କନକ ବ୍ୟୁରୋ : ଇଣ୍ଡିଆନ ଚ୍ୟାମ୍ବର ଅଫ କମର୍ସ- ଆସିସି ଏବଂ ଲଘୁ ଉଦ୍ୟୋଗ ଭାରତୀ ପକ୍ଷରୁ 'ବିକଶିତ ଓଡ଼ିଶା ସମ୍ମିଳନୀ' । ଭୁବନେଶ୍ୱରର ଏକ ତାରକା ହୋଟେଲରେ ଓଡ଼ିଶାର ଅଭିବୃଦ୍ଧି ଇଞ୍ଜିନକୁ ସଶକ୍ତ କରିବା ଉପରେ ହୋଇଛି ଆଲୋଚନା ଚକ୍ର । ଉଦ୍‌ଘାଟନୀ କାର୍ଯ୍ୟକ୍ରମରେ ସ୍ୱତନ୍ତ୍ର ଅତିଥି ଭାବେ ଯୋଗ ଦେଇ ବିଜେପି ରାଜ୍ୟ ସଭାପତି ମନମୋହନ ସାମଲ, ସଂଗଠନର ମୁଖିଆ ଭାବେ ସରକାରଙ୍କ ଆଭିମୁଖ୍ୟକୁ ସ୍ପଷ୍ଟ କରିଦେଇଛନ୍ତି । ମୋହନ ସରକାରଙ୍କ ପ୍ରଭାବଶାଳୀ ମନ୍ତ୍ରୀମାନେ ଗୋଟି ଗୋଟି କରି ନିଜ ବିଭାଗର କାର୍ଯ୍ୟକ୍ରମକୁ ଉପସ୍ଥାପନ କରିଛନ୍ତି ।

ରାଜ୍ୟରେ ମୋଟ୍‌ ୩୮୬ଟି ଖଣିରୁ ୨୦୫ଟି କାର୍ଯ୍ୟକ୍ଷମ ରହିଛି । ଓଡ଼ିଶାରୁ ଉତ୍ତୋଳନ ହେଉଥିବା ଖଣିଜ କେବଳ ରପ୍ତାନୀ ହେବନି । ଅଧିକ ଶିଳ୍ପ ପ୍ରତିଷ୍ଠା କରି ରାଜ୍ୟରେ ହିଁ ବିନିଯୋଗ କରାଯିବ । ପୁଞ୍ଜିନିବେଶ ଆକୃଷ୍ଟ କରିବାରେ ସଫଳ ହୋଇଛୁ, ଏହାକୁ ବାସ୍ତବ ରୂପ ଦେବୁ । ସେମିକଣ୍ଡକ୍ଟର ହବ୍‌ ଓ ପେଟ୍ରୋ କେମିକାଲ ହବ୍‌ ହେବ ଓଡ଼ିଶା । ଆଗକୁ ଆନ୍‌ସିଲାରି ଓ ଡାଉନ୍‌ଷ୍ଟ୍ରିମ୍ ଶିଳ୍ପ ପ୍ରତିଷ୍ଠା କରି ନିଯୁକ୍ତି ବଢ଼ାଇବୁ ।

ପ୍ରାକୃତିକ ସମ୍ପଦର ପ୍ରାଚୁର୍ଯ୍ୟରେ ଭରା ଓଡ଼ିଶା । ଏଠାରେ ଥିବା ଯୁବଶକ୍ତିକୁ ଉପଯୋଗ କରି ବିକଶିତ ଓଡ଼ିଶା ଗଠନର ସ୍ୱପ୍ନକୁ ସାକାର କରିବା ପାଇଁ ସମୟସୀମା ସ୍ଥିର ହୋଇସାରିଛି । ଖାଦ୍ୟ ଉତ୍ପାଦନରେ ଆତ୍ମନିର୍ଭରଶୀଳ ହେବ ଓଡ଼ିଶା । ଯୁବ ଉଦ୍ୟୋଗୀଙ୍କୁ ଷ୍ଟାର୍ଟଅପ୍‌ ପ୍ରତିଷ୍ଠା ପାଇଁ ପ୍ରୋତ୍ସାହିତ କରାଯିବ । ରାଜ୍ୟରେ ୪୦% ସହରାଞ୍ଚଳ ପାଇଁ ଲକ୍ଷ୍ୟ ରଖାଯାଇଛି । ଖୁବଶୀଘ୍ର ୪ଟି ମ୍ୟୁନିସିପାଲିଟି ସହ ଏନ୍‌ଏସି ଘୋଷଣା ହେବ ।

ସରକାର ସ୍ଥିର କରିଥିବା ଲକ୍ଷ୍ୟ ହାସଲ ଦିଗରେ ଆସିସିର ପୂର୍ଣ୍ଣ ସହଯୋଗ ରହିବ ବୋଲି ପ୍ରତିଶ୍ରୁତି ଦେଇଛନ୍ତି ଅଧ୍ୟକ୍ଷ ରାଜୀବ ସାହୁ । ଲଘୁ ଉଦ୍ୟୋଗ ଭାରତୀର ସଭାପତି ଗୋପାଳ ଦାସ ଅଗ୍ରୱାଲ ମଧ୍ୟ ଅଲୋଚନାରେ ଭାଗ ନେଇଥିଲେ ।

'ବିକଶିତ ଓଡ଼ିଶା ସମ୍ମିଳନୀ’ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇ ପୂର୍ବର ବିଜେଡି ସରକାରକୁ ଟାର୍ଗେଟ୍ କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି, ପୂର୍ବ ସରକାର Mou କରି ଚୁପ୍ ବସିଥିଲେ । ପୁରୁଣା ସରକାର ଶିଳ୍ପକୁ ବାସ୍ତବତାରେ ପରିଣତ କରିପାରୁନଥିଲେ, କେବଳ ଆତ୍ମପ୍ରଚାର ଓ ବାହାବା ନେଉଥିଲେ ପୂର୍ବ ସରକାର । ହେଲେ ତାଙ୍କ ସରକାର ବିଭିନ୍ନ ଶିଳ୍ପକୁ ବାସ୍ତବ ରୂପ ଦେଇଛନ୍ତି । ଭୁବନେଶ୍ୱର ରିଂରୋଡ ନେଇ ନିଷ୍ପତ୍ତି ନେଇଛନ୍ତି ।

ବ୍ରହ୍ମପୁରୁରୁ ଜୟପୁର ୬ ଲେନ୍ ରୋଡ କରିବାକୁ ଲକ୍ଷ୍ୟ ରହିଛି । ବୟନ ଶିଳ୍ପ କ୍ଷେତ୍ରରେ ରାଜ୍ୟରେ ୭୮୦୦ କୋଟି ନିବେଶ ହେବ, ଯେଉଁଥିରେ ୫୩, ୫୦୦ ଲୋକଙ୍କୁ ନିଯୁକ୍ତି  ସୃଷ୍ଟି ହେବା । ଓଡ଼ିଶାରେ ଶିଳ୍ପର ଗତି ବଢିବା । ସିଙ୍ଗଲ ୱିଣ୍ଡୋ clearabce ରେ ଶିଳ୍ପ ପାଇଁ ସମସ୍ତ ସୁବିଧା ଯୋଗାଇ ଦିଆଯିବ ବଡ଼ ଶିଳ୍ପ ସହ ଲଘୁ ଉଦ୍ୟୋଗକୁ ରାଜ୍ୟ ସରକାର ସମାନ ଭାବରେ ଧ୍ୟାନ ଦେଉଛନ୍ତି । ଏ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଉତ୍କର୍ଷ ଓଡ଼ିଶା ମାଧ୍ୟମରେ ତାଙ୍କ ସରକାର ୧୩ ଲକ୍ଷ  କୋଟି ପୁଞ୍ଜି ନିବେଶ ପାଇଁ mou କରିଛନ୍ତି । ଯେଉଁଥିରେ ଲକ୍ଷ ଲକ୍ଷ କୋଟି ମୂଲ୍ୟର ପ୍ରକଳ୍ପର ଗ୍ରାଉଣ୍ଡ ବ୍ରେକିଂ ହୋଇସାରିଛି । ୧ ଲକ୍ଷ୍ୟ ୧୦ ହଜାର ନିଯୁକ୍ତି ସୃଷ୍ଟି ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।