କନକବ୍ୟୁରୋ : ଉପରାଷ୍ଟ୍ରପତି ନିର୍ବାଚନ ପାଇଁ ଖୁବ୍‌ଶୀଘ୍ର ବିଜ୍ଞପ୍ତି ଜାରି ହେବ । ଏହା ମଧ୍ୟରେ ପରବର୍ତ୍ତୀ ଉପରାଷ୍ଟ୍ରପତି ପଦବୀ ପାଇଁ ବିଭିନ୍ନ ନାଁ ଚର୍ଚ୍ଚାକୁ ଆସିଛି । ବିହାର ବିଧାନସଭା ନିର୍ବାଚନ ଦୃଷ୍ଟିରୁ ଶାସକ ବିଜେପି ଜଣେ ଦଳିତ ତଥା ପଛୁଆବର୍ଗର ବିହାରୀ ବ୍ୟକ୍ତିଙ୍କୁ ମନୋନୀତ କରିବାର ଯଥେଷ୍ଟ ସମ୍ଭାବନା ରହିଛି , କିଏ ହେବେ ପରବର୍ତ୍ତି ଉପରାଷ୍ଟ୍ରପତି ।

Advertisment

ଜଗଦୀପ ଧନଖଡଙ୍କ ଇସ୍ତଫା ପରେ ଚର୍ଚ୍ଚା ଜୋର ଧରିଛି । ସୂଚନା ଅନୁସାରେ, ଏନଡିଏ ଧନଖଡ଼ଙ୍କ ଉତ୍ତରାଧିକାରୀ ଭାବରେ ପଛୁଆବର୍ଗ ଶ୍ରେଣୀର ଯେକୌଣସି ପ୍ରାର୍ଥୀଙ୍କୁ ପ୍ରାର୍ଥୀ କରିବାର ବିକଳ୍ପ ଉପରେ ବିଚାର କରୁଛି । ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ, ଅନେକ ଏନଡିଏ ସାଂସଦ କହିଛନ୍ତି, ଶାସକ ମେଣ୍ଟ ଦଳର ପଛୁଆବର୍ଗ ସମ୍ପ୍ରଦାୟର ପ୍ରାର୍ଥୀଙ୍କୁ ଗୁରୁତ୍ବ ଦେବ । 

ଉପରାଷ୍ଟ୍ରପତି ରେସ୍‌ରେ ୪ ଚେହେରା
ପ୍ରଥମ -- ଦିଲ୍ଲୀର ଉପରାଜ୍ୟପାଳ ଭିକେ ସକ୍ସେନା ନୂତନ ଭୂମିକା ପାଇଁ ବିଚାର କରାଯାଉଛି। ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ସକ୍ସେନାଙ୍କୁ ଏକ ବଡ଼ ଦାୟିତ୍ୱ ମିଳିପାରେ ।

ଦ୍ବିତୀୟ - -ସରକାର ଦ୍ୱାରା ବିଶ୍ୱସ୍ତ ଜନତା ଦଳ ୟୁନାଇଟେଡ୍ ସାଂସଦ, ରାଜ୍ୟସଭା ଉପାଧ୍ୟକ୍ଷ ହରିବଂଶ ନାରାୟଣ ସିଂହଙ୍କ ନାମ ଆଲୋଚନା ହେଉଛି। ଜଣେ ବିଜେପି ନେତା ନାମ ଗୋପନ ରଖି କହିଛନ୍ତି, ଦଳ ଏପରି ଜଣଙ୍କୁ ବାଛିବ ଯିଏ ବିବାଦୀୟ ହୋଇନଥିବେ

ତୃତୀୟ -- କୃଷି ରାଷ୍ଟ୍ରମନ୍ତ୍ରୀ ଏବଂ ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଭାରତ ରତ୍ନ କର୍ପୂରୀ ଠାକୁରଙ୍କ ପୁଅ ରାମନାଥ ଠାକୁର ମଧ୍ୟ ଚର୍ଚ୍ଚାରେ ଆଗରେ। ବିହାର ବିଧାନସଭା ର୍ପୂବରୁ ରାମନାଥ ଠାକୁରଙ୍କ ନାଁ ଘୋଷଣା ବିଜେପି-ଜେଡିୟୁ ଭୋଟ ବ୍ୟାଙ୍କ ପାଇଁ ଆର୍ଶୀବାଦ ସାଜିପାରେ 

ଚତୁର୍ଥ –ମନୋଜ ସିହ୍ନା, ଜାମ୍ମୁ ଏବଂ କାଶ୍ମୀରର ଲେଫ୍ଟନାଣ୍ଟ ଗଭର୍ଣ୍ଣର । ଧାରା ୩୭୦ ଉଚ୍ଛେଦ ପରେ ଜମ୍ମୁ ଏବଂ କାଶ୍ମୀରର ସବୁଠାରୁ ଅଶାନ୍ତ ସମୟରେ ରାଜ୍ୟ ପରିଚାଳନା ପାଇଁ ମନୋଜ ସିହ୍ନାଙ୍କୁ ଅନେକ ଥର ପ୍ରଶଂସା କରାଯାଇଛି। ରାଜନୈତିକ ବିଷ୍ଲେଷକ ବିଶ୍ୱାସ କରନ୍ତି ମନୋଜ ସିହ୍ନାଙ୍କ ଭଲ କାମ ପାଇଁ ତାଙ୍କୁ ପଦୋନ୍ନତି ଦିଆଯାଇପାରେ