ସମ୍ଭାବ୍ୟ ବାତ୍ୟାର ପ୍ରଭାବ ଓଡ଼ିଶାକୁ ନାହିଁ । ଚାଷୀଙ୍କୁ ବ୍ୟସ୍ତ ନହେବାକୁ ପାଣିପାଗ ବିଭାଗର ପରାମର୍ଶ

କନକ ବ୍ୟୁରୋ: ଦକ୍ଷିଣ ବଙ୍ଗୋପସାଗରରେ ସକ୍ରିୟ ଘୂର୍ଣ୍ଣିବଳୟ ଘନୀଭୂତ ହେବା ପାଇଁ ସଂଗଠିତ ହେଉଛି ବାଦଲ ଖଣ୍ଡ । ଏଣୁ ଆଉ ଥରେ ଏକ ବାତ୍ୟା ନେଇ ପୂର୍ବାନୁମାନ କରାଯାଉଛି । କିନ୍ତୁ ବଙ୍ଗୋପସାଗରରେ ସମ୍ଭାବ୍ୟ ବାତ୍ୟାର ପ୍ରଭାବ ଓଡ଼ିଶାକୁ ନାହିଁ । ଓଡ଼ିଶା ଉପରେ ପଡିବ ନାହିଁ ବାତ୍ୟାର କୌଣସି ପ୍ରଭାବ । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶକଙ୍କ ସୂଚନା ମୁତାବକ ଆସନ୍ତା ୨୬ରୁ ରାଜ୍ୟରେ ପାଣିପାଗରେ ପରିବର୍ତ୍ତନ ସହ ଟ୍ରର୍ଫ ଲାଇନ୍ ପ୍ରଭାବରେ ହେବ ହାଲୁକା ବର୍ଷା ହୋଇପାରେ । ଫଳରେ ଦିନର ତାପମାତ୍ରା କମିବା ସହ ବଢିବ ଶୀତ ।

ଆଜି ଘୂର୍ଣ୍ଣିବଳୟ ପ୍ରଭାବରେ ଘୂର୍ଣ୍ଣୟମାନ ପବନର ବେଗ ବୃଦ୍ଧି ସହ ବାଦଲ ଆଚ୍ଛାଦାନରେ ମଧ୍ୟ ବୃଦ୍ଧି ଘଟିଛି । ଅର୍ଥାତ  ଅଧିକ ଘନୀଭୂତ ହେଉଚି ଘୂର୍ଣ୍ଣିବଳୟ । କ୍ରମଶଃ ପଶ୍ଚିମ ଉତ୍ତର ପଶ୍ଚିମ ଦିଗରେ ଗତି କରି ଆସନ୍ତାକାଲି ଦକ୍ଷିଣ ପୂର୍ବ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହେବ । ପରେ ସେହି ସମାନ ଦିଗ ଅର୍ଥାତ୍ ପଶ୍ଚିମ ଉତ୍ତର ପଶ୍ଚିମ ଦିଗରେ ଗତି କରି ନଭେମ୍ବର ୨୫ ବେଳକୁ ଦକ୍ଷିଣ ପଶ୍ଚିମ ବଙ୍ଗୋପସାଗରରେ ଘନୀଭୂତ ହୋଇ ଅବପାତରେ ପରିଣତ ହେବ । ତେବେ ଏହା ଆଗକୁ ଆଉରି ଘନୀଭୂତ ହେବ କି ନାହିଁ ତା ଉପରେ ନଜର ରଖିଛି ପାଣିପାଗ ବିଭାଗ । ବର୍ତ୍ତମାନର ଆକଲନ ଅନୁଯାୟୀ ଅବପାତ ପଣ୍ଡିଚେରୀ ନିକଟରେ ଉପକୂଳ ଅତିକ୍ରମ କରିବ । ବର୍ତ୍ତମାନ