କନକ ବ୍ୟୁରୋ: ଭୁବନେଶ୍ୱରର ମେଟ୍ରୋ ନେଇ ଦେଖାଦେଇଛି ଅନୁଶ୍ଚିତତା । ପ୍ରକଳ୍ପ ପାଇଁ ହୋଇଥିବା କଣ୍ଟ୍ରାକ୍ଟ ବାତିଲ କରିଛନ୍ତି ରାଜ୍ୟସରକାର। କାର୍ଯ୍ୟ ବିଳମ୍ବ ହେଉଥିବାରୁ ଠିକା ସଂସ୍ଥାର କଣ୍ଟ୍ରାକ୍ଟକୁ ବାତିଲ କରାଯାଇଛି । ଠିକା ସଂସ୍ଥା ସିଗାଲ ଇଣ୍ଡିଆ ଓ ରଞ୍ଜିତ ବିଲ୍ଡକନ୍‌ ସହ କଣ୍ଟ୍ରାକ୍ଟ ବାତିଲ ହୋଇଛି। କଣ୍ଟ୍ରାକ୍ଟ ବାତିଲ କଲା ଦିଲ୍ଲୀ ମେଟ୍ରୋ ରେଲ୍‌ କର୍ପୋରେସନ୍‌। ପ୍ରାୟ ୮ ମାସ ହେଲା ଭୁବନେଶ୍ବର ମେଟ୍ରୋ ପ୍ରକଳ୍ପ କାର୍ଯ୍ୟ ବନ୍ଦ ରହିଛି । ଭୁବନେଶ୍ବର ମେଟ୍ରୋ ପ୍ରକଳ୍ପର ନୂଆ ରୂପରେଖ ପ୍ରସ୍ତୁତ ପାଇଁ କମିଟି ହୋଇଛି । ଆନ୍ତଃମନ୍ତ୍ରିସ୍ତରୀୟ କମିଟି ଗଠନ ହୋଇଛି । କମିଟିର ଆଉ ଥରେ ବୈଠକ ହେବ, ହେଲା ପରେ ନୂଆ ରୂପରେଖ ଓ DPR ହେବ। ସେପଟେ ନଗର ଉନ୍ନୟନ ମନ୍ତ୍ରୀ କହିଛନ୍ତି ଖୁବ ଶିଘ୍ର ମେଟ୍ରୋ ନେଇ ଚୂଡାନ୍ତ ରୂପରେଖ ଆସିବ, ଆଉ କେନ୍ଦ୍ରର ସହଯୋଗ ଲୋଡ଼ା ଯିବ ।  

Advertisment

ସେପଟେ ଓଡ଼ିଶାରେ ମେଟ୍ରୋ ପ୍ରକଳ୍ପ ନେଇ କେନ୍ଦ୍ରକୁ ପ୍ରସ୍ତାବ ବର୍ତ୍ତମାମ ସୁଦ୍ଧା ଯାଇନି । ସଂସଦରେ ଏନେଇ ଉତ୍ତର ରଖିଛନ୍ତି ବିଭାଗୀୟ ମନ୍ତ୍ରୀ। କେନ୍ଦ୍ର ସରକାରଙ୍କ ପାଖକୁ ୧୭ ଟି ପ୍ରସ୍ତାବ ବିଭିନ୍ନ ରାଜ୍ୟରୁ ଆସିଛି। ପ୍ରକଳ୍ପ ପାଇଁ କେନ୍ଦ୍ର ସରକାର ମଧ୍ୟ ଦେଇଛନ୍ତି ଅନୁଦାନ। ଗତ ୧୬ ତାରିଖରେ ମେଟ୍ରୋ ପ୍ରକଳ୍ପ ନେଇ ସରକାରଙ୍କ ଦ୍ୱାରା ଉପ ମୁଖ୍ୟମନ୍ତ୍ରୀ କେ.ଭି ସିଂ ଦେଓ ଙ୍କ ଅଧ୍ୟକ୍ଷତାରେ ବସିଥିଲା ମନ୍ତ୍ରୀ ସ୍ତରୀୟ ବୈଠକ । ନୂଆ ଢାଞ୍ଚାରେ ମେଟ୍ରୋ ପ୍ରକଳ୍ପ ନେଇ ହୋଇଥିଲା ଆଲୋଚନା ହୋଇଥିଲା । ତେବେ ଏଠି ପ୍ରଶ୍ନ ଉଠୁଛି  ନୂଆ ଢାଞ୍ଚାରେ ମେଟ୍ରୋର ରୁଟ୍ କଣ ରହିବ ? କେବେ ସୁଦ୍ଧା ଆରମ୍ଭ କେବେ ସୁଦ୍ଧା ସରିବ ?  ରାଜଧାନୀରେ କେବେ ଗଡିବ ମେଟ୍ରୋ। ଲୋକଙ୍କ ମେଟ୍ରୋ ସ୍ବପ୍ନ କେବେ ପୂରଣ ହେବ ?