ମାଡ ମାରିଲେ ଟାଟା ପାୱାର କର୍ମଚାରୀ । ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଶେକସରାଇ ଗାଁର ସୁବଳ ଚନ୍ଦ୍ର ସାହୁଙ୍କୁ ବିଦ୍ୟୁତ ଚୋରି କରୁଥିବା ଅଭିଯୋଗରେ ମାଡ଼ । ମାଡ଼ ମାରୁଥିବା ସମୟର ଭିଜୁଆଲ ଏବେ ଭାଇରାଲ  ହେବାରେ ଲାଗିଛି । ଆଇନକୁ ହାତକୁ ନେଇ ବିଦ୍ୟୁତ ବିଭାଗ କର୍ମଚାରୀ କିଭଳି ଜଣେ ଉପଭୋକ୍ତାଙ୍କୁ ମାଡ଼ ମାରିଲେ ତୋହା ଏବେ ଚର୍ଚ୍ଚାର ବିଷୟ ହୋଇଛି । ବିଦ୍ୟୁତ ଚୋରି ଅଭିଯୋଗରେ ବୃଦ୍ଧଙ୍କ ଘରୁ ସଂଯୋଗ କାଟିବା ପାଇଁ ଯାଇଥିଲେ ଟାଟା ପାୱାର କର୍ମଚାରୀ । ପ୍ରତିବାଦ କରିବାରୁ ତାଙ୍କୁ ପ୍ରବଳ ମାଡ଼ ମାରିଥିବା ନେଇ ଅଭିଯୋଗ ଆସିଛି।  ବୃଦ୍ଧଙ୍କ ହାତରେ ଆଘାତ ହୋଇଥିବା ମଧ୍ୟ ଦେଖିବାକୁ ମିଳିଛି ।