ଓଡ଼ିଆ ଇଞ୍ଜିନିଅରଙ୍କ କମାଲ୍ ; ଭାରତୀୟ ସେନାରେ ଲାଗିବ ଓଡ଼ିଶା ଡ୍ରୋନ୍

କନକ ବ୍ୟୁରୋ : ସେନାବାହିନୀରେ ପ୍ରୟୋଗ ହେବ ଓଡ଼ିଆ ଇଞ୍ଜିନିୟର ମାନଙ୍କ ସ୍ବଦେଶୀ ଜ୍ଞାନ କୌଶଳରେ ପ୍ରସ୍ତୁତ ଡ୍ରୋନ୍ । ଓଡିଶାରେ ଅବସ୍ଥାପିତ ଷ୍ଟାର୍ଟଅପ୍ ‘ବୋନ ଭି ଏରୋ’ର ଓଡ଼ିଆ ଇଞ୍ଜିନିଅର ମାନେ ଏହାକୁ ପ୍ରସ୍ତୁତ କରିଛନ୍ତି । ସି.ଭି. ରମଣ ଗ୍ଲୋବାଲ ୟୁନିଭର୍ସିଟି କ୍ୟାମ୍ପସରେ ଆୟୋଜିତ ଏକ କାର୍ଯ୍ୟକ୍ରମରେ ଭାରତର ପ୍ରଥମ ଫୁଲି ଅଟୋନୋମସ ଲଜିଷ୍ଟିକ୍ସ ଡ୍ରୋନ୍ ଏୟାର ଓର୍କାର ଔପଚାରିକ ଭାବେ ଶୁଭାରମ୍ଭ ହୋଇଛି । 

ଭାରତରେ ଉଭୟ ବେସାମରିକ ଓ ପ୍ରତିରକ୍ଷା ଶକ୍ତି ବୃଦ୍ଧି କରିବାକୁ ଲକ୍ଷ୍ୟ ରଖିଛି ବୋନ୍ ଭି । ଏହାକୁ ହିମାଳୟ ସମେତ ଭୂ-ଭାଗରେ ପ୍ରାୟ ୨୦ ହଜାର ଫୁଟ୍ ଉଚ୍ଚତାରେ ସେନାର ଲଜିଷ୍ଟିକ୍ସ ଅପରେଶନ ପାଇଁ ବ୍ୟବହାର କରାଯାଇ ପାରିବ । ବୋନ ଭି ଏରୋ ହେଉଛି ପ୍ରଥମ ଭାରତୀୟ କମ୍ପାନୀ ଯିଏ ୧୯ ହଜାର ଫୁଟ ଉଚ୍ଚତାରେ ସବୁଠାରୁ ଉଚ୍ଚତମ ମୋଟରେବଲ ରୋଡ଼ ପାସ, ଲଦାଖର ଉମଲିଙ୍ଗ ଲା’ ଠାରେ ୩୦ କିଲୋ ପେଲୋଡ୍ ଉଠାଇ ବିଶ୍ୱ ରେକର୍ଡ ସ୍ଥାପନ କରିଛି ।