ଖୁବଶୀଘ୍ର ମୋହନ ସରକାରଙ୍କ 'ମିସନ ପାୱାର'; ୨୦୨୭ ସୁଦ୍ଧା ସବୁ ଗାଁକୁ ପହଁଚିବ ବିଦ୍ୟୁତ, ପାଣି ଓ ରାସ୍ତା

କନକ ବ୍ୟୁରୋ : ସରକାରଙ୍କ ଫୋକସରେ ଗ୍ରାମ୍ୟ ବିକାଶ । ୨୦୨୭ ଡିସେମ୍ବର ସୁଦ୍ଧା ସବୁ ଗାଁକୁ ରାସ୍ତା, ପାନୀୟଜଳ ଯୋଗାଣ ଓ ବିଦ୍ୟୁତ ସଂଯୋଗ ଲକ୍ଷ୍ୟ । ଏଥିପାଇଁ ଆରମ୍ଭ ହେବାକୁ ଯାଉଛି ରାଜ୍ୟ ସରକାରଙ୍କ ନୂଆ ପଦକ୍ଷେପ 'ମିସନ ପାୱାର' । ପାୱାରର ଅର୍ଥ ହେଉଛି ବିଦ୍ୟୁତ ଯୋଗାଣ, ଜଳଯୋଗାଣ ଓ ରାସ୍ତା ସଂଯୋଗୀକରଣ । ଏହି କାର୍ଯ୍ୟକ୍ରମ ମିଶନ ମୋଡ୍‌ରେ କରାଯିବ । ଏଥିପାଇଁ ସଂକଳ୍ପ ଚିଠା ଖୋଦ ମୁଖ୍ୟମନ୍ତ୍ରୀଙ୍କ ଦ୍ଵାରା ପ୍ରସ୍ତୁତ କରାଯାଇଛି । ସବୁ ବିଭାଗକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ, ଖସଡା ପ୍ରସ୍ତୁତ କରି ସମୟ ସୀମା ଭିତରେ ସାରିବାକୁ ଟାର୍ଗେଟ ଦିଆଯାଇଛି । ଓଡିଶାର ବହୁତ ଗାଁକୁ ରାସ୍ତା ସଂଯୋଗୀକରଣ ହୋଇପାରିନି, ଯାହା ଦ୍ୱାରା ଗାଁକୁ ଆମ୍ବୁଲାନ୍ସ ଯାଇପାରୁନି । ପୂର୍ବରୁ ଅନେକ ସମୟ ଦିଆଯାଇଥିଲେ ମଧ୍ୟ ଏପର୍ଯ୍ୟନ୍ତ କାମ ସରିନାହିଁ । 

ଅଧିକ ପଢ଼ନ୍ତୁ--ମହିଳା କ୍ରିକେଟ୍ ଦଳକୁ ଭେଟିଲେ ପ୍ରଧାନମନ୍ତ୍ରୀ, ନିଜ ବାସଭବନରେ ବିଶ୍ବବିଜୟିନୀଙ୍କୁ ଭେଟିଲେ ଆଉ କଲେ ପ୍ରଶଂସା

ଓଡ଼ିଶାର ଲକ୍ଷ ଲକ୍ଷ ପରିବାର  ବିଦ୍ୟୁତ ସଂଯୋଗରୁ ବଞ୍ଚିତ ଅଛନ୍ତି । ସେହିପରି ବହୁତ ଗାଁକୁ ପାନୀୟ ଜଳ ପହଞ୍ଚିପାରିନାହିଁ ବୋଲି ନୋଟ୍‌ସିଟରେ ଉଲ୍ଲେଖ କରିଛନ୍ତି ମୁଖ୍ୟମନ୍ତ୍ରୀ। 'ମିସନ ପାୱାର'କୁ ମିଶନ ମୋଡ୍‌ରେ କରିବାକୁ ଆସନ୍ତା ୧୦ତାରିଖରେ ବଡ ବୈଠକ ଡାକିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ଏହି ବୈଠକରେ କାଯ୍ୟକାରୀ ସମ୍ପର୍କରେ ବିସ୍ତୃତ ଆଲୋଚନା ହେବ ।