ଓଡିଶାକୁ ମିଳିଲା ଆୟୁଷ୍ମାନ

କନକ ବ୍ୟୁରୋ: ଓଡିଶାକୁ ଆସିଲା ଆୟୁଷ୍ମାନ । ଆଜି ଦିଲ୍ଲୀରେ ଏ ନେଇ କେନ୍ଦ୍ର ଓ ରାଜ୍ୟ ମଧ୍ୟରେ ଏମଓୟୁ ସ୍ବାକ୍ଷରିତ ହୋଇଛି । ଆସନ୍ତା ମାସରୁ ଏହା ରାଜ୍ୟରେ କାର୍ଯ୍ୟକାରୀ ହେବ । ନୂଆକାର୍ଡ ଦେବେ ସରକାର । ଦେଶର ୩୦ ହଜାର ହସପିଟାଲରେ ହିତାଧିକାରୀ ୫ରୁ ୧୦ ଲକ୍ଷ ଟଙ୍କା ଯାଏଁ କ୍ୟାସଲେସ ସୁବିଧା ପାଇବେ । ବଡ କଥା ହେଲା, ଚିକିତ୍ସାବେଳେ କୌଣସି ଦେୟ ଦେବାକୁ ପଡିବ ନାହିଁ ବୋଲି ସରକାର ସ୍ପଷ୍ଟ କରିଛନ୍ତି ।

Advertisment

ଓଡିଶାକୁ ମିଳିଲା ଆୟୁଷ୍ମାନ
ଆସନ୍ତା ମାସରୁ ଲୋକେ ପାଇବେ ସୁବିଧା

ସ୍ୱାସ୍ଥ୍ୟସେବା କ୍ଷେତ୍ରରେ ଆଜି ଆଉ ପାଦେ ଆଗେଇଛି ଓଡିଶା । ରାଜ୍ୟରେ ଖୁବଶୀଘ୍ର ଲାଗୁହେବ ଆୟୁଷ୍ମାନ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା । ଏଥିପାଇଁ ଦିଲ୍ଲୀର ବିଜ୍ଞାନ ଭବନରେ କେନ୍ଦ୍ର ଓ ରାଜ୍ୟ ମଧ୍ୟରେ ବୁଝାମଣାପତ୍ର ସ୍ୱାକ୍ଷରିତ ହୋଇଛି । ମୁଖ୍ୟମନ୍ତ୍ରୀ ମୋହନ ମାଝି, କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେ.ପି ନଡ୍ଡା , ୩ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ ଓ ଅଶ୍ୱିନୀ ବୈଷ୍ଣବଙ୍କ ଉପସ୍ଥିତିରେ ଏହି ଏମଓୟୁ ହୋଇଛି । ରାଜ୍ୟରେ ଆସନ୍ତା ଫେବ୍ରୁଆରୀ ମାସରୁ ଆୟୁଷ୍ମାନ ଯୋଜନାର ସେବା ଉପଲବ୍ଧ ହେବ । ଓଡିଶାରେ ବିଜୁ ସ୍ୱାସ୍ଥ୍ୟ କାର୍ଡର ନୂଆ ନାଁ ଗୋପବନ୍ଧୁ ଜନ ଆରୋଗ୍ୟ ଯୋଜନା ସହ ଆୟୁଷ୍ମାନ ଯୋଜନା ଲାଗୁ ହେବ ।

ଆୟୁଷ୍ମାନରେ କି ସୁବିଧା ମିଳିବ?

୧.୩ କୋଟି ପରିବାରର ସାଢେ ୩ କୋଟି ଲୋକ ଉପକୃତ ହେବେ
ଗୋପବନ୍ଧୁ ଜନ ଆରୋଗ୍ୟ ଯୋଜନା ସହ ଆୟୁଷ୍ମାନ ଭାରତ ଗୋଟିଏ କାର୍ଡରେ ମିଳିବ
ଦେଶର ୩୦ ହଜାର ହସ୍ପିଟାଲରେ ମିଳିବ ଚିକିତ୍ସା ସୁବିଧା
୫ରୁ ୧୦ ଲକ୍ଷ ଯାଏଁ ମାଗଣା ଚିକିତ୍ସା ସୁବିଧା
ମହିଳାଙ୍କୁ ୧୦ ଲକ୍ଷ ଯାଏଁ ସୁବିଧା
ପୁରୁଣା କାର୍ଡ ହଟାଇଦିଆଯାଇ ନୂଆ କାର୍ଡ ଦିଆଯିବ
ଲୋଗୋ ବି ପରିବର୍ତ୍ତନ ହେବ

ଏମିତି ଦେଖାଯିବ ନୂଆ ଆୟୁଷ୍ମାନ କାର୍ଡ । ଏଥିରେ ଆୟୁଷ୍ମାନ, ଓଡିଶା ସରକାର ଓ ଗୋପବନ୍ଧୁ ଜନ ଆରୋଗ୍ୟ ଯୋଜନାର ଲୋଗୋ ରହିବ । ତା ସହିତ ହିତାଧିକାରୀଙ୍କ ନାଁ ଓ ଠିକଣା ବି ସ୍ଥାନ ପାଇବ । ତେବେ ଆୟୁଷ୍ମାନ କାର୍ଡକୁ ନେଇ ଯେଉଁ କିଛି ଦ୍ୱନ୍ଦ୍ୱ ଉଠିଥିଲା ତାକୁ ଦୂର କରିଛନ୍ତି ସରକାର । ଏହି କାର୍ଡ ମାଧ୍ୟମରେ ତାଲିକାଭୁକ୍ତ ଡାକ୍ତରଖାନାରେ କୌଣସି ପ୍ରକାରର ଦେୟ କିମ୍ବା ଜମାରାଶି ଦେବାକୁ ପଡିବ ନାହିଁ । ଅର୍ଥାତ ହିତାଧିକାରୀ କ୍ୟାସଲେସ ସୁବିଧା ପାଇବେ ।