ଭିଜିଲାନ୍ସ ଜାଲରେ ଡାକ୍ତର, ଗର୍ଭବତୀଙ୍କଠାରୁ ୬ ହଜାର ଟଙ୍କା ନେଉଥିଲେ ଲାଞ୍ଚ..

କନକ ବ୍ୟୁରୋ : ଭିଜିଲାନ୍ସ ଜାଲରେ ଲାଞ୍ଚୁଆ ଡାକ୍ତର । ୬ ହଜାର ଟଙ୍କା ଲାଞ୍ଚ ନେଉଥିବା ବେଳେ ମାଡ଼ି ବସିଲେ ଭିଜିଲାନ୍ସ ଅଧିକାରୀ । କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ ସ୍ତ୍ରୀ ଓ ପ୍ରସୂତି ବିଭାଗ ଡାକ୍ତର ଅଶୋକ ଦାଶଙ୍କୁ ଧରିଛି ଭିଜିଲାନ୍ସ। ସେ ଜଣେ ଗର୍ଭବତୀଙ୍କ ଠାରୁ ୬ ହଜାର ଟଙ୍କା ଲାଞ୍ଚ ନେଉଥିଲେ ।

ଏହି ସମୟରେ ଭିଜିଲାନ୍ସ ତାଙ୍କୁ ମାଡ଼ି ବସିଥିଲା । ତାଙ୍କଠାରୁ ୬ ହଜାର ଟଙ୍କା ଜବତ କରାଯାଇଛି । ଏହାପରେ ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ସନ୍ଦେହରେ ଭିଜିଲାନ୍ସ, ଡାକ୍ତର ଅଶୋକ ଦାଶଙ୍କର ୪ଟି ଠିକଣାରେ ଚଢାଉ କରିଛି । କୋରାପୁଟ ଭିଜିଲାନ୍ସରେ ମଧ୍ୟ ଏକ ମାମଲା ରୁଜୁ ହୋଇଛି । ଗୋଟିଏ ଦିନରେ ଏହା ହେଉଛି ଭିଜିଲାନ୍ସର ତୃତୀୟ କାର୍ଯ୍ୟାନୁଷ୍ଠାନ ।