‘ ୨୫ ତାରିଖ ଆମ ପାଇଁ ବହୁତ ଗୁରୁତ୍ୱପୂର୍ଣ୍ଣ ; ବାତ୍ୟା ନେଇ ସତର୍କ କଲେ ମନ୍ତ୍ରୀ ସୁରେଶ ପୂଜାରୀ

କନକ ବ୍ୟୁରୋ: ସକାଳ ୫.୩୦ ରେ ସମ୍ଭାବ୍ୟ ବାତ୍ୟା ଅବପାତରେ ପରିଣତ ହୋଇଛି  । ବାତ୍ୟା ଧାମରା କ୍ରମେ ପାରାଦ୍ୱୀପ ଓ ପୁରୀ ଦେଇ ସମୁଦ୍ରକୁ ଯିବ ଅନୁମାନ କରାଯାଉଛି । ପାରାଦ୍ୱୀପ ଠାରୁ ୭୩୦ କିମି ଦୂରରେ ଅଛି ବାତ୍ୟା  । ଫଳରେ ୧୧୦ କିମି ବେଗରେ ପବନ ବହିପାରେ  । ଏଥିପାଇଁ ଜିଲ୍ଲା ପ୍ରଶାସନ ସହ ସମ୍ପର୍କରେ ଅଛନ୍ତି ସରକାର  । ୨୫୦ ରିଲିଫ ସେଣ୍ଟର ଗ୍ରାଉଣ୍ଡ ଜିରୋରେ ତଦାରଖ ସରିଛି  । ଆଶ୍ରୟସ୍ଥଳୀ ବାହାରେ ୫୦୦ ରୁ ଅଧିକ ଟେମ୍ପୋରାରୀ ଆଶ୍ରୟସ୍ଥଳୀ ପ୍ରସ୍ତୁତ  । ସ୍ଥାନାନ୍ତରିତ ହେବାକୁ ଥିବା ଲୋକଙ୍କ ଚିକିତ୍ସା, ରନ୍ଧା ଖାଦ୍ୟ, ଗର୍ଭବତୀ ମହିଳାଙ୍କ ତାଲିକା ସ୍ୱାସ୍ଥ୍ୟ ବିଭାଗ ପ୍ରସ୍ତୁତ କରିଛି ।

୨୫ ତାରିଖ ସକାଳକୁ ସବୁଠୁ ଗୁରୁତ୍ତ୍ୱପୂର୍ଣ୍ଣ ଦିନ ବୋଲି କହିଛନ୍ତି ମନ୍ତ୍ରୀ ସୁରେଶ ପୂଜାରୀ । ଡାକବାଜି ଯନ୍ତ୍ରରେ ସଚେତନ କରାଯାଉଛି  । ପୋଲିସ ପାଟ୍ରୋଲିଙ୍ଗ ହେବ  । ଅବପାତ ପାଇଁ ଗ୍ରାଉଣ୍ଡ ଜିରୋ ରେ ସମସ୍ତ ପ୍ରସ୍ତୁତି ସରିଛି  । ପଲିଥିନ ଆବଶ୍ୟକ ହେଲେ ସବୁ ଜିଲ୍ଲା ରେ ପଲିଥିନ ଗଛିତ କରାଯାଇଛି  । ସବୁ ବନ୍ଦର ର କୁ ରେଡ ଆଲର୍ଟ ଜାରି  । ବାତ୍ୟାର ଦିଗ ବଦଳିଲେ ମୁକାବିଲା ପାଇଁ ସରକାର ପ୍ରସ୍ତୁତି କରିଛନ୍ତି  । ୯ ଟି ଜିଲ୍ଲାରେ ରେଡ୍ ଆଲର୍ଟ ଓ ବାକି ଜିଲ୍ଲା ଅରେଞ୍ଜ ୱାର୍ଣ୍ଣିଙ୍ଗ ଜାରି ହୋଇଛି ।  ଯେଉଁମାନେ ବିଗତ ବାତ୍ୟା ସମୟରେ ଜିଲ୍ଲାପାଳ, ଏଡିଏମ୍ ଓ ବିଡ଼ିଓ ଭାବେ କାର୍ୟ୍ୟ କରିଛନ୍ତି ତାଲିକା ପ୍ରସ୍ତୁତ କରାଯାଉଛି ଯେଉଁ ବିଭାଗ ରେ ଥିବେ ସେଠୁ ଆଣି ଭିନ୍ନ ଭିନ୍ନ ଜିଲ୍ଲା କୁ ଯିବେ  । ରେଡ୍ ଜୋନ୍ ଜିଲ୍ଲା ପାରାଦ୍ୱୀପ ଠାରୁ ପୁରୀ ଓ ପାର୍ଶ୍ଵବର୍ତ୍ତୀ ଜିଲ୍ଲାକୁ ଏନଡିଆରଏଫ୍ ଟିମ ବାହାରିସାରିଲେଣି  । ରିଲିଫ ସେଣ୍ଟରରେ ପାୱାର ସପ୍ଲାଇ ପାଇଁ ପ୍ରସ୍ତୁତି ସରିଛି  । ବାତ୍ୟା ସମୟ ରେ ହେବାକୁ ଥିବା ଲୋକାଲ ପରୀକ୍ଷା ସବୁ ବାତିଲ କରାଯିବ ।