ବିଦେଶିନୀଙ୍କ ମୁହଁରେ ଓଡ଼ିଆ ଭାଷା : ବିଭିନ୍ନ ପର୍ଯ୍ୟଟନ ସ୍ଥଳର ବିକାଶ ପାଇଁ ଜିଲ୍ଲାପାଳଙ୍କୁ କଲେ ଅନୁରୋଧ

କନକବ୍ୟୁରୋ : ବିଦେଶିନୀଙ୍କ ମୁହଁରେ ଓଡ଼ିଆ ଭାଷା। ପର୍ଯ୍ୟଟନସ୍ଥଳୀର  ମାନ୍ୟତା ପାଇଥିବା ବଲାଙ୍ଗୀର ଜିଲ୍ଲାର ଭୀମ ପାହାଡ଼ ବୁଲି ଦେଖିଛନ୍ତି ଜର୍ମାନର ପ୍ରତ୍ନତତ୍ୱବିତ ପ୍ରଫେସର  ।  ଭାରତ ଗସ୍ତରେ ଆସିଥିବା ଜର୍ମାନୀ ବାସିନ୍ଦା ଆୟର ଲାଣ୍ଡ ୟୁନଭରସିଟିର ପ୍ରତ୍ନତ୍ୱତବିତ ପ୍ରଫେସର ଡ. ଲିଡ଼ିଆ ଗୁଜି ଓ ତାଙ୍କ ସ୍ଵାମୀ ନିକୋଲାସ ଭୀମ ପାହାଡ ବୁଲି ଦେଇଛନ୍ତି  । 

ପାହାଡରେ ଥିବା ୬୪ ଗୁମ୍ଫା ସହ ଆଦିମ ଯୁଗର ଅସ୍ତ୍ରଶସ୍ତ୍ର ଥିବା ଦେଖି ସେମାନେ ଚମତ୍କୃତ ହୋଇଛନ୍ତି  । ଏହା କେଉଁ ଯୁଗର ଗବେଷଣା କରିବାକୁ ଭାରତର ସରକାରଙ୍କୁ  ଅନୁରୋଧ କରିବେ ବୋଲି ଡକ୍ଟର ଲିଡିଆ ଗୁଜି କହିଛନ୍ତି  । ପାହାଡ଼ ବୁଲି ଦେଖିବା ପରେ ନିକଟସ୍ଥ କୁମୁରିଆ ଗାଁକୁ ଯାଇ କନ୍ଧ ଆଦିବାସୀଙ୍କୁ  ଜୀବନଶୈଳୀ  ଓ ଶୁଲିଆ ଯାତ୍ରା ସଂପର୍କରେ ପଚାରି ବୁଝିଥିଲେ  ।  ଏହାପରେ ଜିଲ୍ଲାପାଲଙ୍କୁ ଭେଟି ରାଣିପୁର ଝରିଏଲ, ହରିଶଙ୍କର, ଚାନ୍ଦଲି ପାହାଡ଼,  ଭୀମ ପାହାଡ଼ ଓ ସୁଲିଆପୀଠର ବିକାଶ ପାଇଁ ଅନୁରୋଧ କରିଥିଲେ  ।