କନକବ୍ୟୁରୋ : ଧସିଲା ବୈତରଣୀ ନଦୀ ବନ୍ଧ , ନୂଆପାଟଣା ଗାଁ ନିଜାମପୁର ପଂଚାୟତରେ ନିର୍ମାଣଧୀନ ପୋଲ ନିକଟରେ ୨୦ରୁ ୩୦ ଫୁଟ ଆଡି ବନ୍ଧ ଧସିଥିବା ସୂଚନା ମିଳିଛି । ଜଳସମ୍ପଦ ଅଧିକାରୀ ଏବଂ ଆରଏଣ୍ଡବି ବିଭାଗ ଅଧିକାରୀ ଉପସ୍ଥିତ ଅଛନ୍ତି, ନଦୀରେ ବନ୍ୟା ଜଳ ବୃଦ୍ଧି ପାଉଥିବାରୁ ଆତଙ୍କିତ ଅବସ୍ଥାରେ ସ୍ଥାନୀୟ ଲୋକେ ଅଛନ୍ତି । ରାତିରେ ବାଲି ବସ୍ତା ପକାଇ ଘାଇ ମରାମତି କରିବାକୁ ଚେଷ୍ଟା କରାଯାଇଛି । ଅତିରିକ୍ତ ଜିଲ୍ଲାପାଳ ଶିବାନନ୍ଦ ସ୍ୱାଇଁ ।
ଅତିରିକ୍ତ ତହସିଲଦାର ରଶ୍ମିରଂଜନ ମଲିକ, ମଙ୍ଗଳପୁର ଆଇଆଇସି ଜଗଦୀଶ କର ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ପୁଣି ଫୁଲୁଛି ବୈତରଣୀ । ଆଖୁଆପଦା ନିକଟରେ ବିପଦ ସଂକେତ ଉପରେ ପ୍ରଭାବିତ ହେଉଛି ଜଳସ୍ତର । ବିପଦ ସଂକେତ ୧୮ଦଶମିକ ୩୩ମିଟର ଥିବା ବେଳେ ଏବେ ୧୮ ଦଶମିକ ୦୫ମିଟର ଉପରେ ପ୍ରବାହିତ ହେଉଛି ବୈତରଣୀ । ଲଗାଣ ବର୍ଷା ଫଳରେ ଜଳସ୍ତର ବଢୁଥିବା ବେଳେ ନଦୀକୂଳିଆ ଲୋକ ଭୟଭୀତ ହୋଇଛନ୍ତି ।
ବ୍ରାହ୍ମଣୀ ନଦୀରେ ହଠାତ ବଢିଗଲା ଜଳ ସ୍ତର । ଫସିଗଲେ ଚେଳି ଚରାଳୀ । ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ବୁଢ଼ୀବିଲି ଭଏରପୁର ଗାଁ ନିଟକରେ ବ୍ରହ୍ମଣୀ ନଦୀରେ ହଠାତ ଜଳ ସ୍ତର ବଢି ଯିବାରୁ ନଦୀ ଆର ପାଖକୁ ଗାଈ, ମେଣ୍ଢା, ଛେଳି ଚରାଇବାକୁ ଯାଇଥିବା ଲୋକେ ନଦୀ ଭିତରେ ଫସିକି ରହିଯାଇଥିଲେ । ନଦୀ ଆର ପଟରୁ ଫେରିଲା ବେଳକୁ ହଠାତ ନଦୀର ଜଳସ୍ତର ବଢିଯିବାରୁ ମଝି ନଦୀରେ ଥିବା ଏକ ଟାପୁରେ ଫସିକି ରହିଥିଲେ । ଲୋକମାନେ ଦେଖିବା ପରେ କାମାକ୍ଷାନଗର ଓ ଭୁବନରୁ ଅଗ୍ନିଶମ ବାହିନୀ ଆସି ସନ୍ଧ୍ୟା ପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ପ୍ରବଳ ବର୍ଷାରେ ବେହାଲ ବାରିପଦା ସହର ।
ଘରେ ଘରେ ବର୍ଷା ପାଣି ଲହଡ଼ି ଭାଙ୍ଗୁଥିବା ବେଳେ ରାସ୍ତା ଘାଟ ବୁଡି ପାଣି ଆଣ୍ଠୁଏ। ସହରରେ ଡ୍ରେନେଜ୍ ସମସ୍ୟା ପାଇଁ ପ୍ରତିବର୍ଷ ଏମିତି ଶୃଷ୍ଟି ହେଉଛି କୃତ୍ରିମ ବନ୍ୟା । ବାରିପଦା ସହରର ୩,୨୩,୧୭,୯,୧୪,୧୫ ଆଦି ୱାର୍ଡ ର ଏକାଧିକ ଲୋକଙ୍କ ଘରେ ପସିଲା ପାଣି, ଲୋକେ ହନ୍ତସନ୍ତ । ସେପଟେ ବର୍ଷା ଯୋଗୁ ବାଲେଶ୍ବରରେ ମଧ୍ୟ ବନ୍ୟା ସ୍ଥିତି ଦେଖିବାକୁ ମିଳିଛି । ରାସ୍ତା ଉପରେ ପାଣି ଚାଲିଥିବା ବେଳେ ଘରେ ପାଣି ପଶିଯିବାରୁ ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ।