କନକ ବ୍ୟୁରୋ: ଠେଲାଗାଡ଼ି, ସେଥିରେ ଫିଟିଙ୍ଗ୍ ହୋଇଛି ଆଖୁରସ କାଢ଼ୁଥିବା ମୋଟର ମେସିନ୍ । ପାଖରେ ପୋତା ହୋଇଛି ଛାଇ ପାଇଁ ଛତା ।  ସେଥିରେ ଟଙ୍କା ହୋଇଛି ୩୫ରୁ ୪୦ ମେଡାଲ ।  ମନରେ ପ୍ରଶ୍ନ ଆସୁଥିବ, ଏ ଯୁବକ ଜଣକ ଏମିତି ମେଡାଲ ସବୁ କୋହିଁକି ଟାଙ୍ଗିଛନ୍ତି ? 

Advertisment

ଏ ଯୁବକ ଜଣକ ହେଉଛନ୍ତି ବିହାରର ଦୀପକ କୁମାର, ବୟସ ୨୨ , ଜଣେ ଜାତୀୟ ସ୍ତରର ଖେଳାଳି । ହେଲେ ଆଜି ସେ ଆଖୁରସ ବିକି ପେଟ ପୋଷୁଛନ୍ତି । ପୁଣି ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ । ତାଙ୍କ ଷ୍ଟଲକୁ ଯିଏ ଆଖୁରସ ପିଇବାକୁ ଅସନ୍ତି ଘଡ଼ିଏ ରହି ମେଡାଲଗୁଡ଼ିକୁ ଦେଖନ୍ତି । ଆଉ ଦୀପକଙ୍କୁ ଏ  ବିଷୟରେ ପଚାରି ତାଙ୍କ ସଂଘର୍ଷ କଥା ଶୁଣି ଦୁଃଖ କରନ୍ତି ।

ଦୀପକ କୁହନ୍ତି, ନାଗାଲାଣ୍ଡ ଅନୁଷ୍ଠାନର ଜାତୀୟ ସ୍ତରୀୟ ଦୌଡ଼ ପ୍ରତିଯୋଗିତାରେ ସେ ୬୦୦୦ ମିଟର ଦୌଡ଼ରେ  ରୌପ୍ୟପଦକ ଜିତିଥିଲେ । ୨୦୨୩ରେ ମଧ୍ୟ ୮ କିଲୋମିଟର ରେସରେ ସିଲଭର ମେଡାଲ ଜିତଛନ୍ତି ।  ନିଜ ରାଜ୍ୟରେ ଜାତୀୟ ସ୍ତରରେ ପ୍ରତିନିଧିତ୍ବ କରି ୧୬ଟି ସ୍ବର୍ଣ୍ଣ ପଦକ ମଧ୍ୟ ଜିତିଛନ୍ତି । ଏପରି ସେ ୩୫ରୁ ଅଧିକ ପଦକ ଜିତିଛନ୍ତି । ଶିକ୍ଷାଗତ ଯୋଗ୍ୟତାରେ ବି ଆଗୁଆ । ଗୁରୁ ନାନକ ୟୁନିଭର୍ସିଟିରୁ ଗ୍ରାଜୁଏସନ୍ କରିଛନ୍ତି ଦୀପକ ।

ମାଳ ମାଳ ଖେଳ ସାର୍ଟିଫିକେଟ୍, ମେଡାଲ , ପାଠପଢ଼ାର ସାର୍ଟିଫିକେଟ୍ ନେଇ ନେତା ମନ୍ତ୍ରୀଙ୍କ ପାଖକୁ ଯାଇଛନ୍ତି, ସହାୟତା ପାଇଁ ଗୁହାରି କରିଛନ୍ତି, ଅନେକ ଚାକିରି ପାଇଁ ମଧ୍ୟ ଆବେଦନ କରିଝଛନ୍ତି  କିନ୍ତୁ କିଛି ଲାଭ ହୋଇନି। ଶେଷରେ ପେଟ ପୋଷିବାକୁ ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନାରେ ପକାଇଛନ୍ତି ଆଖୁରସ ଷ୍ଟଲ । ଦୀପକଙ୍କ ମନରେ ଖୁବ୍ କ୍ଷୋଭ । ତାଙ୍କ ମନରେ ପ୍ରଶ୍ନ, ଏ ଦେଶରେ ଖେଳକୁ ମାର୍ଯ୍ୟାଦା କେବେ? ସୁଯୋଗ କେବେ?