ଜାତୀୟ ଦୁଃସାହସିକ ମହୋତ୍ସବରେ ‘ଆସା’ ସଫଳ

କନକ ବ୍ୟୁରୋ: ଦୁଃସାହସିକ କ୍ରୀଡ଼ା ସହ ପର୍ବତାରୋହଣର ପ୍ରଚାରପ୍ରସାର କ୍ଷେତ୍ରରେ କାର୍ଯ୍ୟ କରିଆସୁଥିବା ସଂଗଠନ ‘ଆସା’ର ୭ଜଣିଆ ଦଳ ଚଣ୍ଡିଗଡ଼ଠାରେ ଚଳିତ ମାସ ୨ରୁ ୧୦ ତାରିଖ ପର୍ଯ୍ୟନ୍ତ ଆୟୋଜିତ ଜାତୀୟ ଦୁଃସାହସିକ ମହୋତ୍ସବରେ ସଫଳତାର ସହ ଅଂଶଗ୍ରହଣ କରି ଓଡ଼ିଶା ଫେରିଛି । ଏହି ଅବସରରେ ଦଳର ସଦସ୍ୟମାନେ ସୋଲାଙ୍ଗ ଭ୍ୟାଲିରେ ଆୟୋଜିତ ସ୍କି ଏବଂ ଟ୍ରେକିଂ କାର୍ଯ୍ୟକ୍ରମରେ ଯୋଗଦେଇଥିଲେ ।  ଟି. ମମତା ଶ୍ରେଷ୍ଠ ପ୍ରଦର୍ଶନକାରୀ ଏବଂ ଶିବଦତ୍ତ ବକ୍ସି ଶ୍ରେଷ୍ଠ ଅଧିନାୟକ ବିବେଚିତ ହୋଇଥିଲେ । ଅନ୍ୟମାନଙ୍କ ମଧ୍ୟରେ ଅନିଲ ସେନାପତି, ପ୍ରଶାନ୍ତ ଭଞ୍ଜ, କିଶୋର ରାଉତ, ବାଲକୃଷ୍ଣ ଆର ପ୍ରମୁଖ ନୂତନ ଅଭିଜ୍ଞତା ଆହରଣ କରିଥିଲେ । ସଭାପତି ଲେପ୍ଟନାଣ୍ଟ କର୍ଣ୍ଣେଲ ଏନ. ମହାନ୍ତି, ଉପସଭାପତି ଅଶୋକ କୁମାର ମହାନ୍ତି, ଏଭରେଷ୍ଟର୍‌ ଗ‌ଣେଶ ଜେନା, ସଂପାଦକ ଶକ୍ତି ମହାନ୍ତି, ଉପସଭାପତି ବିକ୍ରମ ଦାସ, କୋଷାଧ୍ୟକ୍ଷ କ୍ଷିରୋଦ ଷଣ୍ଢ ପ୍ରମୁଖ ‘ଆସା’ ଦଳର ଏହି ସଫଳତା ଲାଗି ଶୁଭକାମନା ଜ୍ଞାପନ କରିଛନ୍ତି ।